Génesis 28:16 - La'aqtaqa Ñim Lo'onatac 'Enauacna 2013

¹⁶ Qaq so Jacob, co'ollaq nlouec, nache deuennataxan, nache 'enapeco': «Ỹoqta 'eesa da Ñim Nataxala' hueta'a ne'ena 'alhua, qaq aỹem sa saỹaten co'ollaxa.»

Génesis 28:16 Referans Kwoze

Josué 5:15

Nache so Lataxala' na nalleppi Ñim Nataxala' ỹasategueto' somaye, 'eeta': «'Anqa't naua 'arapela'ate, cha'aye ne'ena 'auapetaña, namaye ỹataqta sa qaishetapec.» Nache so Josué ỹalaxaguet somaye.

Éxodo 15:11

'Am Nataxala', ¿negue'tom ca lỹa atamnaxala' maye ishet da 'Am qanaloqnaxaneguet? ¡Ỹataqta qaica ca lỹa qui'itta qataq 'amaqtaqaic da 'Am 'eeta'am! ¡'Aushet da 'auo'ot ca huo'o da na'aalaxa qataq ca huo'o da lchec! ¡Qaq 'itchiguiñi da 'Am qaỹo'oxoren!

Éxodo 3:5

Nache Ñim Lo'onatac 'Enauacna 'enapeco': «Saishet da 'anquigueuo. Qataq 'anqa't naua 'arapela'ate, cha'aye nam 'alhua maye 'auapetalec, namaye ỹataqta qui'itta.»

Da na'aqtaguec so Job 33:14

Ñim Lo'onatac 'Enauacna saishet da 'oonolec naqa'en ca llec ca la'aqtac da qomi' detaxaỹoto, qalaxaye qomi' ye sa ñanomaxa naxa de'era 'eetec Ñimaye.

Da na'aqtaguec so Job 9:11

Qaq Ñimaye da huo'otaq aỹem nlectot, qalaq saishet da sela'a, qataq da aỹem napacalec, nataqa'en saishet da ñanoma,

Isaías 8:13

Ñim Nataxala' maye Qaica ca Ỹaqalanapec, nacheñita maye qui'itta qanqa'eñi, qataq nacheñita maye huo'o naq 'enec qanqa'eñi, qataq nacheñi ñi ishet da qayi'iỹai da lviraxac.

Salmos 68:35

Ỹataqta huo'o da 'archec 'Am 'Auo'otapecna, da qoueta'a añi atamnaxaqui maye 'aralamaqte. Ñim Natamnaxala' na Israel le'ecpi ỹanem da la'añaxac qataq da lquesaxanaxa na lalamaxat nhuo' le'ecpi. ¡Qaq ỹataqta qaỹo'oxoren qome Ñim Lo'onatac 'Enauacna!

Éxodo 3:4

Qaq Ñim Nataxala' co'ollaq ila'aguet so Moisés da nquigueua'a da ỹauotaique imeten asomaye, nache deỹaxan, chemaqtoigui asa'aso qo'oipaqole, 'eeta': «¡Moisés! ¡Moisés!» Nache so Moisés ỹasat, 'eeta': «Aja', nachaỹem.»

Josué 5:13

Huo'o so na'a'q, nache so Josué hueta'a ye sa qaỹapeque ye Jericó, nache co'ollaq namatasheguem, nache ila'a so ỹale nachattañi, nasoqta'a so lainec, nache so Josué nquicot somaye nache inat, 'eeta': «¿Peta'a maiche 'am qarỹa, qalqo' 'am qampa'aguenaxaua?»

1 Reyes 3:15

Qaq co'ollaq nlouec so Salomón, nache nanoma da dechoxootac. Huaña nache ỹe'eguelaq, taỹa ye Jerusalén, qaq co'ollaq ivireuo nache taua'a ye netaña aso arca maye laỹe' da naỹamaxataxac Ñim Nataxala', nache ỹaneuo aso lachetaqtaxanaqte qaỹavigaxatta, qataq aso qanhuaachigui. Qaq ime, nache ỹo'ot so nquia'axac, nache dequi'iỹa'ai' 'enauac so ltauapi.

Salmos 139:7

¿Hua'agom ca saigue da qaỹoqta ñaqa'en so Saqcha'a 'Ara'añaxac? ¿Hua'agom ca she'eguenegue da yaqto' 'am qaỹoqta ñaqa'en?

Jeremías 31:26

Qaq huaña, nache ñelouec, qataq sauacheguelo naua ỹa'ai'te, nache ỹataqta saỹamaxareeta so ichoxonaxac.

Números 12:6

nache Ñim Nataxala', 'eeta': «Ña qana'axaỹaxañiỹa da ỹa'aqtac: Da huo'o naxa na ỹa'aqtaxanaxanec da qoñiita, nache Aỹem setaxaỹapegue', huaigui ñaqa'en da lauanaqchec, qataq lchoxonaxac,