Génesis 26:24 - La'aqtaqa Ñim Lo'onatac 'Enauacna 2013

²⁴ Qaq nacheso, se'eso pe da Ñim Nataxala', nachaxana somaye, nache 'enapega, 'eeta': «Aỹem, nachaỹem Natamnaxala' so 'arta'a Abraham. Saishet qome da 'añi'i, aỹem 'am soota'aguet. Qaq souaxat so ỹamaxashec Abraham, nache 'am saalec qome da ichoxonnataxanaxa, qataq qalota ñaqa'en ca 'am chegoxoguetpi.»

Génesis 26:24 Referans Kwoze

Éxodo 3:6

Nataqa'en 'enapega, 'eeta': «Aỹem maye Nachaỹem Natamnaxala' soua hua'au' 'arta'al. Nachaỹem Natamnaxala' so Abraham, Isaac qataq so Jacob.» Nache so Moisés, ỹapogui na lashec cha'aye ỹataqta huo'o da lcolanaxa da ỹamato'ot Ñim Lo'onatac 'Enauacna.

Génesis 17:7

Da ñaỹamaxataxac maye so'ot da 'am ñaỹamaxate', qataq cam 'am chegoxoguetpi, damaye saishet qome da imeuo. Qaq Aỹem nache Aỹem 'anatamnaxala' qome, qataq cam 'am chegoxoguetpi.

Génesis 15:1

Qaq co'ollaq ime de'era, nache Ñim Nataxala' detaxaỹot so Abram, huaigui naqa'en so lauanaqchec, 'eeta': «Abram, saishet da 'añi'i, cha'aye aỹem 'arpaqtaxanaxat. Ca 'ansheetenaguec ỹataqta lta'araic qome.»

Hechos 7:32

«Aỹem maye Nachaỹem ỹo'oxoreetrac co'ollaxa soua hua'au' 'arta'al, so Abraham, qataq so Isaac qataq so Jacob.» Nache so Moisés ỹataqta iviloxolaqchet da lcolanaxa, nache saishet da ỹañoxot da namatasheguem.

Génesis 24:12

Qaq huaña yemaye, nache so namaxashec nqouagaxauen, 'eeta': «'Am Nataxala', maye 'Am Natamnaxala' ñi ña'aco' Abraham, aỹem 'aỹa'anem na na'a'q, da no'oitegue da ỹecỹaxac, qataq 'auachaxana da 'arauotaxanaqtaic ñi ña'aco'.

Apocalipsis 1:17

Qaq can sela'a, nache souañi, ñalo'oto naua lchel Somaye, 'eeta'am da seleu. Qalaxaye Somaye ỹauota'a na lhuaq aloic da aỹem ỹashel-lec, nache aỹem 'enapega, 'eeta': Saishet da 'añi'i. Aỹem maye Nachaỹem la'auaxanec, qataq Aỹem maye Nachaỹem sepa'atec,

Génesis 28:13

Qaq nataqa'en ilota'a co'ollaxa da Ñim Nataxala' nachattañi, hueta'a som pa'asheguem se'eso napiaxala', nache 'eetega somaye, 'eeta': «Aỹem nachaỹem Nataxala', maye Natamnaxala' so 'arapi' Abraham, qataq ñi 'arta'a Isaac. Qaq 'am qataq ca 'am chegoxoguetpi, sanem qome ne'ena 'alhua maye 'annaatalec nagui.

Génesis 13:16

Aỹem so'ot qome da ỹataqta qalota camayepi, 'eeta'am na lsoche na 'alhua. Qaq da 'eetec da saishet da qanaloqten na lsoche na 'alhua, qaq nache 'eetec qome da saishet da qanaloqten ca 'am chegoxoguetpi.

Hebreos 13:6

Qaq ỹoqo'oye seshetaq da she'eguelaxataqtalec qataq sauoqo'o da qanaquitaxac dam nanettalec ana nere maye huetalec na la'aqtacpi Ñim Lo'onatac 'Enauacna maye 'eeta': «Qaica ca she'etaique. Cha'aye qaica ca ishet da huo'o ca aỹem ỹo'otec qauem cha'aye Ñim Lo'onatac 'Enauacna aỹem itauaatac.»

Lucas 12:32

Saishet qome da qayi'i, qami' maye qoñiita'am acam ỹalamaqte qagueta maye selotague'. Ỹataqta qami' saq 'amaqtache, qalaxaye Ñi Qarta'ai ỹataqta maiche lhuennataxac da qanhuañiỹaua'a naqa'en da lo'onataxanaxac da ilo'ogue 'enauacna.

