Génesis 26:1 - La'aqtaqa Ñim Lo'onatac 'Enauacna 2013

¹ Qaq se'eso na'a'q, huo'o so lta'araic nqouaxa, 'enauac se'eso 'alhua, qaq 'eeta'am so nqouaxa som na'a'q co'ollaq ñaq nca'altauec so Abraham. Ỹoqo'oye so Isaac, taỹa ye Gerar, yem netaña so Abimelec, maye nta'a ye Filistea.

Génesis 26:1 Referans Kwoze

Génesis 12:10

Qaq se'eso na'a'q, huo'o co'ollaxa so lta'araic nqouaxa 'enauac yi'iye 'alhua. Nache so Abram jec, nqo'ona ye Egipto da cara'acolec da naña, cha'aye qaica ca qanallec yem 'alhua maye netaña co'ollaxa.

Génesis 25:11

Qaq co'ollaq mashe ileu so Abraham, nache Ñim Lo'onatac 'Enauacna, ỹaalec da lchoxonnataxanaxa so Isaac, maye naña co'ollaxa yem sa qaỹapeque aso nshere maye le'enaxat «Ñim nca'altauec qataq aỹem ila'a.»

Génesis 25:34

Qaq huaña, nache so Jacob ỹanem so Esaú, aso nauole, qataq so lhuoshec lenteja maye deqaqchigui. Qaq so Esaú co'ollaq ime da lquia'axac, qataq da nỹomaxac, nache ñisheguem, nache jec. Qaq nache qaica ca naigui naqa'en, da 'enec da na'auaxanec ñalec.

Génesis 42:5

Nache soua llalqa so Israel, huo'o so nnaictague' laỹepi maye nataqa'en jec da nmen, cha'aye 'enauac ye 'alhua Canaán huo'o so nqouaxa.

Génesis 43:1

Qaq som nqouaxa ỹataqta nquictauec co'ollaxa yi'iye 'alhua Canaán.

Éxodo 33:1

Ñim Nataxala' 'enapega so Moisés, 'eeta': «'Aue, qoca'ai qome ne'ena, nache 'auauec yi'iye nhuo' le'ecpi maye 'anqateeguesop co'ollaxa ye Egipto. Da yaqto' qanqo'oñiỹa ye 'alhua maye sachaxanapecoto co'ollaxa so Abraham, Isaac qataq so Jacob, da sami' ca chegoxogueta soomaye.

Rut 1:1

Qaq se'esoua vi'iye co'ollaq ye Israel ñaq ilotague' so nataxala'pi, nache huo'o so nqouaxa 'enauac yi'iye qanayeetaña 'alhua. Huaña nache so ỹale maye lma' ye Belén, yem huaigui ye 'alhua Judá, somaye lache, nqo'ona ye lỹa 'alhua le'enaxat Moab, qaq lỹatac aso lhua Noemí qataq soua dos llalqa.

2 Samuel 21:1

Qaq nache huetoigui de'era lo'onataxanaxac da nta'a so David, da huo'o co'ollaxa so nqouaxa soua tres vi'iye. Nache so David, inat Ñim Nataxala', qaq Ñim Nataxala' 'enapeco': «Qomye souaxat so Saúl qataq so llalaqpi da ỹalauat co'ollaxa so gabaoniitapi, nache nagui huo'o ne'ena nqouaxa.»