Génesis 26:7 - La'aqtaqa Ñim Lo'onatac 'Enauacna 2013

⁷ Qaq som netaña yi'iye 'alhua, co'ollaq inat somaye da denataxaateguec aso Rebeca, nache so Isaac, huo'o da lcolanaxa da ỹa'axat da lhua asomaye, nache da'aqtaxanem somayepi, da 'eetega lqaỹa asomaye. Qaq aso Rebeca ye ỹataqta 'onaxai, qaq nachera da huo'omshe so Isaac, lhuennataxac co'ollaxa da som ỹalleppi maye lma' yi'iye 'alhua, ishet da ỹalauat souaxat asomaye.

Génesis 26:7 Referans Kwoze

Proverbios 29:25

Da qañe'etega na ỹalleppi damaye nachera da icoñerai' ca shiỹaxaua, qalaxaye ca pi'iỹa'a Ñim Nataxala' camaye ỹataqta qanpaxattalec.

Génesis 20:2

Qaq co'ollaq hueta'a yemaye, nache ỹa'axat da 'eetega lqaỹa aso Sara maye lhua somaye. Nache so Abimelec maye nta'a ye Gerar, damaxasoxoneuga co'ollaxa da qanauegueuo aso Sara da yaqto' ỹauo'o lhua.

Génesis 12:13

Qaq ỹoqo'oye aỹem 'arqouaguec qome, da qonapec da aỹem 'arqaỹa, yaqto' saqca ca dá aỹem, qataq saishet da aỹem qaỹalauat, souaxat 'am.»

Génesis 24:16

Qaq aso Rebeca asomaye ỹataqta 'onaxai, qataq ñaq qa'añole, saxanaxa da huo'o ca ỹale da ipotapegueua'a asomaye. Qaq asomaye huenongui aso nshere, nache iỹoxogui aso laco'oña 'alhua, qaq co'ollaq mashe ỹe'eguelaxata,

Colosenses 3:9

qataq saishet da huo'o ca ỹatenachet ca lỹa, cha'aye qami' mashe sogote da qaualache da qarataxaqui maye ỹo'ottac da ñe'etaxaloxo.

Efesios 5:25

Qataq na ỹalleppi maye mashe huaron ỹataqta ỹauotec aca lhua, 'eeta'am So Cristo da ỹataqta ỹauotec na 'amqaanataxanaxaicpi, qataq ỹan co'ollaxa da nachaalataxac souaxat namayepi.

Mateo 10:28

Saishet da qañi'iỹai na shiỹaxauapi maye ishet da ilaxachigui da qaro'ocỹaxaqui, qalaxaye saishet da ilaxachigui dam saqcha'a qarca'alaqai. Nachaqrata da qañi'iỹai Ñim Lo'onatac 'Enauacna maye ishet da ilaxachigui qataq ỹasaxauga ca nhuaxanaqa' na 'etaxaloxoicpi da qaro'ocỹaxaqui qataq da qarca'alaqai maye saqcha'a.

Génesis 20:5

Ye ñi Abraham aỹem da'aqtaxanem da 'eetega lqaỹa aña'añi 'alo, qataq nataqa'en añimaye ỹa'axat da lqaỹa ñimaye. Qaq ỹoqo'oye ỹataqta qaica ca sauotaique da so'ot 'enauac de'era. Qaq nachera da huo'omshe sa'amaqten da qaica ca so'ot qauem.»

Génesis 12:11

Qaq co'ollaq mashe nayeetaua'a ye Egipto, nache so Abram 'enapega aso lhua Saraí, 'eeta': «Aỹem saỹateeta da ỹataqta 'am 'onaxai,

Génesis 20:11

Nache so Abraham ỹasateguet somaye, 'eeta': «Aỹem sepettega da ne'ena nma' da qaica ca 'enec qanqa'en Ñim Lo'onatac 'Enauacna, qataq da aỹem qaỹalauat souaxat añi ihua.

Génesis 26:6

Qaq huaña nache so Isaac, naña co'ollaxa ye Gerar,

Génesis 26:8

Qaq so mashe qaỹoqteguelo soua na'axa'te da netaña se'eso 'alhua. Qaq huo'o so na'a'q, nache so Abimelec, ỹalletaviigui som nalloxoqui, nache ilota'a so Isaac, da nqapaltague' aso lhua Rebeca.

Génesis 29:17

Qaq aso Lea ỹataqta 'onaxaiqa naua la'ai'te, qalaxaye aso Raquel ỹataqta 'onaxai qataq ỹataqta nalochiguiñi.

Génesis 12:15

Qaq nataqa'en so ltauapi so faraón som nta'a ye Egipto, ila'a co'ollaxa asomaye, nache da'aqtaxanem so nta'a da asa'aso 'alo ỹataqta 'onaxai. Qaq huaña, nache asomaye qaỹauegueua'a so lma' lta'araic so faraón.