Génesis 25:8 - La'aqtaqa Ñim Lo'onatac 'Enauacna 2013

⁸ qaq somaye choche ilem da lqueroxo, co'ollaq mashe ỹataqta ỹa'axaiquiolec. Qaq huaña, nache ỹalegoigui som hua'au lta'alpi.

Génesis 25:8 Referans Kwoze

Génesis 49:33

Qaq so Jacob co'ollaq imat da ỹanem de'era lqataxac soua llalqa, nache qaltaq ỹe'eguelaxañi da nnaañi. Huaña, nache ileu. Qaq 'era da 'eetec co'ollaxa da ỹalegoigui so hua'au lta'alpi.»

1 Crónicas 29:28

Qaq somaye co'ollaq ileu, qalaq no'oita da lqueroxo qataq qaỹoqtrec soua vi'iye da nachaalataxac, qataq ỹataqta sallaxanec qataq huo'o da llo'oxoyec. Qaq da lo'onataxanaxac da nta'a, nache talec so llalec Salomón.

Génesis 15:15

Qaq 'am, qalaxaye huo'o da 'arlagaxayec qom 'aualegoigui som hua'au 'arta'alpi, qataq 'avira'a qome da ỹataqta 'am ỹa'axaiquiolec qom 'am qailareñi.

Da na'aqtaguec so Job 42:17

Nache so Job ivira'a da ỹataqta ỹa'axaiquiolec co'ollaq ileu.

Génesis 25:17

Qaq so Ismael ivi' soua ciento treinta y siete vi'iye da nachaalataxac co'ollaq ileu, nache jec, da ỹalegoigui so hua'au lta'alpi.

Hechos 13:36

Qaq 'eesa da so David ỹataqta ỹalaxaguet da ỹo'o't naua ỹamaxaleguete Ñim Lo'onatac 'Enauacna. Qalaxaye co'ollaq ime, nache somaye ileu, nache qailaroigui som hua'au lta'alpi, nache da lo'ocỹaxac nlaguiñi.

Proverbios 20:29

Da ỹo'oxoren na nsoxoppi nachera da la'añaxac, qaq da ỹo'oxoren na ỹa'axaiquipi qalaq nachana ana lapagaxai.

Da na'aqtaguec so Job 5:26

Ỹataqta 'avitta'a da 'am ỹa'axaiquiolec, nache 'avira aca 'anhuachiqui, qataq qoneta'am aca naqta ala ca 'auaxa maye ỹataqta ỹeta.

Jueces 8:32

Qaq so Gedeón ileu co'ollaq mashe ỹa'axaiquiolec. Nache qailaroigui aso nhuachiqui so lta'a Joás, maye naña ye Ofrá, ye lma' som chegoxoguetpi so Abiezer.

Génesis 25:7

Qaq so Abraham ivi' co'ollaxa soua ciento setenta y cinco vi'iye da nachaalataxac,

Hechos 5:10

Huaña, nache asomaye huañi, nache ileu, huaña ca hueta'a so Pedro. Qaq co'ollaq nnoxooreuo soua nso'q, nache ilaleguete asomaye, nache nqatre'c da ilalyiñi, ỹauaxaỹaxaatre' so lhua.

Génesis 49:29

Qaq huo'o so na'a'q, nache so Jacob ỹanem da la'aqtac so llalaqpi, 'eeta': «Aỹem mashe saqaỹaloq da seleu. Qaq no'on da aỹem qaulayiỹoigui qome ñi auac maye naigui ye na'alhua so Efrón som hitiita yaqto' salectaigui yem hua'au ita'alpi,

Hechos 12:23

Nache saqaỹaloq da anac so lamaxashec Ñim Lo'onatac 'Enauacna, nache ique'emaqchet so Herodes, cha'aye somaye ipi'itaxaatega da 'eeta'am da lataxac Ñim Lo'onatac 'Enauacna. Nache qaỹata'ague, nache ileu. Ilem na qoche'l maye chectac na lauel somaye.

