Génesis 26:18 - La'aqtaqa Ñim Lo'onatac 'Enauacna 2013

¹⁸ Qaq huaña, nache qaltaq ỹauaangui aso ñi'illoxoquipi, maye nshere co'ollaq ñaq nca'altauec so lta'a, asom ỹapogongui som filisteopi, co'ollaq mashe ileu so lta'a somaye. Qataq nache ipagaqchiichigui som le'enaxat maye ỹanagui co'ollaxa so Abraham.

Génesis 26:18 Referans Kwoze

Zacarías 13:2

Nache que'eca na'a'q, ñeqateeguesop qome 'enauac ne'ena 'alhua, na le'enaxatpi na ne'enaqtac atamnaxala'pi, yaqto' saishet da nache queta da qanatameetacot. Qataq nataqa'en ñeqateeguesop qome ne'ena 'alhua na ntaxaỹaxanaxanecpi, qataq 'enauac nam saqcha'a na'añaxacpi maye qauem. Qaq 'era da san ỹa'aqtac Aỹem Nataxala'.

Oseas 2:17

Huaña qome nache ñeqateeguesop na alap da le'enaxat na saq 'en atamnaxala'pi, nache saishet qome da qaltaq ỹe'eguelaxa da nasaqtapeguec.

Salmos 16:4

qalaxaye na quetague' ne'ena atamnaxala'pi nquictauec da nqui'ic. Qaq aỹem saishet qome da salegueua'a na icoldec naua ntago'q da lachetaqtaxanaxat. Qataq saishet da ñasaxauec na le'enaxatpi namayepi.

Números 32:38

Nebo, Baal Megón qataq ye Sibemá, qataq naralaxat da le'enaxat se'eso huaqta'a't nỹecpi maye nauaxaỹaxaasheguem.

Génesis 21:31

Qaq ỹoqo'oye yi'iye 'alhua, qoỹanagui da le'enaxat Berseba, cha'aye nache huaña co'ollaxa da soomaye ỹa'n so la'aqta'c.

Génesis 21:25

Qalaxaye so Abraham, iuennataxanaxanec so Abimelec, da 'eetec so l-latacpi da deuotaxanec co'ollaxa aso nshere maye huo'o na le'ec 'etaxat.

Génesis 26:17

Nache so Isaac jec, nache nqo'ona ye ca'amegue maye huaigui ye Gerar, nache naña yemaye.

Génesis 26:19

Qaq huo'o so na'a'q, nache so lamaxashecpi so Isaac, nshettac aso ñi'illoxoqui se'eso ca'amegue, nache nsheralec so la'auaxac so 'etaxat.

2 Crónicas 26:10

Nataqa'en no'oxoosheguem aso nalloxolatepi, ỹanalec ye toolec 'alhua, qataq ỹo'ot aso qalota lsherepi maye ñi'illoxoquipi, cha'aye ỹataqta qalota aso lalopi maye huetalec so nalochiguiñi 'alhua, qataq so nalochiguiñi 'alhua maye huaña ye pa'asheguem. Qataq nataqa'en huo'o so lo'onataxanaxanecpi maye na'atteguesheguem so 'alhua, qataq som ilotague' so uva lma'pi, maye hueta'a so qasoxonaxasat, qataq so ca'amapega't 'alhua, cha'aye somaye ỹataqta nqopita da do'onataxaalec na 'alhua.

Génesis 21:30

Nache so Abraham 'enapeco': «Ne'enaua siete qaguetal maye 'am sanema, naamaye la'anaxa't da ỹoqta 'eesa da aỹem ỹo'onata añim nshere.»