Génesis 27:34 - La'aqtaqa Ñim Lo'onatac 'Enauacna 2013

³⁴ Qaq so Esaú co'ollaq hua'axaỹa da la'aqtac so lta'a, nache ỹataqta lta'araic da nqui'ic nache nỹeetac, nache ỹa'alaq, 'eeta': «¡'Am Taxare, Aỹem 'aỹa'anem nataqa'en ca 'archoxonnataxanaxa!»

Génesis 27:34 Referans Kwoze

Hebreos 12:17

Qaq somaye co'ollaq huotaique da so lta'a da ỹaalec cam iqataxaatapigui' da talec, cha'aye na'auaxanec ñalec, nache so lta'a saishet da ỹami'. Qaq ỹoqo'oye so Esaú ỹataqta lta'araic da nnoinaxac, qalaxaye mashe qaica ca lỹa lataxac.

Proverbios 1:31

Qalaxaye maiche qanque'etaxañiigui qome ca naigui da qauem qano'onataxaqui. Qataq qami' nlaqchiguilo qome ca qauem qarhuennataqai.

1 Samuel 30:4

nache somayepi ỹataqta na'alaqtapiguiñi da nnoinaxac, nache ivitta'a da ỹataqta qaica ca la'añaxac.

Proverbios 19:3

Da 'eetec da qaica ca ỹaỹaanapec ca ỹale nachera da ỹo'ot da daqat da nqa'aicỹaxac, ime, nache nmaxalec da lasouaqtac camaye Ñim Lo'onatac 'Enauacna.

Génesis 27:35

Qalaxaye so Isaac 'enapeco': «Mashe hueta'a ne'ena som 'arqaỹa, qaq somaye aỹem ỹatenachet, qaq ỹache so nchoxonnataxanaxa maye 'am talec taxa.»

Ester 4:1

Qaq so Mardoqueo, co'ollaq ỹaỹaten 'enauac de'era qaỹo'ot, nache ncolaxata'aisalo soua alogo maye la'anaxat da nqui'ic, qataq ỹaayiñi soua sansatchiguilo alogo, qataq ichegoxolec na lqaic so alo, ime nache jec, coleetapigui so huaqta'a't nỹecpi, nache ỹa'alaqtague' souaxat da nlaqchigui da nqui'ic.