Génesis 26:4 - La'aqtaqa Ñim Lo'onatac 'Enauacna 2013

⁴ Qaq so'ot qome da ỹataqta qalota, ca 'am chegoxoguetpi, 'eeta'am ana huaqaañipi maye neto'ot na piguem, qataq sanem qome camayepi, 'enauac ne'ena 'alhua. Qaq nataqa'en nam ỹotta'a't shiỹaxauapi maye netalec ana 'alhua, huo'o qome da nchoxonnataguec, chegoqchigui cam 'am chegoxoguetpi,

Génesis 26:4 Referans Kwoze

Hechos 3:25

Soua hua'au' vi'iye Ñim Lo'onatac 'Enauacna naỹamaxate' so hua'au qarta'ailpi, nache huo'o da ỹachaxanapecot somayepi. Qaq 'enauac nam ỹachaxanapecpi Ñimaye co'ollaxa ỹachegoxotchigui som hua'au la'aqtaxanaxanecpi. Qaq damaye nagui ỹataqta qami' ipactoto. Qaq 'era da ỹachaxanapecot Ñim Lo'onatac 'Enauacna so Abraham, som 'oonolec so hua'au qarta'alpi: «'Enauac na shiỹaxauapi ana 'alhua ỹaconeguet qome ca iqouagaxanaqtaic chegoqchigui ca 'oonolec na 'aỹa'alaqpi.»

Gálatas 3:8

Cha'aye naua ñiyigui'she maye nanettaleguete ana nere maye huetalec na la'aqtacpi Ñim Lo'onatac 'Enauacna ỹa'axattac da Ñimaye ỹaconeguet nataqa'en nam saishet da judiopi da namayepi ỹa'amaqten So Jesucristo. Qaq ỹoqo'oye Ñim Lo'onatac 'Enauacna ỹami' so Abraham de'era no'on na'axaỹaxac: «Da iqouagaxanaqtaic chegoqchigui 'am, da talec ñaqa'en na ỹotta'a't shiỹaxauapi.»

Génesis 15:5

Qaq huaña, nache Ñim Nataxala' ỹauegueuga so pa'auec so Abram, nache 'enapega, 'eeta': «Ña 'auamato'ot na piguem, nache 'analoqten ana huaqaañipi, shapegueto' 'aushet da 'analoqten. Cha'aye 'era da 'eetec ye lcata qome ca 'aỹa'alaqpi.»

Éxodo 32:13

Qataq 'antoueeta'ac qome so 'ara'aqtac maye 'aỹa'anema co'ollaxa soua 'aramaxa'she Abraham, Isaac qataq so Israel, co'ollaq qoneta': Aỹem qome ỹataqta qalota ñaqa'en ca qaỹa'alquipi, 'eeta'am ye lcata ana huaqaañipi maye hueto'ot na piguem. Qataq qami' sanema 'enauac ne'ena 'alhua maye qami' sachaxanapeguema, da yaqto' nache 'eetai' da qaralamaxachi.»

Génesis 13:16

Aỹem so'ot qome da ỹataqta qalota camayepi, 'eeta'am na lsoche na 'alhua. Qaq da 'eetec da saishet da qanaloqten na lsoche na 'alhua, qaq nache 'eetec qome da saishet da qanaloqten ca 'am chegoxoguetpi.

Gálatas 3:16

Qaq nagui da ỹachaxanapecot Ñim Lo'onatac 'Enauacna co'ollaxa so Abraham maiche lalamaxat somaye qataq ca llalec. Qaq naua ñiyigui'she maye nanettaleguete ana nere maye huetalec na la'aqtacpi Ñim Lo'onatac 'Enauacna saishet da 'eeta': «ca llalaqpi,» nachaqrata da 'eeta': «ca 'aỹa'alec.» Qaq damaye naigui qone' da 'oonolec ca qaitaqtega shiỹaxaua. Qaq camaye nacheso So Cristo.

Salmos 72:17

Qataq nache 'eetai' qome da sa imeuo da le'enaxat, qataq da na'aqtaguec nache 'eetai' qome 'eeta'am añi nala'. Qataq chegoqchigui qome da le'enaxat camaye, da 'enauac na ỹotta'a't shiỹaxauapi ỹaconeguet da nchoxonnataguec, qataq 'enauac namayepi da ỹamata'ac da machiguiñi.

