Génesis 27:37 - La'aqtaqa Ñim Lo'onatac 'Enauacna 2013

³⁷ Nache so Isaac 'enapeco': «Aỹem mashe sanem so Jacob da 'arataxala', qataq sogote da sanem somaye da lamaxashecpi qome na lauo' le'ecpi, qataq sanem da ỹataqta qalota qome ca hueto'ot trigo qataq ca lataxa. Qaq ¿negue'to' ca 'am so'otec nagui, 'am ỹalcolec?»

Génesis 27:37 Referans Kwoze

2 Samuel 8:14

Ime, nache ỹanaña co'ollaxa so nalleppi ye Edom, qaq so edomiitapi qalaq datalec co'ollaxa so David. Nache Ñim Nataxala' ỹanem co'ollaxa da qalota so loxonecpi somaye da huo'o na taỹa 'alhua.

Génesis 25:23

qaq Ñimaye ỹasateguet asomaye, 'eeta': «Na 'arhuel huetaiguilo yeua dos, maye chegaqaiguilo qome ca ỹotta'a't shiỹaxauapi, qataq dos nhuo' lashe' deloctega't da ñaq taỹa'a da ñiyiñi. Qaq ye 'oonolec ỹataqta 'añaxaic qome, saq 'ena'am ye lỹa da la'añaxac, qaq ye na'asa qalaq ilo'ogue qome ye ỹe.»

Deuteronómio 33:28

Nache na Israel le'ecpi ỹataqta qome qaica ca ỹauotaique. Qataq na chegoxoguetpi so Jacob, netalec qome ca 'alhua maye sa qoue na trigo qataq ana uva, qaq na piguem qalaq nache chegoqtacot na 'aỹa.

1 Reyes 22:48

Qataq se'esoua na'axa'te so Josafat, ỹo'ot aso notaxaquipi da qanayeguelec na 'etaxat, maye 'eeta'am ana notaxaquipi ye Tarsis, da yaqto' taỹa ye Ofir da ilaique na oro, qalaxaye saishet da ivira yemaye, cha'aye asomaye huacac co'ollaq huaña ye Ezión Guéber.