Génesis 26:8 - La'aqtaqa Ñim Lo'onatac 'Enauacna 2013

⁸ Qaq so mashe qaỹoqteguelo soua na'axa'te da netaña se'eso 'alhua. Qaq huo'o so na'a'q, nache so Abimelec, ỹalletaviigui som nalloxoqui, nache ilota'a so Isaac, da nqapaltague' aso lhua Rebeca.

Génesis 26:8 Referans Kwoze

Isaías 62:5

Cha'aye da 'eetec cam nsoqolec da huaroneguet aca nauonaxaua, qaq nache 'eetec qome Ñim Lo'onatac 'Enauacna da 'am ỹaconeua'a da ỹauo'o 'am lhua, qaltaq 'am no'oxoosheguem qome nache Ñimaye ỹataqta machiguiñi qom 'am hueta'aguet, 'eeta'am ca nhua da ỹataqta machiguiñi da hueta'aguet aca lhua.

Cantares 2:9

Na ỹauotaxat 'eeta'am ana ñi'imshe, qataq na chegaxango llalec. ¡'Ena mashe hueta'a na pa'aueegue da laỹe' na qarma'. Nalletauoigui na nalloxoqui, choche nalletapegueuo!

Proverbios 7:6

Cha'aye aỹem huo'o so na'a'q semeenaxaatac, salletaviigui ñi ỹalloxoqui ñi ima',

Jueces 5:28

Qaq aso late'e so Sísara qalaq huo'o da lachetataic nache ỹalletapoigui so lalloxoqui, nache 'enapec: ‹¿Chaq ta'ainco' da qaỹaloqteguet aca laigona ca ỹalec? ¿Chaq ta'ainco' da saishet da sa'axaỹa da l-lamaxa naua lasaxanna aca nalaataxaqui?›

Eclesiastés 9:9

Qataq 'Auamachiguiñi qome da qoueta'aguet aca 'arauotaqte 'arhua, 'enauaque naua na'axa'te, qom ñaq 'anachattaigui de'era achaalataxac maye qaica ca naigui, dam 'am ỹanem co'ollaxa Ñim Lo'onatac 'Enauacna da qonetalec ana'ana 'alhua. Cha'aye nacherata 'araueguec maye chegaqaigui dam qalota 'aro'onataxanaxac ana'ana 'alhua.

Génesis 26:7

Qaq som netaña yi'iye 'alhua, co'ollaq inat somaye da denataxaateguec aso Rebeca, nache so Isaac, huo'o da lcolanaxa da ỹa'axat da lhua asomaye, nache da'aqtaxanem somayepi, da 'eetega lqaỹa asomaye. Qaq aso Rebeca ye ỹataqta 'onaxai, qaq nachera da huo'omshe so Isaac, lhuennataxac co'ollaxa da som ỹalleppi maye lma' yi'iye 'alhua, ishet da ỹalauat souaxat asomaye.

Génesis 26:9

Qaq huaña nache damaxasoxoneuga so Isaac, nache 'enapego', 'eeta': «¿Qache 'arhua peta'a aramaye?, qaq ¿ta'ainco' ye qonetega 'arqaỹa?» Nache so Isaac 'enapeco': «Qomye aỹem tachigui iuel da aỹem qaỹalauat souaxat aramaye.»