Biblia Todo Logo
Bib sou entènèt

- Piblisite -




Génesis 28:15 - La'aqtaqa Ñim Lo'onatac 'Enauacna 2013

15 Qaq Aỹem 'am soota'aguet, qaq maicheye cam 'aigue qalaq 'am ñepaxattalec qome, qataq 'am ñe'eguelaxata qome ne'ena 'alhua. Saishet qome da 'am salat, choche ivitta'a da sepacchigui da so'ot 'enauac nam 'am sachaxanapecotpi.»

Gade chapit la Kopi




Génesis 28:15
48 Referans Kwoze  

Qaq ỹataqta qaica qome ca ishet da 'am dataỹa'aguet qom ñaq 'anca'altauec, qataq Aỹem ỹataqta 'am soota'aguet qome, 'eeta'am ñaqa'en da sheetec da ỹataqta soota'aguet co'ollaxa so Moisés, saishet da 'am salat, ỹataqta 'am sa seỹotec.


Saishet qome da 'añe'etac cha'aye Aỹem 'am soota'aguet, saishet da 'añe'etac cha'aye nache Aỹem 'Anatanmaxala'. Aỹem 'am sanem da 'ara'añaxac, Aỹem 'am setauan qome, Aỹem sauota'a qome na ihuaq maye huegaxanaxaic da 'am ñasoqtañi.


Namayepi 'am delogui' qome, qalaxaye saishet qome da 'am loxonec, cha'aye aỹem 'am soota'aguet qome da yaqto' 'am ñepaxattalec. Qaq 'era da ỹa'aqtac Aỹem Nataxala'.»


Qaq ỹoqo'oye qana'añaxache, qataq qami' qaramchiguilo qome, saishet da huo'o da qarcolanaqai, qataq saishet da qayi'iitac qom qauataiỹa'aguet yemayepi, cha'aye Ñim Nataxala' maye Qanatamnaxala'ai, qami' hueta'agueta qome qataq saishet da qami' ỹaxaare'c huo'otaq da qami' ỹala't.»


Qaq nacheso, se'eso pe da Ñim Nataxala', nachaxana somaye, nache 'enapega, 'eeta': «Aỹem, nachaỹem Natamnaxala' so 'arta'a Abraham. Saishet qome da 'añi'i, aỹem 'am soota'aguet. Qaq souaxat so ỹamaxashec Abraham, nache 'am saalec qome da ichoxonnataxanaxa, qataq qalota ñaqa'en ca 'am chegoxoguetpi.»


Qaq huaña nache Ñim Nataxala' 'enapego' so Jacob, 'eeta': «'Avi'eguelaxa qome ye na'alhua caua 'arta'al, yem netaña ca 'arhuo' le'ecpi, qaq Aỹem 'am ñenaictague' qome.»


qaq nagui, qalaq no'on da nache qonetaña ne'ena 'alhua. Aỹem 'am soota'aguet qome, qataq 'am sanem da ichoxonnataxanaxa, cha'aye 'am, qataq ca 'am chegoxoguetpi, sanem qome 'enauac ne'ena 'alhua. Qaq yaqto' sepacchigui dam sachaxanapeguem co'ollaxa so 'arta'a Abraham.


Na piguem qataq ana 'alhua imeuo qome, qalaxaye da ỹa'aqtac saishet da imeuo.


Cha'aye cam huetra'a caua dos, huo'otaq tres da qoñiita da na'aqtaxaatapiguilo da ỹe'enaxat, nache Aỹem soota'agueta caamaye.


Qaq da huo'otaq 'aua'axasoxoolec ca 'etaxat, qalaq Aỹem 'am soota'aguet qome, qataq da 'aua'axasoxoolec ca tala qalaq saishet da 'am 'ogaxaic, qataq da huo'otaq qoquetangui ca norec, qalaq saishet da 'am ỹavigaxat, qataq nam le'eraxa camaye saishet da 'am ỹavigaxat.


Qaq nagui, Ñim Nataxala' maye Qanatamnaxala', ñaq qomi' hueta'agueta, 'eeta'am co'ollaq hueta'aguet so hua'au qarta'alpi, qataq saishet qome da qomi' ca'aisalo qataq da qomi' ỹala't,


¡Ñim Nataxala' maye Qaica ca Ỹaqalanapec, qomi' hueta'agueta! ¡Ñim Natamnaxala' so Jacob nacheñi ñi qaye'eguenaxala'!


Qataq qauapaxaguiñic qome namayepi da ỹalaxalec 'enauac na ỹapaxaguenataxanaxacpi. Qaq Aỹem nache 'eetai' da qami' soota'agueta, choche ivitta'a ca loga't ana 'alhua.»


