Génesis 27:19 - La'aqtaqa Ñim Lo'onatac 'Enauacna 2013

¹⁹ Nache so Jacob, 'anapeco': «Qomye nachaỹem Esaú, maye aỹem 'ara'auaxanec 'aỹa'alec. Mashe ime da so'ot nam 'auỹaxanaique. Aỹem 'arqouaguec qoñisheguem, 'anso'ooñi, nache qollec na lapat som shiguiỹac maye ỹo'oxonec. Qaq ime qome nache aỹem 'aỹa'anem ca 'archoxonnataxanaxa.»

Génesis 27:19 Referans Kwoze

Isaías 28:15

Qami' maye qoñiỹapec naxa: «Qomi' mashe ñaỹamaxataxai' co'ollaxa da nleuaxa, mashe ñaỹamaxataxai' co'ollaxa añi huachiqui, yaqto' qom ivita da anac cam ỹataqta qauem na'a'q, nache saishet qome da qomi' loxonqa, cha'aye she'eguenoqot da natenataxanaxac, qataq qomi' npaxattaleguete da ashepegaxanaxac.»

1 Reyes 14:2

Nache so Jeroboán, 'enapega co'ollaxa aso lhua, 'eeta': «Ña qoñisheguem nagui, nache 'anaralaxat da 'ano'otaxac yaqto' qaica ca 'am ỹauatton da nache 'am ihua. Ime, nache 'anqo'ona ye Silo, yem naña ca na'aqtaxanaxanec Ajías, maye aỹem da'aqtaxanem co'ollaxa da nachaỹem da aỹem lta'a ne'ena nhuo' le'ecpi.

Génesis 27:21

Nache so Isaac, 'enapego' somaye, 'eeta': «Ñaq aỹem 'anquigueua'a, qataq aỹem 'auasheetem da 'am sepot, shapegueto' da 'eesa da nache'am ỹalec Esaú.»

Génesis 27:4

Qaq ime qome, nache 'auo'ot ca 'arhuoshec, ỹataqta ama 'anqa'en, cam ỹataqta ñaman naxa, nache aỹem 'andoua'a qome da sachec. Qaq nache huaña qome da 'am sanem da ichoxonnataxanaxa, nagui da saxanaxa da seleu.»

Génesis 25:25

Qaq so hua'auñi da ñiguiñi, qalaq tocalec ana laso, qataq 'enauac na lo'oc da huo'o ana laso, qaq somaye qoỹanagui da le'enaxat Esaú.

1 Reyes 13:18

Nache se'eso ỹa'axaiquiolec ỹatenachet somaye, 'eeta': Aỹem, nataqa'en aỹem na'aqtaxanaxanec, sheeta'am 'am, qaq huo'o so lamaxashec Ñim Nataxala', da aỹem 'enapega, 'eeta': 'Auauega qome ye 'arma' yaqto' deque'e qataq nỹom 'etaxat.

Génesis 25:28

Qaq so Isaac ỹataqta lauotaxat co'ollaxa so Esaú, souaxat da chectac naxa na ne'epet somaye. Qaq aso Rebeca, qalaq ỹataqta lauotaxat so Jacob.

Génesis 27:18

Qaq huaña, nache so Jacob taua'a so hueta'a so lta'a, nache 'enapega, 'eeta': «¡Taxare!» «Nache so Isaac 'enapeco', aja', aỹem soota'a ne'ena. ¿Negue't 'am, ỹalcolec?»

Génesis 27:31

Qaq nataqa'en somaye ỹo'ot so ỹataqta ama lhuoshec. Ime qaq iroua'a so lta'a, nache 'enapega, 'eeta': «Qoñisheguem qome 'am taxare, nache qollec nam ne'epet shiguiỹac na 'aỹa'alec. Qaq ime qome, nache aỹem 'auasaxalec ca 'archoxonnataxanaxa.»

Génesis 27:35

Qalaxaye so Isaac 'enapeco': «Mashe hueta'a ne'ena som 'arqaỹa, qaq somaye aỹem ỹatenachet, qaq ỹache so nchoxonnataxanaxa maye 'am talec taxa.»

Génesis 27:45

qataq icoua'ai dam 'auo'otec. Qaq huaña qome, nache 'am secoyeguen da yaqto' 'añe'eguelaq. ¡Cha'aye sa saỹamaxaren da imerauec da deqa't naua dos ỹalqa ca 'oonolec na'a'q!»