Mateo 22:32

«Aỹem maye Nachaỹem Natameetacot so Abraham, Isaac qataq so Jacob.» Qaq saishet da Natameetacot Ñimaye na leuaxaicpi, nachaqnata nam nca'altauecpi, cha'aye Ñimaye 'enauac nca'altauec naqa'en na shiỹaxauapi.

Isaías 44:2

Aỹem nachaỹem Nataxala' maye 'am so'ot co'ollaxa, 'am so'ot co'ollaq saxanaxa da 'auañiguiñi, qataq 'am setauaatac. Saishet qome da 'añe'etac 'am Jesurún, maye 'auachegoxoguet so Jacob som ỹamaxashec qataq lleca'aguishec,

Isaías 41:10

Saishet qome da 'añe'etac cha'aye Aỹem 'am soota'aguet, saishet da 'añe'etac cha'aye nache Aỹem 'Anatanmaxala'. Aỹem 'am sanem da 'ara'añaxac, Aỹem 'am setauan qome, Aỹem sauota'a qome na ihuaq maye huegaxanaxaic da 'am ñasoqtañi.

Isaías 12:2

Ñim Lo'onatac 'Enauacna, nacheñi ñim aỹem nca'alaxatec, aỹem ñaquita'a Ñimaye nache saishet da she'etac. Ñim Nataxala' nacheñi ñim ỹe'eguenaxala' qataq nacheñi ñi ỹa'añaxac, qataq nacheñi ñi ica'alaxaqui.»

Génesis 31:5

nache 'enapegalo', 'eeta': «Aỹem mashe ñanoma da ñi qarta'ai, saishet da aỹem ilo'oguet, da 'eeta'am so hua'autec, qalaxaye Ñim Natamnaxala' ca ita'a saishet da aỹem iỹotec.

Isaías 51:12

«Qaq Aỹem, nachaỹem da 'am sami' da 'ara'añaxac. ¿Qaq negue't qone' ca 'añe'etega? ¿Nachena peta'a nam shiỹaxauapi? ¿Nam shiỹaxauapi maye huo'o ca loga't, 'eeta'am ana huoue?

Isaías 51:7

«Ñaq Aỹem qana'axaỹaxañiỹa qami' maye qauaỹachiñi da no'on lataxac, qami' nhuo' le'ecpi maye ỹataqta qauacheetaigui da qarquiyaqteỹaxaqui naua iqataxaco. Saishet qome da qayi'iitega da larenaxanaxac nam ỹalleppi, qataq da qaica ca qara'añaxaqui naqa'en nam lsheunaxanaxacpi namayepi,

Génesis 22:19

Qaq ime, nache so Abraham ỹe'eguelaxa som huetra'a soua lamaxa'she. Ime, nache 'enauaque nnaictega't da je'c, ỹe'eguelaxara ye Berseba, qaq so Abraham, nache naña co'ollaxa ye Berseba.

Hebreos 11:16

Cha'aye da lyaxayec somayepi, huotaique da huo'o ca lalamaxat na'alhua maye ỹataqta no'on hueta'ague da piguem. Qaq ỹoqo'oye Ñim Lo'onatac 'Enauacna saishet da na'aloxootac da ỹamata'ac da llalaqpi somayepi, cha'aye Ñimaye sogote da iqataxaatai' da pa'asheguem cam nỹecpi maye huotaique da lma' somayepi.

Génesis 17:8

Qaq 'am qataq cam 'am chegoxoguetpi, sanem qome 'enauac na 'alhua Canaán, nam qonetaña nagui, da chochaq tatec da lalamaxat qome camayepi, qaq Aỹem nachaỹem natamnaxala' qome camayepi.»

Génesis 21:17

Qalaxaye Ñim Lo'onatac 'Enauacna, hua'aqtega co'ollaxa da nnoinaxac so nogotolec, nache so lamaxashec Ñim Lo'onatac 'Enauacna, chemqot na piguem da 'enapega aso Agar, 'eeta': «Agar. ¿Negue't cam qouetapoigui? Saishet qome da 'añi'i, cha'aye Ñim Lo'onatac 'Enauacna, hua'aqtega da nnoinaxac ñi nogotolec yem hueta'a.

Génesis 22:17

da 'am saalec qome ca ỹataqta lta'araic ichoxonnataxanaxa. Aỹem so'ot qome da ỹataqta qalota ca 'am chegoxoguetpi, 'eeta'am ana huaqaañipi maye neto'ot na piguem, qataq 'eeta'am na lsoche na 'alhua maye hueto'ot na loigue aso auaxai. Qataq camayepi saq ỹet qome da loxonec ca mpa'aguenaxauapi,

Génesis 28:3

Qaq Ñim Lo'onatac 'Enauacna maye Qaica ca Ỹaqalanapec, 'am ỹasaxalec qome ca lchoxonnataxanaxa, qataq 'am ỹanem cam qalota maye 'am chegoxoguetpi, yaqto' nache 'am chegoqchigui qome ca qalota ỹotta'a't shiỹaxauapi.