Hebreos 11:2

Ñim Lo'onatac 'Enauacna ỹaconeguet so hua'au qarta'alpi, souaxat da huo'o da lpi'iỹaxac.

Génesis 18:18

cha'aye namaye, nachena na lta'a qome ca qalota ỹotta'a't shiỹaxauapi qataq 'añaxaicpi. Aỹem sachaxanapecot co'ollaxa da namaye chegoqchigui ñaqa'en da saalec da ichoxonnataxanaxa 'enauac na ỹotta'a't shiỹaxauapi, maye huetalec ana 'alhua.

Génesis 15:18

Qaq nache huetoigui se'eso na'a'q da Ñim Nataxala', naỹamaxate' so Abram, nache 'enapega, 'eeta': «Ne'ena 'alhua sanem qome ca 'am chegoxoguetpi, chegoqchiguiña ye tala ye Egipto, nache ivira'a so tala lta'araic Éufrates.

Génesis 26:24

Qaq nacheso, se'eso pe da Ñim Nataxala', nachaxana somaye, nache 'enapega, 'eeta': «Aỹem, nachaỹem Natamnaxala' so 'arta'a Abraham. Saishet qome da 'añi'i, aỹem 'am soota'aguet. Qaq souaxat so ỹamaxashec Abraham, nache 'am saalec qome da ichoxonnataxanaxa, qataq qalota ñaqa'en ca 'am chegoxoguetpi.»

Génesis 28:3

Qaq Ñim Lo'onatac 'Enauacna maye Qaica ca Ỹaqalanapec, 'am ỹasaxalec qome ca lchoxonnataxanaxa, qataq 'am ỹanem cam qalota maye 'am chegoxoguetpi, yaqto' nache 'am chegoqchigui qome ca qalota ỹotta'a't shiỹaxauapi.

Génesis 28:14

Camayepi ỹataqta qalota qome, ivitta'a da 'eeta'am na lsoche na 'alhua, qataq nquictauec qome nache ivira'ague da pa'aigue da sheu', qataq da taguiñi, qataq da nala' lliguisheguem, qataq da nala' lliguiñi, qaq 'enauac qome ca nhuo' le'ecpi ana 'alhua, huo'o qome da nchoxonnataguec chegoqchigui 'am, qataq ca 'am chegoxoguetpi.

Génesis 35:12

Qaq na 'alhua maye sanem co'ollaxa so Abraham qataq so Isaac, qalaq nataqa'en 'am sanem, qataq ca 'am chegoxoguetpi.»

Génesis 47:27

Qaq so Israel le'ecpi nache naña co'ollaxa ye 'alhua Egipto, nache nalec da ỹauo'o lalamaxat ye 'alhua Gosén. Qaq huaña yemaye, nache ỹataqta qalotoigui somayepi.

Éxodo 6:4

Nataqa'en ñaỹamaxateto co'ollaxa soomaye da sanema ye 'alhua Canaán yem 'alhua maye huo'o so na'a'q da netalec somayepi, 'eeta'am ca shiỹaxaua ỹaqa'a ca chegoqta'ague.

Deuteronómio 9:5

Cha'aye saishet da nacheca da ỹaỹamaqchiguiñi maye qauo'ochiitac ca huo'omshe qauacoñiỹa yi'iye na'alhua yemayepi, cha'aye Ñim Nataxala' ỹo'orauec qome yemayepi souaxat da qauem lataxac da yaqto' ipacchigui da ỹachaxanapecot co'ollaxa soua hua'au' qarta'alli', Abraham, Isaac qataq Jacob.

Deuteronómio 13:17

Qataq saishet qome da huo'o ca qauacoñiỹa ca mashe qoỹan da qanlaxaañi. Yaqto' Ñim Nataxala' saishet da qami' taleguete da layeloxo, nacherata da qami' ichoxore'n, nache qalota naqa'en ca qaỹa'alquipi, cha'aye nachera co'ollaxa da la'aqtac Ñimaye, maye ỹanem co'ollaxa so hua'au qarta'ailpi.

1 Crónicas 27:23

Qaq so David, saishet co'ollaxa da ỹo'ot aso le'enaxat lmalate som saxanaxa da ivi' naua veinte vi'iye da nachaalataxac, cha'aye Ñim Nataxala', ỹan co'ollaxa da la'aqtac da nquigaxatec na Israel le'ecpi, 'eeta'am naqa'en ye lcata ana huaqaañipi na piguem.