Génesis 27:12 - La'aqtaqa Ñim Lo'onatac 'Enauacna 2013

¹² Qaq ñim ita'a da huo'otaq aỹem ipoteua'a, nache aỹem ỹauatton, qaq huaña qome nache ipeta'a da choche she'eetac. Nache aỹem ỹasaxalec qome ca qauem la'aqtac, qaq saishet da aỹem ỹanem ca lchoxonnataxanaxa.»

Génesis 27:12 Referans Kwoze

Deuteronómio 27:18

Ỹataqta qauem qome ca talec nhuaxanaguec ca shiỹaxaua da npe'eelec naqa'en ca llec ca sa nauaañi. Nache 'enauac qome na nhuo' le'ecpi, 'eeta': Aja', nache 'eetec.

1 Ts 5:22

Qataq saishet da qauacoñiiguet 'enauac na ỹotta'a't sa ỹaỹamaxañi.

2 Corintios 6:8

Qaq huo'o ye na'a'q, nache huo'o da qaño'oxonnataguec, qaq ye lỹa na'a'q qalaq sa qomi' qaiyacna'ape. Qataq huo'o da no'on da qana'aqtaguec qataq huo'o da qauem da qana'aqtaguec. Na'aictaxa da ỹataqta 'eesora nam qartaxaỹaxaco qalaq qoỹeetega da qomi' tenataxanaxaiqa.

Malaquías 1:14

¡Ỹataqta qauem qome ca talec, cam datenataxan da Aỹem ỹachaxanapeguem ca lalo shiguiỹac no'oita, qaq ime nache Aỹem ỹanot cam shiguiỹac maye huo'o ca lque'emaxa! Aỹem maye Aỹem 'amaqtaqaic Nta'a, qataq Aỹem lcolanaxat na ỹotta'a't shiỹaxauapi.» Qaq 'era da la'aqtac Ñim Nataxala' maye Qaica ca Ỹaqalanapec.

Da na'aqtaguec so Job 12:16

Ñimaye hueto'ot da naỹaanec qataq na'añaxac. Ñimaye ỹauatton ca qaỹatenachet qataq cam datenataxan.

Génesis 27:36

«Nache so Esaú 'enapeco': ¡Mañaxasaco' ye qoỹanagui da le'enaxat Jacob! ¡Mashe dos nagui da aỹem nqovin! Hua'auñi da deuotaxanec da shenec da aỹem ỹe ñalec. Nagui qaltaq deuotaxanec da nchoxonnataxanaxa maye aỹem talec taxa.» ¿Peta'a saishet da huo'o ca lỹa 'auaỹamaxattac 'archoxonnataxanaxa da aỹem talec?

Génesis 25:27

Qaq se'esoua nogotolqa nquictrasheguem da lañaxataxa'c. Qaq so Esaú qalaq ỹataqta nqopita da netalec na no'onaxa, nache ivitta'a da ỹataqta ỹaỹaten da ñi'ipiaxac. Qaq so Jacob qalaxaye qaica ca taigue, nacherata da nqopita da hueta'a so nanataqa'.

Jeremías 48:10

¡Ỹataqta qauem qome ca talec cam saishet da nasapattelec da ỹo'ot dam no'onataxanaxac maye damaxasoxoolec Ñim Nataxala'! ¡Ỹataqta qauem qome ca talec cam sa nashen da ỹalegueua'a da nalaataxanaxac!

Génesis 9:25

nache 'eeta': «¡Ỹataqta qauem qome ca talec ñi Canaán! ¡Ñimaye choche l-latac qome naua dos lqaỹa't!»

Génesis 27:45

qataq icoua'ai dam 'auo'otec. Qaq huaña qome, nache 'am secoyeguen da yaqto' 'añe'eguelaq. ¡Cha'aye sa saỹamaxaren da imerauec da deqa't naua dos ỹalqa ca 'oonolec na'a'q!»