Génesis 27:4 - La'aqtaqa Ñim Lo'onatac 'Enauacna 2013

⁴ Qaq ime qome, nache 'auo'ot ca 'arhuoshec, ỹataqta ama 'anqa'en, cam ỹataqta ñaman naxa, nache aỹem 'andoua'a qome da sachec. Qaq nache huaña qome da 'am sanem da ichoxonnataxanaxa, nagui da saxanaxa da seleu.»

Génesis 27:4 Referans Kwoze

Hebreos 11:20

So Isaac nataqa'en huo'o da lpi'iỹaxac Ñim Lo'onatac 'Enauacna, qaq ỹoqo'oye somaye ỹachaxanapecoto soua llalqa Jacob qataq so Esaú da Ñim Lo'onatac 'Enauacna ỹaaleguete ca lqouagaxanaqtaic soomaye.

Génesis 48:9

Nache so José 'enapeco': «Qomye maiche ỹalqa maye aỹem ỹanema Ñim Lo'onatac 'Enauacna huaña nam soota'a Egipto.» Qaq huaña nache so Israel 'enapeco': «Aỹem 'anqouaguec, ñaq aỹem 'anquigaxateua'alo daamaye, yaqto' saaleguete da ichoxonnataxanaxa.»

Génesis 49:28

Qaq 'esoua soua doce llalqa so Israel, qaq 'era da la'aqtac so lta'a co'ollaq ỹanem ñi 'oonolec soomaye da lchoxonnataxanaxa.

Génesis 27:25

Nache so lta'a, 'enapego' somaye, 'eeta': «Ñaq aỹem qouapegue' 'am ỹalcolec, yaqto' sachec nam 'ane'epet, qaq ime qome nache 'am sasaxalec da ichoxonnataxanaxa.» Nache so Jacob iquia'axan so lta'a, qataq iroua'a nataqa'en so lataxa. Nache so Isaac deque'e qataq nỹom,

Lucas 24:51

Qaq nache saqaỹaloq da So Jesús qaỹaueegue da piguem

Lucas 2:34

Nache so Simeón ỹan da no'on la'aqtac. Ime, nache 'enapega aso María asom late'e So Jesús, 'eeta': –Ñim Lo'onatac 'Enauacna namaq ne'ena nogotolec da yaqto' qalota na nca'alec na Israel le'ecpi, qaq ca laỹepi na Israel le'ecpi qalaq huo'o ca nhuaxanaguec. Ñim Lo'onatac 'Enauacna namaq namaye da yaqto' qaỹaỹateeteguet da 'eetapeguec Ñimaye, qalaxaye qalota qome na dataỹa'aguet.

Josué 22:6

Qaq co'ollaq ime de'era, nache so Josué, ỹanem da lqouagaxanaqtaic somayepi, huaña nache nquine', nache somayepi ỹe'eguelaxa so lma'pi.

Josué 14:13

Qaq huaña, nache so Josué talec naqa'en da no'on la'aqtac so Caleb. Ime, nache ỹanem co'ollaxa ye 'alhua Hebrón, da yaqto' ỹataqta lalamaxat naqa'en somaye qataq so llalaqpi.

Génesis 27:7

‹Ña 'aulaique qome ca 'ane'epet shiguiỹac, nache 'auo'ot qome ca 'arhuoshec, ama 'anqa'en da yaqto' sachec qome camaye. Qaq huaña qome, nache qomi' ỹauaachiguilo Ñim Nataxala' da 'am sanem da ichoxonnataxanaxa, nagui da saxanaxa da ivita da seleu.›

Génesis 28:3

Qaq Ñim Lo'onatac 'Enauacna maye Qaica ca Ỹaqalanapec, 'am ỹasaxalec qome ca lchoxonnataxanaxa, qataq 'am ỹanem cam qalota maye 'am chegoxoguetpi, yaqto' nache 'am chegoqchigui qome ca qalota ỹotta'a't shiỹaxauapi.

Génesis 27:31

Qaq nataqa'en somaye ỹo'ot so ỹataqta ama lhuoshec. Ime qaq iroua'a so lta'a, nache 'enapega, 'eeta': «Qoñisheguem qome 'am taxare, nache qollec nam ne'epet shiguiỹac na 'aỹa'alec. Qaq ime qome, nache aỹem 'auasaxalec ca 'archoxonnataxanaxa.»

Génesis 27:27

Qaq so Jacob, co'ollaq nquigueua'a so lta'a da napigoxoi', nache so Isaac ncoỹaxanalo soua alogo. Qaq huaña nache ỹasaxalec da lchoxonnataxanaxa, 'eeta': «Aja', de'era alaitaỹaxac nacheca ca ỹalec. Damaye, 'eeta'am da alaitaỹaxac ca no'onaxa maye Ñim Nataxala' ỹasaxalec da lchoxonnataxanaxa.

Génesis 27:23

Qaq saishet da ỹauatton somaye, cha'aye naua lhua'q ỹataqta qalota ana laso, 'eeta'ama naua lhua'q so lqaỹa Esaú. Qalaxaye co'ollaq mashe huotaique da ỹasaxalec da lchoxonnataxanaxa,

Génesis 24:60

Nache qoỹaalec so no'on na'aqtac aso Rebeca, maye 'eeta': «'Am qarqaỹole, ¡nache'am qome, da 'am late'e ca ỹataqta qalota shiỹaxauapi! ¡Cam 'am chegoxoguetpi qalaq loxonec qome cam huaqta'a't nỹecpi maye lalamaxat ca npa'aguenaxauapi!»

Génesis 14:19

nache ỹanem so Abram da no'on la'aqtac maye, 'eeta': «Ñim Lo'onatac 'Enauacna, maye Nataỹaña 'enauacna, ñim ỹo'ot co'ollaxa na piguem qataq ana 'alhua, 'am ỹanem qome ca lchoxonnataxanaxa,

Génesis 27:5

Qalaxaye aso Rebeca na'axaỹaxaataua'a so Isaac co'ollaq 'eetega so Esaú. Qaq ỹoqo'oye somaye co'ollaq tauga na no'onaxa da ne'eplec so lta'a,

Génesis 27:9

'Anqo'oneuga ye hueta'a ye qana'atetpi, nache 'andoreuo caua dos quetaq llalqa maye chaxaraiqa, yaqto' so'ot ca ỹataqta ama lhuoshec ñi 'arta'a, cam ỹataqta naman ñimaye.

Génesis 27:14

Nache so Jacob jec da ỹe'eguenaugalo soua quetaq llalqa, nache ndoua'alo aso late'e. Nache asomaye ỹo'ot so ỹataqta ama lhuoshec, som ỹataqta naman naxa so Isaac.

Génesis 27:17

nache ỹanem somaye so lhuoshec qataq aso nauole maye ỹo'o't co'ollaxa.

Génesis 27:19

Nache so Jacob, 'anapeco': «Qomye nachaỹem Esaú, maye aỹem 'ara'auaxanec 'aỹa'alec. Mashe ime da so'ot nam 'auỹaxanaique. Aỹem 'arqouaguec qoñisheguem, 'anso'ooñi, nache qollec na lapat som shiguiỹac maye ỹo'oxonec. Qaq ime qome nache aỹem 'aỹa'anem ca 'archoxonnataxanaxa.»