Génesis 25:5 - La'aqtaqa Ñim Lo'onatac 'Enauacna 2013

⁵ Qaq so Abraham ỹanem co'ollaxa so Isaac, 'enauac som lalamaxatpi somaye.

Génesis 25:5 Referans Kwoze

Génesis 24:36

Qataq nataqa'en aso lhua Sara, ỹauo'o so llalec co'ollaq mashe ỹa'axaino'ole, qaq ñim ña'aco', nagui ỹanem 'enauac da lsallaxa ñi llalec.

Hebreos 1:2

Qalaxaye nagui ne'enaua pa'atre'c na'axa'te, Ñim Lo'onatac 'Enauacna qomi' ỹanema da la'aqtaxanaxac ỹachegoxotchigui So Llalec. Qaq Ñimaye ỹachegoxotchigui co'ollaxa So Llalec da ỹo'ot 'enauacna, qataq nacheso so ipataxalec da ilo'ogue 'enauac na huetalecna.

Colosenses 1:19

Cha'aye Ñim Lo'onatac 'Enauacna nshetaique da So Cristo ỹataqta imatta't 'enauac da lataxac saqcha'a Ñimaye.

Gálatas 4:28

Ỹaqaỹa't, qami' qoñiita'am so Isaac, som ñalec maye Ñim Lo'onatac 'Enauacna ỹachaxanapecot co'ollaxa so Abraham. Qaq shenapec de'era, cha'aye qami' llalqa Ñim Lo'onatac 'Enauacna maye maiche qami' ỹachaxana'ape co'ollaxa.

Gálatas 3:29

Cha'aye da mashe qana'ayeetaua'a So Cristo, qaq nataqa'en qami' lalamaqa'ate llalqa so Abraham, qaq nataqa'en qauacoñiiguet qome cam ỹachaxanapec co'olloxocheye Ñim Lo'onatac 'Enauacna.

Romanos 8:32

Cha'aye Ñimaye qomi' ỹanema so lalamaxat Llalec co'ollaxa. Qaq da qomi' ỹanema So Llalec, nache nataqa'en qomi' ỹanema 'enauacna.

Romanos 8:17

Qaq nagui da mashe qomi' llalqa, nache nataqa'en qomi' taleguete 'enauac nam 'onaxaic maye iqataxaatapigui' Ñimaye da qomi' ỹanema. Qaq 'enauac ỹataqta ñeuanaqte' So Cristo, qaq da huo'otaq huo'o da qanque'eenaxac da shenaqta'am Somaye, nache nataqa'en ỹoqta 'eesa da ñeuanaqaua'a Somaye da llo'oxoyec maye ỹaconeguet qome.

Juan 3:35

Qaq Ñim Lo'onatac 'Enauacna maye Ita'a ỹataqta ỹauotec na Llalec, ỹoqo'oye ỹataqta imato'ot da la'añaxac da ilo'ogue 'enauacna.

Mateo 28:18

Nache So Jesús nquiga somayepi nache 'enapega, 'eeta': «Ñim Lo'onatac 'Enauacna Aỹem ỹami' da na'añaxac da yaqto' selo'ogue 'enauacna.

Mateo 11:27

Ime, nache 'enapega som hueta'a yi'iye, 'eeta': «Ñim Ita'a Aỹem imato'ot 'enauac da lo'onataxanaxac qataq nachaqaỹemta da Aỹem ỹauatton, cha'aye Aỹem Llalec. Qaq qaica ca ishet da ỹauattoota Ñim Ita'a da 'eeta'am Aỹem. Ỹoqo'oye sauotaique da sa'aqtaxanem ca lỹa shiỹaxaua da sa'axat ñi Ita'a, yaqto' nataqa'en camaye ishet da ỹauatton Ñimaye.

Salmos 68:18

'Am Ñatamnaxala', 'asheguema co'ollaxa na qaỹoqotcheguema da 'auauec na 'oxonecpi, nache 'auaconeguet ana lsheetenaxanaqte na shiỹaxauapi, qataq ivira'a na saỹalaq huo'o 'anqa'en añi isheeten.

Juan 17:2

Cha'aye Aỹem 'aỹa'anem co'ollaxa da 'ara'añaxac da yaqto' ñataỹaña 'enauac na huetalec ana 'alhua. