Génesis 25:6 - La'aqtaqa Ñim Lo'onatac 'Enauacna 2013

⁶ Qaq so llalaqpi asom ỹaqauga lhuapi so Abraham, qalaq nacherata da ỹauo'o so nme ñi 'oonolec somayepi. Qaq co'ollaq ña nca'altauec so Abraham, nache se'eso llalaqpi ca'ai naqa'en so Isaac, nache ỹamaxa ye 'alhua maye pa'aigue da nala' lliguisheguem.

Génesis 25:6 Referans Kwoze

Génesis 21:14

Qaq so lỹa na'a'q, nache no'ottasheguem so Abraham, nache ỹanem aso Agar aso nauole, qataq aso lo'oc maye lỹoxoso huetagui so 'etaxat, nache ỹacheleguete naua lallaco, qataq ỹanem asomaye so nogotolec Ismael, qaq ime nache 'enapega da jec. Qaq asomaye jec, qalaq saỹaỹaten ca dataigue, nache chochaq coleetapeguelec ye toolec 'alhua ye Berseba.

Jueces 6:3

Ỹoqo'oye so Israel le'ecpi naxa da huo'o na lañiguishec, nache so madianiitapi, amaleciitapi, qataq so shiỹaxauapi maye lma' ye pa'aỹa'ague da nala' lliguisheguem, anac naxa da iloquiaxan somayepi.

Hechos 14:17

Qalaxaye ñaqaiyeta Ñimaye ỹataqta qomi' nachaxaatalo, da qomi' ỹo'oteque da ỹaỹamaqchiguiñi, da qomi' namaxalo na auot, qataq 'onaxaic naqa'en na qorañiguishec, qataq sa qoue naqa'en na qonoq, da yaqto' samaqchiguiñi.

Mateo 5:45

Yaqto' qauachaxañi da qarataxaqui da qoñiita'am Ñim Qarta'ai maye Lo'onatac 'Enauacna maye neta'ague da piguem. Ñimaye nnoxoosheguem naqa'en añi nala' da icoỹarelec nam qauem da lataxac qataq na no'on da lataxac, qataq da ivita da namaq na auot, qalaq talec naqa'en nam ỹalaxaguet Ñimaye qataq nataqa'en nam saishet da ỹalaq.

Da na'aqtaguec so Job 1:3

qataq siete mil aso lalo qaguetapi, tres mil aso cameellopi, mil so lauegaxanaxala'pi huaca, qataq quinientos so 'ashenapi, qataq ỹataqta qalota so l-latacpi. Qaq somaye nacheso so ỹataqta sallaxanec 'enauac som netaña da nala' lliguisheguem.

Da na'aqtaguec so Job 1:1

Qaq ye 'alhua maye le'enaxat Uz, nache naña so ỹale le'enaxat Job, somaye no'on da lataxac, qataq qaica ca ỹasouaxat, qataq ỹataqta ỹalaxaguet Ñim Lo'onatac 'Enauacna, qataq ỹataqta saishet da huo'otaq huo'o ca ỹo'otec ca sa ỹaỹamaxañi.

Jueces 19:4

Nache somaye 'enapega so laronaxanec da ñaq cara'ac da hua'a ye lma' somaye, nache so leviita qataq so lo'onataxanaxanec hua'a yemaye soua tres na'axa'te, nache deque'eta'ape qataq nỹomta'ape.

Génesis 35:22

Nache so Israel co'ollaq mashe netaña se'eso 'alhua, nache so Rubén lauañe' co'ollaxa aso Bilá, asom ỹaqauga lhua so lta'a. Qalaxaye so Israel ỹaỹaten co'ollaxa de'era. Qaq soua llalqa so Jacob soomaye ivi' doce.

Génesis 32:22

Qaq nacheso se'eso pe, da ñisheguem so Jacob, nache ỹaconeua'alo soua dos lhua't, qataq soua dos lamaxashe, qataq soua once llalqa. Ime, nache ỹa'axasoxoolec naqa'en somayepi so la'auaxac le'enaxat Yaboc,

Génesis 25:1

Qaq so Abraham, qaltaq huo'o aso dalaxai lhua le'enaxat Cetura.

Génesis 16:3

Nache aso Saraí, ỹauegueuo aso Agar maye Egipto lashe, nache ỹanem so Abram da ỹauo'o lhua, co'ollaq mashe ivi' soua diez vi'iye da netraña ye Canaán.

Génesis 30:9

Qaq aso Lea, co'ollaq ila'a da mashe saishet da huo'o ca llalec, nache ỹaconeua'a aso lamaxashe Zilpa, nache ỹanem so Jacob, da yaqto' ỹauo'o lhua lỹa.

Génesis 30:4

Qaq 'era da 'eetec aso Raquel, da ỹanem co'ollaxa so Jacob aso lamaxashe Bilá, da yaqto' ỹauo'o lhua lỹa. Qaq so Jacob lauañi' co'ollaxa aso Bilá,

2 Crónicas 11:21

Qaq so Roboán, dieciocho aso lhuapi, qataq sesenta aso ỹaqauga lhuapi, qalaxaye somaye ỹataqta ỹauotec aso Macá, saishet da 'eeta'am da lauoche aso laỹepi lhuapi. Qaq somaye ivi' veintiocho so llalaqpi ỹalleppi qataq sesenta aso llalepi.

Génesis 29:1

Qaq so Jacob, qaltaq jec da nqo'ona ye na'alhua som nala' lliguisheguem le'ecpi.