Génesis 27:46 - La'aqtaqa Ñim Lo'onatac 'Enauacna 2013

⁴⁶ Qaq ime, nache aso Rebeca 'enapega so Isaac, 'eeta': «Aỹem mashe ỹataqta ñasamñi souaxat ñeua hitiita maye huaronegueta ñi Esaú. Qaq ñi Jacob da huo'otaq huaroneguet aca hitiita da 'eeta'ama ñiimaye, anam hueta'a ne'ena Canaán, qaq no'on da seleu.»

Génesis 27:46 Referans Kwoze

Génesis 24:3

nache 'aỹa'anot ca 'ara'aqtac Ñim Nataxala' maye lo'onatac na piguem qataq ana 'alhua, da yaqto' saishet da 'auashenem ñi ỹalec Isaac, da huaroneguet aca 'alo maye lma' na 'alhua Canaán, maye soota'a nagui,

Génesis 28:8

Qaq huaña, nache so Esaú ỹaỹaten da so lta'a ỹataqta sa ỹaỹamaxaren so 'alpi maye lma' ye Canaán.

Da na'aqtaguec so Job 14:13

¡'Onaxaico' da aỹem 'oxooñi da huaña ca lma' na leuaxaicpi, nache ivitta'a da inoxonec da 'aralemataic, qaq da inoxonec damaye nache aỹem 'auennate!

Da na'aqtaguec so Job 7:16

Mashe saỹemec da ñachaalataxac. Qataq sa iuennataxa da nache 'eetai' da ñeca'altauec. Ỹoqo'oye aỹem 'aỹa'axaatac, cha'aye da ñachaalataxac qaica ca naigui.

1 Reyes 19:4

Qaq ime, nache tauga so toolec 'alhua, nache queuoteguelec so 'oonolec na'a'q, huaña nache taỹot so lpaqal asotai' qo'oipaqole le'enaxat retama da nso'ooñi. Nache nhuootapeguela't, qataq nshetaique da nache ileu, nache 'eeta': «¡'Am Nataxala', 'onaxaictaxa da nache tachiguiña de'era, qaq no'on da 'anqat da ñachaalataxac, cha'aye saishet da no'on da ỹataxac da sheeta'ama soua ita'al!»

Números 11:15

Cha'aye da qoqueto'ot da aỹem 'auo'otec de'era, qaq no'ono' da aỹem 'auchoxoren da 'anqat da ñachaalataxac, qom 'eesa da aỹem 'auauotec. Yaqto' saishet da ñeque'etaxaachigui de'era qauem.»

Jonás 4:9

Qalaxaye Ñim Lo'onatac 'Enauacna, 'enapego' so Jonás, 'eeta': «¿Peta'a ỹaỹamaqchiguiñi 'anqa'en da 'aualemata souaxat da deqaqa so nshe'ela?» Nache so Jonás, 'enapeco': «Aja', ỹataqta salemata, souaxat da deqaqa so nshe'ela.»

Jonás 4:3

Qaq ỹoqo'oye nagui 'am seỹaxanot 'Am Nataxala', da nache tachiguiña 'anqa'en da ñachaalataxac, 'onaxaico' da seleu, cha'aye saq 'ena'am da ñeca'altauec.»