Génesis 26:28 - La'aqtaqa Ñim Lo'onatac 'Enauacna 2013

²⁸ Nache soomaye 'ena'apo': «Qomi' selaqa'a da Ñim Nataxala' 'am hueta'aguet, nache qomi' tachigui qarhuel da 'am ñeca'ataxa da 'am ñaỹamaxataxai'. Qaq que'eca qanaỹamaxataxac qome, 'eeta':

Génesis 26:28 Referans Kwoze

Isaías 61:9

Qaq nam chegoxoguetpi namayepi qalaq ỹataqta huo'o qome da ño'oxonnataguec da ỹalectaigui na ỹotta'a't shiỹaxauapi, qataq 'enauac nam ila'a qome namayepi, nache ỹauatton da nhuo' le'ecpi maye Ñim Nataxala' ỹasaxalec da lchoxonnataxanaxa.

Isaías 45:14

Ñim Nataxala' 'enapega so Israel, 'eeta': «Na shiỹaxauapi maye netalec na no'onaxapi ye Egipto qataq na nmenaxaicpi ye Etiopía qataq na shiỹaxauapi ye Sabá maye logoraicpi, 'am nañanot qome, nache namayepi 'arlatacpi qome, qataq 'am ca'attaueegue qome netagui na ncoñetaxanaxat lcat, qataq 'am ỹa'aroto naua l-llectel nache 'am nachoxonnot, 'eeta': ‹Ỹoqta 'eesa da Ñim Lo'onatac 'Enauacna qami' hueta'agueta, qataq ỹoqta 'eesa da qaica ca lỹa atamnaxala'.›»

Josué 3:7

Nache Ñim Nataxala' 'enapega so Josué, 'eeta': «Nache chegoqchiguiña ne'ena na'a'q da sauo'o da 'ara'amaqchec, ỹauaachigui ñaqa'en 'enauac na Israel le'ecpi. Qaq yaqto' namayepi ỹaỹateeta da aỹem ỹataqta 'am soota'aguet, 'eeta'am da 'eetec co'ollaq soota'aguet so Moisés.

Génesis 39:5

Qaq nache chegoqchiguiña se'eso na'a'q, co'ollaq so Potifar ipataxalec so José da ilo'ogue so lma', qataq 'enauac som logoxoshetpi, da Ñim Nataxala' ỹasaxalec da lchoxonnataxanaxa so Potifar, som hueta'a so lma', qataq som huetauga so no'onaxa.

Hebreos 13:5

Qataq saishet da ỹaguec da qarhuogoqoi da qanaviqui aca anom. Nachaqrata da qantoñiitapeguec cam qami' hueto'oto, cha'aye Ñim Lo'onatac 'Enauacna 'eeta' da la'aqtac maye nanettalec ana nere maye huetalec na la'aqtacpi Ñimaye: «Saishet da 'am seỹotec, qataq saishet da 'am salat.»

Hebreos 6:16

Da huo'otaq huo'o ca ỹan ca la'aqtac, qalaq iuen ca le'enaxat ca 'amaqtaqaic, yaqto' 'eeta'am da nacheca ca da'aqtaxan.

1 Corintios 14:25

Qaq 'enauac na saqcha'a lhuennataxacpi maye huetaigui añi lquiyaqte ishet da ya'aqalec. Ime, qaq ishet da ỹa'aroto naua l-llectel Ñim Lo'onatac 'Enauacna da ỹo'oxoren, qataq ỹa'axattac da 'eesa da Ñim Lo'onatac 'Enauacna ỹataqta qami' hueta'agueta.

Isaías 61:6

Huaña nache qami' qaỹamata'aque qome da qami' ltaxaỹaxanaxanecpi Ñim Nataxala', qataq qami' lamaxa'she Ñim Qanatamnaxala'. Qataq qolliquiitac qome nam ỹataqta no'on nallec maye chegoqo'ot na ỹotta'a't shiỹaxauapi qataq qami' iyaquen dam lyac namayepi.

Isaías 60:14

Nam llalaqpi na 'am ipataqta'a't co'ollaxa, qalaq 'am naỹa qome da yaqto' 'am nmanot, qataq 'enauac na 'am ỹo'otaatac co'ollaxa 'am ỹa'aroto qome naua l-llecte, nache da 'am detaxaỹa qome qalaq, 'eeta': ‹Nỹecpi maye lalamaxat Ñim Nataxala'›, ‹Sión maye lalamaxat Ñim Qui'itta Natamnaxala' na Israel le'ecpi.›

2 Crónicas 1:1

So Salomón, som llalec so David, co'ollaq mashe naỹamaxalec da lo'onataxanaxac, nache Ñim Nataxala' maye Natamnaxala' nache hueta'aguet somaye qataq ỹo'ot da ỹataqta lta'araic da la'amaqchec qataq da la'añaxac.

Génesis 24:41

Qaq nacherata da huo'otaq, ye ihuo' le'ecpi saishet da 'am ỹanem aca qaño'ole, nache qaica ca 'arasouaxashet, da saipaigui dam 'ara'aqtac maye aỹem 'aỹa'anem.

Génesis 24:3

nache 'aỹa'anot ca 'ara'aqtac Ñim Nataxala' maye lo'onatac na piguem qataq ana 'alhua, da yaqto' saishet da 'auashenem ñi ỹalec Isaac, da huaroneguet aca 'alo maye lma' na 'alhua Canaán, maye soota'a nagui,

Romanos 8:31

Qaq ỹoqo'oye ¿negue't ca lỹa qara'aqtac? Ye 'oonolec dam ishet da qara'aqtac, 'eeta': Da Ñim Lo'onatac 'Enauacna da qomi' hueta'agueta, nache qaica ca ishet da qomi' dataỹa'agueta.

Génesis 31:44

Qaq ỹoqo'oye 'auanac, 'am qataq aỹem so'otaq qome ca qanaỹamaxataxac maye ỹa'axat dam qanaỹamaxataxac qomi' dos.»

Génesis 39:3

Qaq so na'aco' noma co'ollaxa da Ñim Nataxala' hueta'aguet so José, qaq ỹoqo'oye so José ỹaỹamaqchiguiñi 'enauac nam ỹo'otpi.

1 Samuel 11:1

Qaq so Najás maye lataxala' so amoniitapi, somaye nqo'ona ye Jabés maye huaigui ye Galaad, nache ỹaqataxanai' so nalleppi da huotaique da iloquiaxan so lma' se'eso huaqta'a't nỹecpi. Qalaxaye som lma' ye Jabés 'enapego' somaye, 'eeta': 'Onaxaictaxa da qomi' 'anaỹamaxateto, nache 'am ñañanqot qome.

1 Samuel 18:28

Qalaxaye so Saúl co'ollaq ila'a da Ñim Nataxala' hueta'aguet so David, qataq aso llale Mical ỹataqta 'eesa da ỹauotec somaye,

2 Crónicas 15:9

Qaq co'ollaq ime, nache laỹona't 'enauac so Judá le'ecpi, qataq so Benjamín le'ecpi, qataq som chegaqauecpi maye lma' co'ollaxa ye Efraín, Manasés, qataq Simeón, cha'aye qalota co'ollaxa so Israel le'ecpi maye ca'ategue so Asa, co'ollaq ila'a da Ñim Nataxala' maye Natamnaxala' hueta'aguet somaye.