Génesis 27:41 - La'aqtaqa Ñim Lo'onatac 'Enauacna 2013

⁴¹ Qaq nache chegoqchiguiña co'ollaxa da so Esaú nquiỹa so Jacob, souaxat so nchoxonnataxanaxa maye so lta'a ỹanem somaye, nache deuennataxaataco', 'eeta': «Mashe saqaỹaloq da huo'o ca qarasouaxac souaxat ca l-leuaxa ñi ita'a. Qaq qom ime camaye, nache aỹem salauat qome ñi ỹaqaỹa Jacob.»

Génesis 27:41 Referans Kwoze

Génesis 37:4

Qalaxaye soua lqaỹa't, co'ollaq nomalo da so lta'a ỹataqta lauotaxat somaye, saq 'ena'ama soomaye, nache ỹataqta nquiỹalo so José, ivitta'a da saishet da iqui'n.

Eclesiastés 7:9

Saishet qome da 'aua'aqta'a da 'am ỹauectac da nalemataic, cha'aye damaye lalamaxat cam shiỹaxaua maye qaica ca ỹaỹaanapec.

Proverbios 6:14

da lhuennataxa qalaq huetaigui da ñe'etaxaloxo, qataq nache lhuennataxa da ỹo'ot na qauemsat qataq da loquiaxac.

Génesis 37:8

Qaq huaña nache soua lqaỹa't 'ena'apo': «¿Damaye naigui peta'a da 'am qarta'a qome, qataq qomi' 'auamaqta'ape?» Qaq huaña, nache qaltaq ỹactec da qanquiỹa, souaxat so lchoxonaxac, qataq da 'eetec da la'aqtaxanaxac.

Génesis 32:6

Qaq co'ollaq mashe ñe'eguela'q soua namaxa'she, nache da'aqtaxaarem so Jacob, 'eetra': «Qomi' mashe sachegoxosoqa'a ñi 'arqaỹa Esaú. Qaq namaye mashe 'anacta da 'am nca'ata'aguet, nnaictague' na cuatrocientos nalleppi.»

Tito 3:3

Cha'aye nataqa'en qomi' co'ollaxa soua hua'au' na'axa'te, qomi' qaica ca saỹaanaqpec qataq qomi' qauemaiqa, sesomaqtac qataq qomi' l-lataqa na ỹotta'a't qarqopitaxanaqtaicpi. Souaqtaigui na qauemsat qataq da nquiỹaxanaqtaic qataq seviraqta'a da ñepa'aguenaqta'a't.

Ezequiel 35:5

'Am chochaq tatec co'ollaxa da 'ampa'aguenaxaua na Israel le'ecpi, qataq 'auloquiaxaatac co'ollaxa namayepi, co'ollaq talec so pa'atec nhuaxanaguec souaxat na lasouaxashet.

Proverbios 1:16

cha'aye namayepi ỹataqta huo'o da lỹalaxa da ỹo'ot ca qauem, qataq iỹalata'a da icoldec naua ntago'q,

Salmos 142:3

Naxa da mashe qaica ca ỹa'añaxac, qalaq 'Am Nataxala', aỹem 'auachaxana so nqa'aic, cha'aye so nqa'aic maye shectague' qoỹanangui aso nqoinapi.

Salmos 37:16

Na saq 'amaqtaq lalamaxat ca ỹale no'on da lataxac, namaye ỹataqta 'onaxaic, qaq saq 'ena'am na qalota lsallaxa na qauemaicpi.

Salmos 35:14

Nache choche shequeuotapigui' da ỹaquicoxo, qataq qaica ca ỹa'añaxac 'eeta'am da huo'otaq ileu aca ỹate'e, huo'otaq ca ñauochaxaua huo'otaq ca ỹalamaxat ỹaqaỹa.

2 Crónicas 35:24

Nache soua lataxala'ate so alleppi nqateeguesop somaye aso nalaataxaqui laigona, nache nquigaxat da ỹanangui aso lỹa naigona, nache soomaye ira'alo ye Jerusalén, yem huaña co'ollaxa da ileu. Nache soomaye ilayiñi somaye, ỹachaigui aso nhuachiqui so hua'au lta'alpi. Qaq 'enauac so hueta'a ye Judá, qataq ye Jerusalén da nỹeeteguelec co'ollaxa da l-leuaxa so Josías.

Deuteronómio 34:8

Nache so Israel le'ecpi nỹeetapeguelec co'ollaxa so Moisés soua treinta na'axa'te huaña ye ca'amapega't 'alhua ye Moab, nache qaipacchigui da lataxac da nasouaxac.

Génesis 35:29

Nache jec da ỹalegoigui so hua'au lta'alpi, qaq mashe ỹataqta ỹa'axaiquiolec co'ollaq ileu. Qaq soua llalqa Esaú qataq so Jacob, ilalyiñi co'ollaxa somaye.

Génesis 32:11

¡Qaq ñaq aỹem 'arqouaguec qome, da aỹem 'anca'alaxateeguesop da lhuaqỹaxac na ỹaqaỹa Esaú! Cha'aye huo'o da icolanaxa da anac da aỹem iloquiaxan, nache ỹalauat na 'alpi, qataq na ñaqpiolec.

Génesis 27:42

Qaq aso Rebeca co'ollaq ỹaỹaten da lhuennataxa so Esaú, nache damaxasoxoneuga so Jacob, nache 'enapega, 'eeta': «Ñaq 'aula'a, da so 'arqaỹa Esaú ỹauotaique 'am ỹalauat da yaqto' ipalaique ca lvi'.

Génesis 32:3

Qaq ime co'ollaxa, nache so Jacob ỹauo'oi soua ỹama'q da taỹalo naqa'en ye 'alhua Seir, maye huaigui ye 'alhua Edom, da ỹauo'o da la'axaỹaxac so lqaỹa Esaú.

Génesis 50:2

Ime, nache ỹamaq so natannaxanaqpi maye lamaxashecpi da icoyigui da lo'ocỹaxac so lta'a Israel, da yaqto' saishet da nlaguiñi, qaq 'era da qoỹeetec somaye.

Génesis 37:18

Qaq soomaye ilora'aguet somaye co'ollaq ñaq qaỹoqteguet, qaq co'ollaq ñaq qaỹata'aguet, nache detaqtapiguilo ca lataxac da ỹalaua't somaye.

Génesis 50:15

Qaq so Jacob co'ollaq mashe ileu, nache soua lqaỹa't so José deuennataxaata'ape, 'eeta': Nagui ñi José yo'oqta da qomi' nquiỹalo nache ipalaique lvi' souaxat da qauem maye so'otaxac co'ollaxa.

Proverbios 18:19

Ca nqaỹa maye qainogoqchet ỹataqta qaica ca ivireua'a 'eeta'am ca huaqta'a't nỹecpi maye qaỹapotaua'a. Qataq na cotaxacpi qalaq 'eeta'am ca lapoxot ca nỹec lta'araic.