Hechos 5:5

Qaq co'ollaq hua'axaỹa de'era so Ananías, nache huañi da ileu. Qaq 'enauac nam hueta'a yi'iye ỹataqta huo'o da lcolanaxa.

Jeremías 6:11

Qaq aỹem nlaqchigui da 'arayeloxo 'am Ỹataxala', qaq mashe saishet da ñalo'oguet.» Nache Ñim Nataxala' aỹem 'enapega, 'eeta': «'Aucorelec da 'arayeloxo na ñaqpiolec maye huetangui na nqa'aicpi, qataq na nsoxoppiolec maye laỹootega't cha'aye qaỹaconeua'a qome da qaicoñe' na ỹalleppi qataq ana lhuapi qataq na ỹa'axaiquipi maye qaỹoqtegue da llaxa.

Jueces 2:10

Nataqa'en ileu co'ollaxa so Israel le'ecpi maye naloxouapi so Josué. Huaña, nache anac som dalaxaicpi maye sa ỹauatton Ñim Nataxala', qataq sa ỹaỹaten nam ỹo'otecpi so Israel le'ecpi.

Números 27:13

Qaq qom ime da 'auallelec yemaye, nache 'am 'aleu, nache 'anauane' qome so hua'au 'arta'alpi, 'eeta'am co'ollaxa da 'eetec so 'arqaỹa Aarón,

Números 20:24

«Da Aarón mashe sa qaỹapeque ye loga't da nachaalataxac, nache saishet qome da inoxoneua'a ye 'alhua maye sanem na Israel le'ecpi, souaxat da sa qaualaqaiguet so ỹa'aqtac co'ollaq huaña ye Meribá maye huaña da npaxaatasheguem na 'etaxat.

Génesis 35:18

Qalaxaye asomaye mashe huotaique da ileu, qaq soua pa'atrec la'a'che, nache ishet da ỹanagui da le'enaxat Benoní se'eso nogotolec. Qalaxaye so lta'a Jacob, ỹanagui co'ollaxa da le'enaxat Benjamín.

Génesis 37:35

Qaq 'enauac so llalaqpi qataq so llalpi da icochaqtac somaye, qalaxaye somaye saỹaỹamaxaren da qaicochaq nacherata da nỹeeteguelec so llalec, qataq 'eeta' da la'aqtac: «Aỹem saishet da sapalaxat da ỹasouaxac so ỹalec, choche ivitta'a da ñauane' somaye qom ivita da salegoigui na leuaxaicpi.»

Deuteronómio 32:50

Qaq aña'añi qasoxonaxa Nebo, nache huaña qome da 'aleu, nache 'anauane' qome som hua'aupi maye maiche 'arhuo' le'ecpi, 'eeta'am da 'eetec so 'arqaỹa Aarón, maye ileu co'ollaxa hualec añi qasoxonaxa Hor, huaña nache nauane' som hua'au lta'alpi.

Génesis 50:13

Ime, nache somayepi ira'a ye 'alhua Canaán, nache ilayiñi ỹachaigui ñi auac maye naigui ye 'alhuolec ye Macpela, yem desheenaxana co'ollaxa so Abraham, ỹachegoxoto'ot so Efrón som hitiita da ỹauotaique lma' na maiche lalamaxat lqatacpi. Yi'iye 'alhua qataq ñi auac pa'aỹa'ague da nala' lliguisheguem ye lma' so Mamre.

1 Crónicas 23:1

Qaq co'ollaq mashe ỹataqta ỹa'axaiquiolec so David, nache ỹaneuo so llalec Salomón da yaqto' lta'a so Israel le'ecpi,

2 Crónicas 24:15

Qaq so Joyadá, ye mashe ỹataqta ỹa'axaiquiolec, nache ileu. Qaq co'ollaq ileu nache ivi' ciento treinta vi'iye da nachaalataxac.

Da na'aqtaguec so Job 41:32

Nache no'onañi ana lmallaxai na 'etaxat, qataq ỹapagaq na lcochaxa, chañi 'eeta'am ana napagaxai.