Génesis 26:34 - La'aqtaqa Ñim Lo'onatac 'Enauacna 2013

³⁴ Qaq so Esaú co'ollaq ivi' soua cuarenta vi'iye da nachaalataxac, nache huaroneguet aso Judit asom llale so Beri maye hitiita. Qataq nataqa'en huaroneguet aso Basemat asom llale so Elón maye nataqa'en hitiita.

Génesis 26:34 Referans Kwoze

Génesis 36:2

So Esaú huaronegueta co'ollaxa soua 'alo maye lma' ye Canaán: aso Ada maye llale so Elón som hitita, qataq aso Aholibama asom llale so Aná maye llalec so Sibón som jivita.

Éxodo 34:16

huo'otaq da ỹaronaxanaxan ca llalpi, nache ỹaronaxaneguet ca qaỹa'alquipi, qaq aca llalpi yemayepi da huo'otaq nquisheshe da natamnot na natamnaxala'pi, nache acamayepi ishet da nquisheshaxanaxan ca qaỹa'alquipi da huo'otaq ỹo'ot de'era quishishaxac maye ỹo'ottac acamayepi.

Génesis 36:13

Qaq soua llalqa so Reuel: Najat, Zeraj, Sama qataq so Miza. Qaq 'esoua soua llalqa aso Basemat asom lhua lỹa so Esaú.

Génesis 36:5

Qaq soua llalqa aso Aholibama le'enaxat Jeúz, Jalán qataq so Coré. Qaq 'esoua soua llalqa so Esaú maye lañoqo' ye 'alhua Canaán.

Génesis 28:9

Qaq ỹoqo'oye jec da nqo'ona so Ismael som llalec so Abraham, nache huaroneguet aso llale somaye, asom le'enaxat Majalat, maye lqaỹa so Nebayot. Qaq na'aictaxa da mashe huo'oi soua lhua't, maye lma' ye Canaán.

Génesis 24:3

nache 'aỹa'anot ca 'ara'aqtac Ñim Nataxala' maye lo'onatac na piguem qataq ana 'alhua, da yaqto' saishet da 'auashenem ñi ỹalec Isaac, da huaroneguet aca 'alo maye lma' na 'alhua Canaán, maye soota'a nagui,

Hebreos 12:16

Qataq saishet da huo'o ca 'oonolec da qoñiita da nquishestac, huo'otaq da ỹo'otan Ñim Lo'onatac 'Enauacna. De'era 'eeta'am da ỹo'ot co'ollaxa so Esaú da imen da qaiqataxaatapigui' da talec, cha'aye na'auaxanec ñalec nmeneguet naqa'en so nhuoshec maye qaỹachetagui so nquia'axaqui.

1 Corintios 7:2

Qaq damaye ỹaỹamaqchiguiñi. Qalaxaye da iuennataxac 'onaxaic da ca ỹale ỹauo'o aca lalamaqte lhua, qataq aca 'alo ỹauo'o ca ỹataqta lalamaxat lhua, yaqto' saishet da nqaañi da quisheguetaxac maye sa qaishetapec.

Génesis 27:46

Qaq ime, nache aso Rebeca 'enapega so Isaac, 'eeta': «Aỹem mashe ỹataqta ñasamñi souaxat ñeua hitiita maye huaronegueta ñi Esaú. Qaq ñi Jacob da huo'otaq huaroneguet aca hitiita da 'eeta'ama ñiimaye, anam hueta'a ne'ena Canaán, qaq no'on da seleu.»

Génesis 28:8

Qaq huaña, nache so Esaú ỹaỹaten da so lta'a ỹataqta sa ỹaỹamaxaren so 'alpi maye lma' ye Canaán.

1 Samuel 26:6

Nache so David inat so Ajimélec som hitiita qataq so Abisay som llalec so Seruyá, maye lqaỹa so Joab, 'eeta': ¿Negue't ca lhuotta da aỹem ca'ategue da ñeqo'onaxa ye lanataqa' so Saúl? Nache so Abisay 'enapeco': Aỹem 'am seca'ategue.