Génesis 26:27 - La'aqtaqa Ñim Lo'onatac 'Enauacna 2013

²⁷ Nache so Isaac 'enapegalo soomaye, 'eeta': «¿Ta'ainco' da aỹem qauanaita'a? Ye qami' mashe aỹem sa qauauoi, qataq ivira'a da aỹem qauo'oyiỹauec da sheca'ai ye qana'alhuai.»

Génesis 26:27 Referans Kwoze

Génesis 26:16

Qaq huaña, nache so Abimelec 'enapego' so Isaac, 'eeta': «Qoca'aisalo qome qomi', cha'aye mashe 'avita da 'am sallaxanec, qomi' 'anapacaleguete.»

Jueces 11:7

Nache so Jefté 'enapec: «¿Saisheto' da aỹem qanquiỹai? Cha'aye qami', aỹem qauo'oyiỹauec co'ollaxa nache sheca'ai qanqa'eñi ye lma' so ita'a. Qalaq ¿ta'ainco' ye aỹem qañi'iguiñiỹa'a nagui da mashe huotaique da qami' qaicogaxana'ape?»

Apocalipsis 3:9

Ñaq 'aumeten dam so'otec ne'ena tenataxanaxaicpi maye lalamaxatpi so pa'aguenataxanaxaic. Namayepi 'eetega judiopi, qalaxaye saq 'en. Ỹoqo'oye Aỹem so'otec namayepi da 'am ỹa'atto'oto naua l-llectel, yaqto' ỹaỹaten namayepi da Aỹem ỹataqta 'am sauotec.

Hechos 7:35

Qaq na'aictaxa co'ollaxa somayepi da ỹo'otan so Moisés, nache 'eetega, 'eeta': «¿Negue't ca 'am ỹanagui da 'am qarataxala', qataq da yaqto' 'anmit ca huo'o ca lasouaxashet?» Qalaxaye Ñim Lo'onatac 'Enauacna ỹachegoxotchigui so lamaxashec Ñimaye maye nachaxana so Moisés co'ollaq huaigui aso qo'oipaqole, da lataxala' naqa'en qataq da isouec na Israel le'ecpi.

Hechos 7:27

Nache som iuaxaatac so lỹa, nache ỹamaxañi so Moisés, nache 'eetego', 'eeta': «¿Negue't ca 'am ỹanagui da 'am qarta'a, qataq da yaqto' ishet da 'anmit ca huo'o ca lasouaxashet da shenaqta?

Hechos 7:14

Nache so José damaxasoxona so lta'a Jacob qataq so lqaỹañecpi. Qaq somayepi ivi' setenta y cinco ye lcata da ima'a't,

Hechos 7:9

Qaq se'esoua llalqa so Jacob maye sachegoxosoxoiguilo, soomaye co'ollaxa ỹataqta nquiỹalo so lqaỹa José. Nache ime'n, da yaqto' qaỹauega ye 'alhua Egipto. Qalaxaye Ñim Lo'onatac 'Enauacna ỹataqta ỹauotec somaye,

Génesis 26:14

Ỹataqta qalota aso lalo qaguetapi, qataq huacapi, qataq so lamaxashecpi, qaq ỹoqo'oye so filisteopi, huo'o da lquiỹaxa co'ollaxa somaye.

Génesis 26:28

Nache soomaye 'ena'apo': «Qomi' selaqa'a da Ñim Nataxala' 'am hueta'aguet, nache qomi' tachigui qarhuel da 'am ñeca'ataxa da 'am ñaỹamaxataxai'. Qaq que'eca qanaỹamaxataxac qome, 'eeta':