Génesis 27:13 - La'aqtaqa Ñim Lo'onatac 'Enauacna 2013

¹³ Qalaxaye aso late'e 'enapeco': «'Am ỹalcolec, que'eca qauem na'aqtac no'on da aỹem talec qome. Qaq 'am 'auo'ot da 'am samaxalec, 'andoreuo que'ecaua dos quetaq llalqa.»

Génesis 27:13 Referans Kwoze

Mateo 27:25

Nache so shiỹaxauapi nmasheguem da ỹasat, 'eeta': –¡Qomi' qataq na qoyalaqpi ñachoxola't qome da qarasouaxashet da l-leuaxa de'era ỹale!

2 Samuel 14:9

Nache aso 'alo 'enapeco': 'Am nta'a maye ỹataxala', 'onaxaictaxa da aỹem talec 'anqa'en de'era nasouaxashet, qataq na maiche ihuo' le'ecpi, qaq saishet qome da 'am talec qataq da 'aro'onataxanaxac da 'am nta'a.

1 Samuel 25:24

Ime, nache qapaloiguilo naua lchel somaye, nache 'enapega 'eeta': ¡'Am ỹataxala', aỹem maye ỹasouaxashet de'era! Qalaxaye ñaq aỹem 'anqouaguec da 'ana'axaỹaxana da shenapec.

Génesis 43:9

Aỹem ñañan da selo'ogue damaye. Qaq nachaỹem maye aỹem 'auỹaxanot qome da huo'o ca huaigui damaye. Qaq da saishet da ñe'eguelaxata ne'ena chegoqchiguiña lma', nache da ỹasouaxashet 'am hueto'ot qome 'enauaque naua vi'iye da ñachaalataxac.

Génesis 27:8

Qaq ỹoqo'oye, 'am ỹalcolec, ña 'ana'axaỹaxaachigui da ỹa'aqtac:

Génesis 25:33

Nache so Jacob, 'enapeco': «Qaq 'aỹa'an qone' ca 'ara'aqtac da aỹem 'aumenot da qonec da 'am na'auaxanec ñalec.» Nache so Esaú ỹanem somaye so la'aqtac, qaq 'era da 'eetec somaye da imenot so Jacob, dam 'enec da na'auaxanec ñalec.

Génesis 25:23

qaq Ñimaye ỹasateguet asomaye, 'eeta': «Na 'arhuel huetaiguilo yeua dos, maye chegaqaiguilo qome ca ỹotta'a't shiỹaxauapi, qataq dos nhuo' lashe' deloctega't da ñaq taỹa'a da ñiyiñi. Qaq ye 'oonolec ỹataqta 'añaxaic qome, saq 'ena'am ye lỹa da la'añaxac, qaq ye na'asa qalaq ilo'ogue qome ye ỹe.»

Génesis 27:14

Nache so Jacob jec da ỹe'eguenaugalo soua quetaq llalqa, nache ndoua'alo aso late'e. Nache asomaye ỹo'ot so ỹataqta ama lhuoshec, som ỹataqta naman naxa so Isaac.

Génesis 27:43

Qaq ỹoqo'oye 'am ỹalcolec, ñaq aỹem 'ana'axaỹaxana, sa 'anaỹaloxon qome da 'auatauec, 'anqo'ona ye Jarán yem lma' ca ỹaqaỹa Labán.

2 Crónicas 22:3

Qaq so Ocozías, quetelec da qauem lataxac so llalaqpi so Ajab, cha'aye aso late'e somaye, ỹaata'am na qauem lqataxacpi, nache ỹauega da ỹo'ot na qauem.