Génesis 27:24 - La'aqtaqa Ñim Lo'onatac 'Enauacna 2013

²⁴ nache qaltaq ỹe'eguelaxalec da inat somaye, 'eeta': «¿Peta'a 'eesa da nache'am ỹalec Esaú?» Nache so Jacob, 'enapeco': «Aja', nachaỹem Esaú.»

Génesis 27:24 Referans Kwoze

Colosenses 3:9

qataq saishet da huo'o ca ỹatenachet ca lỹa, cha'aye qami' mashe sogote da qaualache da qarataxaqui maye ỹo'ottac da ñe'etaxaloxo.

Efesios 4:25

Qaq ỹoqo'oye ñi 'oonolec saishet da ỹatenachettac ca lỹa. Cha'aye 'enauac qomi' ña'araqtaua'a da 'oonolec no'ocỹaxac. Ỹoqo'oye ñi 'oonolec da qoñiita ỹataqta 'eesa qome da huo'o ca la'aqtac.

Proverbios 12:22

Ñim Nataxala' ỹataqta ỹaỹemec na shepecaicpi, qalaxaye ỹaỹamaxareeta na ỹo'ottac na 'eesa lataxac.

Zacarías 8:16

Qaq 'era da iuen da nache 'eetai' qome da qauo'ocheetac, 'eeta': Da qana'aqtaxañiitega't qalaq ỹataqta qami' 'eesora, qaq da huo'o ca qanmiche qalaq qoquiitegue da nalochiguiñi lataxac, qataq qanpogoxoiñapegue' da nlagaxayec da qoviita'a ca huaña da huo'o ca qanmit;

Proverbios 30:8

Ña qaỹoqteuga qome 'anqa'en da sheeta, na saq 'en lataxac qataq na natenataxanaxac, qataq saishet da aỹem sallaxanec 'anqa'en, qataq saishet da ỹoqta aỹem choxoraq 'anqa'en, nacherato' da aỹem 'aỹa'anem qome ca anoq maye ỹoqta seuen ye na'a'q,

Proverbios 12:19

Ca 'eesora naua la'aqtaqa qalaq qaỹoqtec da nachaalataxac, qaq ca shepecaic qalaq saqaỹaloq da imeuo.

Da na'aqtaguec so Job 15:5

Cha'aye naua maiche 'aye'etaxaloxoco nachenaua na 'am ỹasouaxa't, qataq naua 'ara'aqtaqa maye datenataxa'n.

1 Samuel 27:10

Nache so Aquis inattac naxa somaye, 'eeta': «¿Chaq hua'ague ca qoueta'ague so na'a'q da 'anhuottac na shiỹaxauapi?» Nache so David 'enapec naxa: «Qomye 'era pa'aỹa'ague da la'añaxa ye Judá, qataq da pa'aỹa'ague da la'añaxa ye Yeramel, qataq da pa'aỹa'ague da la'añaxa ye na'alhua ye queniitapi.»

1 Samuel 21:13

Qaq ỹoqo'oye co'ollaq datataigui somayepi, nache naralaxat da lataxac ỹe'enaxat ca huo'o da aloic, huaña nache ỹettac nam lasompi, qataq naañi naqa'en ana la'alle.

1 Samuel 21:2

Nache so David 'enapeco': «Qomye ñi nta'a, huo'o da aỹem ỹamaxalec, qalaxaye aỹem 'enapega da qaica ca sa'aqtaxanem da huo'omshe aỹem namaq qataq dam aỹem ỹamaxalec. Qalaxaye so ñalleppi, mashe sa'aqtaxanem ye huaña da ñauane'.

2 Samuel 14:5

Nache so nta'a inato' asomaye, 'eeta': ¿Ta'ainco' 'am? Nache asomaye 'enapeco': Qomye, aỹem pa'ai, yem ihua mashe ileu.

Génesis 27:23

Qaq saishet da ỹauatton somaye, cha'aye naua lhua'q ỹataqta qalota ana laso, 'eeta'ama naua lhua'q so lqaỹa Esaú. Qalaxaye co'ollaq mashe huotaique da ỹasaxalec da lchoxonnataxanaxa,

Génesis 27:25

Nache so lta'a, 'enapego' somaye, 'eeta': «Ñaq aỹem qouapegue' 'am ỹalcolec, yaqto' sachec nam 'ane'epet, qaq ime qome nache 'am sasaxalec da ichoxonnataxanaxa.» Nache so Jacob iquia'axan so lta'a, qataq iroua'a nataqa'en so lataxa. Nache so Isaac deque'e qataq nỹom,

1 Reyes 13:18

Nache se'eso ỹa'axaiquiolec ỹatenachet somaye, 'eeta': Aỹem, nataqa'en aỹem na'aqtaxanaxanec, sheeta'am 'am, qaq huo'o so lamaxashec Ñim Nataxala', da aỹem 'enapega, 'eeta': 'Auauega qome ye 'arma' yaqto' deque'e qataq nỹom 'etaxat.