Génesis 27:40 - La'aqtaqa Ñim Lo'onatac 'Enauacna 2013

⁴⁰ Qataq 'auo'ogoxona qome ca 'ainec da 'ampaxaalec da 'anachaalaxataxac, qataq 'am lamaxashec qome so 'arqaỹa, qalaxaye qom ivita da 'aua'añi, nache 'ansoueguesop somaye.»

Génesis 27:40 Referans Kwoze

Génesis 25:23

qaq Ñimaye ỹasateguet asomaye, 'eeta': «Na 'arhuel huetaiguilo yeua dos, maye chegaqaiguilo qome ca ỹotta'a't shiỹaxauapi, qataq dos nhuo' lashe' deloctega't da ñaq taỹa'a da ñiyiñi. Qaq ye 'oonolec ỹataqta 'añaxaic qome, saq 'ena'am ye lỹa da la'añaxac, qaq ye na'asa qalaq ilo'ogue qome ye ỹe.»

2 Crónicas 21:10

Huaña co'ollaxa nache so Edom le'ecpi ishet da nỹotec da huesoueeguesop da la'añaxac ye Judá, nache ivitta'a nagui. Qaq nache huaiguilo co'ollaxa se'esoua na'axa'te da nataqa'en so lma' ye Libna da nỹotec, cha'aye souaxato' da so Jorán, ca'ai Ñim Nataxala' maye Natamnaxala' so hua'au lta'alpi.

2 Samuel 8:14

Ime, nache ỹanaña co'ollaxa so nalleppi ye Edom, qaq so edomiitapi qalaq datalec co'ollaxa so David. Nache Ñim Nataxala' ỹanem co'ollaxa da qalota so loxonecpi somaye da huo'o na taỹa 'alhua.

Salmos 60:8

Qaq ye Moab qalaq 'eeta'am ca laỹe' na 'etaxat da yaqto' seỹoi' naua ihua'q, qaq ye Edom qalaq sasaxanguilo naua ỹapela'ate. Qaq ye 'alhua Filistea huaña da sa'alaqtai' souaxat da soxonaxan.»

2 Crónicas 21:8

Qaq soua na'axa'te maye huaiguilo da lo'onataxanaxac so Jorán, nache so Edom le'ecpi dataỹa'aguet co'ollaxa ye Judá, nache ỹauo'o so maiche lta'a.

2 Crónicas 28:17

cha'aye nataqa'en so Edom le'ecpi, naỹa co'ollaxa da iloquiaxan som Judá le'ecpi, nache huo'o so ỹauec loxonecpi.

2 Reyes 14:10

Qaq 'eesa da 'anauec co'ollaxa so edomiitapi, ỹoqo'oye añi 'arquiyaqte ỹataqta nlaqchigui da na'amqaanaxac. Qaq nalotañi da 'ana'amaqteetac, qalaxaye nache qoneta'a qome na 'arma'. ¿Ta'ainco' taxa da 'atapegueua'a dam qauem maye 'am ỹauega da qocañe' qome ye Judá?

2 Reyes 14:7

Qaq so Amasías, nataqa'en ỹalauat so diez mil edomiitapi, huaña so ca'amapega't 'alhua maye huaña na toue, nache loxonec so huaqta'a't nỹecpi ye Selá, nache ỹanagui da le'enaxat Yoctel, nache ivitta'a nagui.

Génesis 32:6

Qaq co'ollaq mashe ñe'eguela'q soua namaxa'she, nache da'aqtaxaarem so Jacob, 'eetra': «Qomi' mashe sachegoxosoqa'a ñi 'arqaỹa Esaú. Qaq namaye mashe 'anacta da 'am nca'ata'aguet, nnaictague' na cuatrocientos nalleppi.»

Mateo 10:34

Saishet qome da qaupicheetega da Aỹem ñera'a ana 'alhua da nlagaxayec. Aỹem saishet da ñeroi' da nlagaxayec, nachaqrata da cotaxac qataq na lqalaiguesat.

Génesis 27:29

Qataq qalota qome cam shiỹaxauapi 'am do'onataxaatacot, qataq cam ỹotta'a't shiỹaxauapi 'am ỹa'aroto qome naua l-llecte. Qataq 'aulo'ogue qome ca 'aralamaxat 'arqaỹañecpi, ¡maye 'am ỹa'aroto qome naua l-llecte! Qaq ca 'am ỹasaxalec ca qauem, qalaq talec qome cam qauem, qaq ca 'am ichoxoren, qalaq talec qome ca nchoxonnataguec.»

Génesis 33:9

Nache so Esaú, 'enapeco': «'A'i, 'am ỹaqaỹolec, 'eeso'oya' nam ña'atetpi. Nache 'am hueto'ot qome nam 'ana'atetpi.»