Génesis 27:33 - La'aqtaqa Ñim Lo'onatac 'Enauacna 2013

³³ Nache so Isaac ỹataqta ỹe'elaq, nache iviloxo'l naua la'aqtaqa co'ollaq 'enapec: «Qaq ¿negue'to' qone' som ne'epe co'ollaxa, som aỹem ndoua'a so lhuoshec? Qaq aỹem mashe ime dam iquia'axac, co'ollaq saxanaxa da 'anvireuo, qataq mashe sasaxalec somaye so ichoxonnataxanaxa, qaq nagui somaye mashe huo'o da nchoxonnataguec.»

Génesis 27:33 Referans Kwoze

Romanos 11:29

Ñim Lo'onatac 'Enauacna saishet da ñe'eguelaxaala't cam mashe ime da ỹan, qataq saishet da icoua'ai cam shiỹaxauapi maye lca'aguishecpi.

Hebreos 11:20

So Isaac nataqa'en huo'o da lpi'iỹaxac Ñim Lo'onatac 'Enauacna, qaq ỹoqo'oye somaye ỹachaxanapecoto soua llalqa Jacob qataq so Esaú da Ñim Lo'onatac 'Enauacna ỹaaleguete ca lqouagaxanaqtaic soomaye.

Efesios 1:3

Sanqot da qana'achecỹaxac Ñim Lo'onatac 'Enauacna Ñim Lta'a So Qarataxala' Jesucristo, cha'aye nagui da ña'araqtaua'a So Cristo, nache Ñimaye qomi' ỹanema na ỹotta'a't lqouagaxanaqtaiguesat maye chegoqo'ot So Saqcha'a Na'añaxac Qui'itta.

Juan 10:10

Ca cachaxaic da anac, qalaq camaye nalemaqte' da lcachaxac, lalaataxanaxac qataq delaqtaxan. Aỹem, qalaxaye ñanac, da yaqto' qami' huo'o da qarca'alaqai qataq qaica ca qaviñiỹa'a.

Salmos 55:5

Nache ỹataqta aỹem iviloxolaqchet da icolanaxa, nache ỹataqta aỹem ipataqta'a't da qaica ca 'ena'am lchec.

Da na'aqtaguec so Job 37:1

«Ỹoqo'oye nataqa'en aỹem ỹataqta dasot añi iquiyaqte, nache 'eeta'am da huotaique da dachipiauec.

Da na'aqtaguec so Job 21:6

Cha'aye da tachigui iuel naxa de'era, nache ỹataqta huo'o da ỹaqaigaxa, qataq ỹataqta dapoche na ỹo'oc.

Génesis 25:23

qaq Ñimaye ỹasateguet asomaye, 'eeta': «Na 'arhuel huetaiguilo yeua dos, maye chegaqaiguilo qome ca ỹotta'a't shiỹaxauapi, qataq dos nhuo' lashe' deloctega't da ñaq taỹa'a da ñiyiñi. Qaq ye 'oonolec ỹataqta 'añaxaic qome, saq 'ena'am ye lỹa da la'añaxac, qaq ye na'asa qalaq ilo'ogue qome ye ỹe.»

Génesis 27:35

Qalaxaye so Isaac 'enapeco': «Mashe hueta'a ne'ena som 'arqaỹa, qaq somaye aỹem ỹatenachet, qaq ỹache so nchoxonnataxanaxa maye 'am talec taxa.»

Génesis 28:1

Qaq huaña nache so Isaac, iỹaxaneuga so Jacob nache ỹanem da lchoxonnataxanaxa, qataq ỹanem de'era lqataxac maye, 'eeta': «Saishet qome da 'auaroneguet aca 'alo maye lma' ne'ena 'alhua Canaán.

Números 23:20

Qataq Ñimaye aỹem ỹamaxalec da san ca no'on ỹa'aqtac, qaq Ñim Lo'onatac 'Enauacna da ỹan ca no'on la'aqtac, nache aỹem saishet da sataỹa'aguet.