Génesis 28:15

Qaq Aỹem 'am soota'aguet, qaq maicheye cam 'aigue qalaq 'am ñepaxattalec qome, qataq 'am ñe'eguelaxata qome ne'ena 'alhua. Saishet qome da 'am salat, choche ivitta'a da sepacchigui da so'ot 'enauac nam 'am sachaxanapecotpi.»

Génesis 30:27

Qalaxaye so Labán, 'enapeco': «Ñaq aỹem 'arqouaguec da nache qoueta'a ne'ena. Cha'aye aỹem saỹaten, chegoqchigui da iloxoc, da Ñim Nataxala' ỹauo'o da ñechoxonnataguec souaxat 'am.

Génesis 46:1

Qaq huaña, nache so Israel jec, ỹache 'enauac som huo'o logoxoshetpi. Qaq co'ollaq ivita ye Berseba, nache ỹauo'o aso ỹavigaxat lachetaqtaxanaqte da ỹanot Ñim Natamnaxala' so lta'a Isaac.

Deuteronómio 13:17

Qataq saishet qome da huo'o ca qauacoñiỹa ca mashe qoỹan da qanlaxaañi. Yaqto' Ñim Nataxala' saishet da qami' taleguete da layeloxo, nacherata da qami' ichoxore'n, nache qalota naqa'en ca qaỹa'alquipi, cha'aye nachera co'ollaxa da la'aqtac Ñimaye, maye ỹanem co'ollaxa so hua'au qarta'ailpi.

Génesis 39:2

Qalaxaye Ñim Nataxala' hueta'aguet co'ollaxa so José, qaq ỹoqo'oye ỹataqta ỹaỹamaqchiguiñi 'enauac nam ỹo'otpi, co'ollaq hueta'a so lma' so na'aco' Egipto le'ec.

Génesis 39:3

Qaq so na'aco' noma co'ollaxa da Ñim Nataxala' hueta'aguet so José, qaq ỹoqo'oye so José ỹaỹamaqchiguiñi 'enauac nam ỹo'otpi.

Éxodo 14:13

Qalaxaye so Moisés 'enapeco': «Saishet qome da qayi'i. Nache qoñiitai', yaqto' qauauañiichigui da 'eetec Ñim Nataxala' da qami' nca'alaxatrec ne'ena na'a'q, cha'aye ne'ena Egipto le'ecpi maye qauloita'aguet, ne'ena na'a'q nache tachiguiña da saishet da qaltaq qanauañi'.

Levítico 26:42

Huaña, nache tachigui iuel qome da ñaỹamaxate' co'ollaxa so Jacob, Isaac qataq so Abraham, qataq seuennate yi'iye 'alhua maye sachaxanapeguema co'ollaxa soomaye,

Levítico 26:45

Nacherata da sepagaqchigui qome da ñaỹamaxataxac co'ollaq ñaỹamaxate' so qarta'ailpi, maye ñeqateeguesop co'ollaxa ye Egipto, ỹauaachigui ñaqa'en na lma' naua lỹa't 'aleu' da yaqto' Aỹem Qanatamnaxala'ai. Qaq 'era da ỹa'aqtac, Aỹem Nataxala'.»

Deuteronómio 31:6

Qaq ỹoqo'oye qana'añaxache, qataq qami' qaramchiguilo qome, saishet da huo'o da qarcolanaqai, qataq saishet da qayi'iitac qom qauataiỹa'aguet yemayepi, cha'aye Ñim Nataxala' maye Qanatamnaxala'ai, qami' hueta'agueta qome qataq saishet da qami' ỹaxaare'c huo'otaq da qami' ỹala't.»

Rut 3:11

Qaq nagui 'am ỹalole, saishet qome da 'añe'etac, cha'aye 'enauac nam netaña ne'ena mashe ỹaỹaten da 'am naloqnaxanaqte. Qaq ỹoqo'oye aỹem so'ot qome 'enauac cam 'auỹaxanaique.

1 Reyes 17:13

Nache so Elías 'enapeco': Saishet da 'añe'etac, 'aue qojec, nache 'auo'ot da qonetega. Qalaxaye que'ecatai' no'onañi 'ayiiñolec, 'aua'auaxaañi qome da 'auo'ot aca saq 'amaqtaq nauole nlarañi, nache aỹem 'andouga. Qaq da ime, nache 'auo'ot aca lỹa, yaqto' qollec 'am, qataq ca 'aỹa'alec.

Lamentaciones 3:57

So na'a'q co'ollaq 'Am seỹaxana, nache aỹem 'auanaỹa, nache aỹem qonapega qoneta': «Saishet da 'añe'e.»