Génesis 26:31 - La'aqtaqa Ñim Lo'onatac 'Enauacna 2013

³¹ Qaq so nte'etom so lỹa na'a'q nache ñiyishegue'm, nache ñi 'oonolec soomaye ỹanot da la'aqtac so lỹa. Qaq ime, nache so Isaac nquineto, nache soomaye je'c, qalaxaye ỹachetrec da l-lagaxaye'c.

Génesis 26:31 Referans Kwoze

Hebreos 6:16

Da huo'otaq huo'o ca ỹan ca la'aqtac, qalaq iuen ca le'enaxat ca 'amaqtaqaic, yaqto' 'eeta'am da nacheca ca da'aqtaxan.

1 Samuel 30:15

Nache so David inat somaye, 'eeta': ¿Peta'a ishet da aỹem 'auauega ca hueta'a que'eca cachaxaicpi? Nache so Egipto le'ec 'enapeco': Aja', qalaxaye da 'aỹa'anot ca 'ara'aqtac Ñim Lo'onatac 'Enauacna da saishet da aỹem 'aualauat qataq da saishet da aỹem 'aỹa'aneguet ca ña'aco', nache ishet da 'am sauega ye hueta'a yemayepi.

Génesis 31:44

Qaq ỹoqo'oye 'auanac, 'am qataq aỹem so'otaq qome ca qanaỹamaxataxac maye ỹa'axat dam qanaỹamaxataxac qomi' dos.»

Génesis 25:33

Nache so Jacob, 'enapeco': «Qaq 'aỹa'an qone' ca 'ara'aqtac da aỹem 'aumenot da qonec da 'am na'auaxanec ñalec.» Nache so Esaú ỹanem somaye so la'aqtac, qaq 'era da 'eetec somaye da imenot so Jacob, dam 'enec da na'auaxanec ñalec.

1 Samuel 20:3

Qalaxaye so David qaltaq ỹe'eguelaxalec da la'aqtac, 'eeta': Ñi 'arta'a ỹaỹateeta da ỹataqta aỹem 'arauotaxat, qaq yo'oqta da saishet da 'am da'aqtaxanem qome de'era, cha'aye ivittaique da huo'otaq sa 'auaỹamaxaren. ¡Qalaxaye 'am sanem da ỹa'aqtac, qataq Ñim Nataxala', da ỹoqta 'eesa da mashe saqaỹapeque da ileuaxa!

1 Samuel 14:24

Qalaxaye so Israel le'ecpi ỹataqta qaica ca la'añaxac co'ollaxa se'eso na'a'q, cha'aye ỹaguec na lqouaxa souaxat da qaica ca chec, cha'aye so Saúl ỹan co'ollaxa da la'aqtac, 'eeta': «Da huo'o ca chec ca nallec qom ñaq saxanaxa da avit, qataq qom saxanaxa da huo'o ca ivi', da ñematchiguiñi da salauat na ñepa'aguenaxauapi, nache camaye huo'o qome ca nhuaxanaguec.»

Génesis 31:55

Qaq so nte'etom so lỹa na'a'q, nache so Labán ñesheguem, nache napigoxoi' soua laua'alle qataq soua llalel. Qaq ime, nache ỹasaxalec da lchoxonnataxanaxa soomaye, ime, nache ỹe'eguelaxa so na'alhua.

Génesis 22:3

Qaq so nte'etom so lỹa na'a'q, nache so Abraham ñesheguem, nache ỹo'oolec so lalo 'ashena, qataq iquesoq so qo'oipaqpi da yaqto' lalonaxat acam lachetaqtaxanaqte, nache jec da nqo'ona so 'alhua maye ỹachaxana Ñim Lo'onatac 'Enauacna, qaq nache lỹatac so Isaac, qataq soua dos lamaxa'she.

Génesis 21:23

Qaq ỹoqo'oye nachena ne'ena souaqta'a nagui, da huaña da 'aỹa'anot ca 'ara'aqtac Ñim Lo'onatac 'Enauacna, da saishet da aỹem 'auo'otec qome ca qauem, qataq na ỹalaqpi, qataq ca aỹem chegoxoguetpi, 'aỹa'an ca 'ara'aqtac da aỹem 'auo'otec cam no'on, 'eeta'am da sheetec co'ollaxa 'am, qataq nataqa'en 'auo'otec cam ỹaỹamaqchiguiñi nam shiỹaxauapi maye hueta'a ne'ena 'alhua maye qonetaña nagui.»

Génesis 21:14

Qaq so lỹa na'a'q, nache no'ottasheguem so Abraham, nache ỹanem aso Agar aso nauole, qataq aso lo'oc maye lỹoxoso huetagui so 'etaxat, nache ỹacheleguete naua lallaco, qataq ỹanem asomaye so nogotolec Ismael, qaq ime nache 'enapega da jec. Qaq asomaye jec, qalaq saỹaỹaten ca dataigue, nache chochaq coleetapeguelec ye toolec 'alhua ye Berseba.

Génesis 19:2

nache 'enapegalo, 'eeta': «Qami' Ỹataxala'ate, aỹem qarqouaquic qome da qoviỹa'a ne'ena pe, ye lma' ne'ena qarlataqui. Qaq yaqto' huaña yemaye da qauỹoi' naua qarapia'achilli', qaq qonte' nte'etom, nache qaltaq qoqui qome.» Qalaxaye soomaye 'ena'apo': «'A'i, qana'achec. Ne'ena pe nache souaqta'a na nqa'aic.»

Génesis 14:22

Qalaxaye so Abram 'enapeco': «Aỹem sanot co'ollaxa so ỹa'aqtac Ñim Nataxala', Ñim Lo'onatac 'Enauacna maye Nataỹaña 'enauacna, ñim ỹo'ot co'ollaxa na piguem qataq ana 'alhua,

Génesis 21:27

Qaq huaña, nache so Abraham ỹaconeua'a aso lalo qaguetapi, qataq aso huacapi, nache ỹanem so Abimelec. Qaq nacheso se'eso na'a'q da soomaye ỹo'o't som naỹamaxataxa'c.

Génesis 26:32

Qaq nacheso se'eso na'a'q, da so lamaxashecpi so Isaac ndoua'a somaye da la'axaỹaxac, da somayepi mashe iviyiña so 'etaxat aso nshere maye nshettac.