Cha'aye 'eesa ca shiỹaxaua da ñe'egueeteguela't da sa desalli naqa'en na lo'oc, damaye cara'acolec da huo'o da naigui. Qalaxaye da qanpa'ataxareelec da na'amqaanataxanaxac Ñim Lo'onatac 'Enauacna, damaye ỹataqta lta'araic da naigui. Cha'aye ỹataqta 'onaxaic da qomi' ỹo'otegueta nagui da ñaq souaqtalec ana 'alhua qataq nataqa'en qom seviraxague da piguem. Qaq de'era ỹataqta 'eesa, qaq ỹoqo'oye 'enauac damaye iuen da sa'amaqtenaq.


Ñim Lo'onatac 'Enauacna saishet da 'eeta'am ca shiỹaxaua, Ñimaye saishet da datenataxan, qataq sa naralaxat ca lhuennataxa. Cha'aye da huo'o ca ỹan la'aqtac, qalaq ipacchigui da ỹo'ot. Qataq da huo'o ca ỹachaxanapec qalaq ipacchigui da ỹan.


Qaq ime, nache 'enapega so José, 'eeta': «Aỹem mashe saqaỹaloq da seleu, qalaxaye Ñim Lo'onatac 'Enauacna qami' hueta'agueta qome, qataq ỹo'ot qome da qavi'iguelaqỹa yem na'alhua som hua'au qarta'ailpi.


Da huo'o ca qalapaqaiñi lataxac qalaq saishet da ipaigui, qataq da qaỹa'añi ca qara'aqtaqui qalaq saishet da qaỹo'ot, cha'aye Ñim Lo'onatac 'Enauacna qomi' hueta'agueta.


Qaq ỹoqo'oye Ñim Nataxala' Nacheñi ñim qami' ỹanema qome ca na'anec: Aca qa'añole hualaxai qome nache acamaye ỹale qome ca llalec, qaq que'eca llalec acamaye ỹanagui qome da le'enaxat Emanuel, maye naigui da: ‹Ñim Lo'onatac 'Enauacna qomi' hueta'agueta.›


Nache Ñim Nataxala' 'enapego' somaye, 'eeta': «Aỹem 'aupi'iỹa'a qome, cha'aye Aỹem, 'am soota'aguet. Qaq ỹoqo'oye 'am 'oxonec qome ye madianiitapi, nache yemayepi 'eeta'am qome ca 'oonolec shiỹaxaua da 'oxonec.»


Aỹem maye ỹe'enaxat Judas, so'onataxaatacot So Qarataxala' Jesucristo, qataq ỹaqaỹa so Santiago. Aỹem samaxa ana ỹere 'enauac nam lauotaxatpi qataq lca'aguishecpi Ñim Lo'onatac 'Enauacna, nam nataqa'en lhuateguishecpi So Jesucristo.


¡Ñim Nataxala' maye Qaica ca Ỹaqalanapec, qomi' hueta'agueta! ¡Ñim Natamnaxala' so Jacob nacheñi ñi qaye'eguenaxala'!


qalaxaye nache 'ena'am Ñim Nataxala' hueta'aguet somaye, qataq nache queto'ot da ỹachaxaatega da lauotaxanaqtaic, qataq ỹo'ot da so ilotague' aso ncoñetaxanaxaqui ỹauotec somaye,


Qalaxaye Ñim Nataxala' hueta'aguet co'ollaxa so José, qaq ỹoqo'oye ỹataqta ỹaỹamaqchiguiñi 'enauac nam ỹo'otpi, co'ollaq hueta'a so lma' so na'aco' Egipto le'ec.


Nache Ñim Lo'onatac 'Enauacna, 'enapeco': «Aỹem 'am soota'aguet qome. Qaq 'era qome da la'anaxat da ỹoqta 'eesa da 'am samaq, 'eeta': ‹qom ivita da 'anqateeguesop ye Egipto yem ỹalamaxatpi, nache 'enauac da qoñeeta aỹem qanatamñiỹot da huaña ne'ena qaỹoqotcheguemec 'alhua.›»


so namaxashec maye aỹem nca'alaxateeguesop nam qauemsat, ỹanema qome ca lchoxonnataxanaxa ne'enaua nogotolqa. Da yaqto' chegoqchiguilo naamaye da saishet da qaicoua'ai da ỹe'enaxat, qataq da le'enaxat soua ita'al Abraham qataq so Isaac. Qataq ỹataqta qalota qome ca llalaqpi naamaye ana'ana 'alhua.»


Ime, nache so Jacob natamen, 'eeta': «'Am Nataxala', maye 'Am Natamnaxala' so ỹape Abraham, qataq ca ita'a Isaac. 'Am maye aỹem qonapega co'ollaxa da she'eguelaxa ye ña'alhua, qataq ye ihuo' le'ecpi, qataq aỹem 'auo'otec da qaica camachaqca da ỹecỹaxac,


Qataq 'am ñenaictague' qom 'anqo'ona ye Egipto, qataq nachaỹem qome ñeqateeguesop yemaye cam 'am chegoxoguetpi. Qataq da lỹa 'eeta': qom 'aleu, nache ñi José huetaua'a qome na 'araỹe.»


Qaq Ñim Lo'onatac 'Enauacna, nache hueta'aguet co'ollaxa so nogotolec, qaq somaye nache nquictasheguem da lañaxataxac, qataq nache netaña yem toolec 'alhua, qaq somaye ivira'a da ỹataqta ỹaỹaten da do'ogoxona na checnec.


nache 'enapegalo', 'eeta': «Aỹem mashe ñanoma da ñi qarta'ai, saishet da aỹem ilo'oguet, da 'eeta'am so hua'autec, qalaxaye Ñim Natamnaxala' ca ita'a saishet da aỹem iỹotec.


Aỹem Nachaỹem So'otapecna maye 'am ñachaxana co'ollaq huaña ye Betel, yem huaña co'ollaxa da 'aucorelec so aceite so coma', qataq huaña da Aỹem 'aỹa'anot so 'ara'aqtac. Qaq ña qoñisheguem qome, nache qoca'ai ne'ena 'alhua; 'avi'eguelaxa ye 'alhua maye 'arañoqo' co'ollaxa.›»


nache ñaỹamaxataq da ñeqo'onaxa ye Betel. Qaq huaña qome yemaye nache so'ot aca ica'atoxonaxalate da sho'oxoren Ñim Lo'onatac 'Enauacna, maye aỹem itauan co'ollaq sootaigui so iuogoxo, qataq aỹem nnaictague' naua ỹeco cam sataigue.»


Ñim Nataxala' qom mashe qami' ỹanaleguete yem na'alhua na Canaán le'ecpi qom ipactelec dam la'aqtac maye qami' ỹanema co'ollaxa qataq soua hua'au' qarta'alli', qaq qom mashe ime da qami' ỹanema que'eca 'alhua,


‹Ñim Nataxala' 'am talec naqa'en ca 'anqouagaxa, qataq 'am ntela'a,


Ỹoqo'oye qauauattoñiita qome da Ñim Nataxala' maye Qanatamnaxala'ai, Ñimaye ỹataqta 'eesa, qataq ipactelec da naỹamaxataxac, qataq da lchoxonnataxanaxa maye ỹanem cam ỹauotec, qataq ỹo'ot na lamaxasoxonaxacpi Ñimaye, nache ivitta'a ca ỹataqta qalota maye chegoxoguetpi camaye,


nache Ñim Nataxala' maye Qanatamnaxala'ai qaltaq ỹe'eguelaxa qome da qami' ichoxore'n, qataq qami' laỹona't, nache qami' ñe'eguelaxa't qami' ỹachegoxotchiguiñalo ca na'alhua ca ỹotta'a't shiỹaxauapi maye qami' ỹo'ora'alo co'ollaxa Ñimaye.


Qaq Ñim Nataxala', nacheñi Ñim hua'auta'ague qome da 'ata'ague, qataq 'am hueta'aguet, saishet da 'am ỹaxanec qataq da 'am ỹalat, qaq ỹoqo'oye saishet qome da 'añe'etac qataq da 'anlautapiguiñi.»


Qaq aso Raquel, co'ollaq mashe ñiguiñi so llalec José, nache so Jacob 'enapego' so Labán, 'eeta': «Aỹem 'auasheeta qome da she'eguelaxa ye maiche ña'alhua.


Huaña, nache tachigui iuel qome da ñaỹamaxate' co'ollaxa so Jacob, Isaac qataq so Abraham, qataq seuennate yi'iye 'alhua maye sachaxanapeguema co'ollaxa soomaye,


Nacherata da sepagaqchigui qome da ñaỹamaxataxac co'ollaq ñaỹamaxate' so qarta'ailpi, maye ñeqateeguesop co'ollaxa ye Egipto, ỹauaachigui ñaqa'en na lma' naua lỹa't 'aleu' da yaqto' Aỹem Qanatamnaxala'ai. Qaq 'era da ỹa'aqtac, Aỹem Nataxala'.»


cha'aye Ñimaye 'am namaxa qome ca lamaxashecpi piguem le'ecpi, da yaqto' ntela'a 'enauac da 'icỹaxac.


nacherata qome da qoỹeeta': ‹Ñim Nataxala' nca'altauec, ñim nqateeguesop co'ollaxa na Israel le'ecpi ye 'alhua maye pa'aigue da sheu' qataq 'enauac na laỹepi 'alhuapi maye ilagaxaalec co'ollaxa namayepi.› Cha'aye Aỹem qami' she'eguelaxatalo qome ye qana'alhuai yem 'alhua maye sanem co'ollaxa so hua'au qarta'ailpi. Qaq 'era da ỹa'aqtac Aỹem Nataxala'.


Swiv nou:

Piblisite


Piblisite