Génesis 28:12 - La'aqtaqa Ñim Lo'onatac 'Enauacna 2013

¹² Qaq huaña yemaye, nache huo'o so lchoxonaxac, dechoxootega da ilota'a so napiaxala', na'attalec ana 'alhua, nache iviro'ot na piguem, qaq som lamaxashecpi Ñim Lo'onatac 'Enauacna, naguinguicnaxa somaye qataq ỹe'eguelaxasheguem.

Génesis 28:12 Referans Kwoze

Juan 1:51

Nataqa'en 'enapeco' So Jesús: –Ỹataqta 'eesa de'era, qami' sa'axatema nagui, da qami' qauloỹa'a qome na piguem qom nauatoigui, qataq na lamaxashecpi Ñim Lo'onatac 'Enauacna naỹaña Aỹem Shiỹaxaua Llalec qaltaq ỹe'eguelaxasheguem.

Números 12:6

nache Ñim Nataxala', 'eeta': «Ña qana'axaỹaxañiỹa da ỹa'aqtac: Da huo'o naxa na ỹa'aqtaxanaxanec da qoñiita, nache Aỹem setaxaỹapegue', huaigui ñaqa'en da lauanaqchec, qataq lchoxonaxac,

Génesis 15:1

Qaq co'ollaq ime de'era, nache Ñim Nataxala' detaxaỹot so Abram, huaigui naqa'en so lauanaqchec, 'eeta': «Abram, saishet da 'añi'i, cha'aye aỹem 'arpaqtaxanaxat. Ca 'ansheetenaguec ỹataqta lta'araic qome.»

Génesis 15:12

Qaq co'ollaq mashe napaltapiguiñi, nache so Abram ỹataqta do'ocheta. Qaq saqaỹaloq co'ollaxa da anac so lta'araic napalaxa, nache coleesop somaye, nache somaye ỹataqta ñi'i.

Hebreos 1:14

Cha'aye na namaxashecpi piguem le'ecpi, namayepi choche saqcha'a na'añaxacpi maye do'onataxaatacot Ñim Lo'onatac 'Enauacna. Qataq Ñimaye ỹamaxa namayepi da itauan 'enauac nam shiỹaxauapi maye taỹa'a da nca'alaxatec Ñimaye.

Daniel 7:1

Qaq so la'auaxanec vi'i da lo'onataxanaxac so Belsasar ye Babilonia, nache so Daniel huo'o so lchoxonaxac, qataq so lauanaqchecpi. Qaq co'ollaq nlouec, nache ỹiyiñi nam lataxacpi maye ỹataqta huo'o naq 'enec naqa'en. Qaq 'era dam ỹiyiñi somaye:

Hebreos 1:1

Soua ỹataqta qaỹoqteguelo vi'iye, so la'aqtaxanaxanecpi Ñim Lo'onatac 'Enauacna da'aqtaxaateguem som hua'au qarta'alpi. Ỹataqta qalota naxa da da'aqtaxanem da la'aqtac Ñim Lo'onatac 'Enauacna, qataq ỹotta'a't da lataxac naqa'en da da'aqtaxanem somayepi.

Isaías 41:10

Saishet qome da 'añe'etac cha'aye Aỹem 'am soota'aguet, saishet da 'añe'etac cha'aye nache Aỹem 'Anatanmaxala'. Aỹem 'am sanem da 'ara'añaxac, Aỹem 'am setauan qome, Aỹem sauota'a qome na ihuaq maye huegaxanaxaic da 'am ñasoqtañi.

Mateo 1:20

Qaq co'ollaq ñaq tatapigui lauel de'era so José, nache anac so lamaxashec Ñim Lo'onatac 'Enauacna, huaigui naqa'en so lo'ochaxa da nachaxana somaye. Nache 'enapega, 'eeta': –José, 'am maye 'auachegoxoguet so nta'a David, saishet qome da 'añi'i da 'apaca'aguet añi María da 'arhua. Cha'aye dam llalec maye huetaigui añimaye, chegoqchigui da la'añaxac So Saqcha'a Na'añaxac Qui'itta.

Génesis 20:3

Qalaxaye se'eso pe so Abimelec huo'o so lchoxonaxac maye huaigui co'ollaxa da Ñim Lo'onatac 'Enauacna 'enapega, 'eeta': «'Am 'aleu qome, cha'aye añi 'alo maye 'auaconeua'a da huotaique 'arhua, añimaye huo'o ñi lhua.»

Mateo 2:19

Qalaxaye co'ollaq mashe ileu so Herodes, nache huaña ye Egipto da qaltaq nachaxana so José so lamaxashec Ñim Lo'onatac 'Enauacna, huaigui naqa'en so lo'ochaxa. Nache 'enapega, 'eeta':

2 Crónicas 16:9

Qaq cha'aye da lmeenaxanaxac Ñim Nataxala' ilotalec 'enauac ana 'alhua, da yaqto' itauan cam ỹataqta ỹa'amaqten Ñimaye. Qalaxaye 'am, de'era 'auo'ot qoneta'am ca huo'o da aloic, qaq ỹoqo'oye nagui, nache de'era taỹa'ague da 'aro'onataxanaxac, qalota qome na alaataxacpi.»

Génesis 41:1

Qaq co'ollaq mashe inoxoorec soua dos vi'iye, nache huo'o so na'a'q da so faraón dechoxootega da nachattañi, hueto'ot na loigue so tala le'enaxat Nilo,

1 Reyes 19:5

Ime, nache nnaañi hueto'ot asotai' qo'oipaqole le'enaxat retama, nache do'ochaañi. Qalaxaye anac so lamaxashec Ñim Nataxala', nache ipoteua'a da nquetoxon, nache 'eeta': «Qoñisheguem, nache 'auque'e.»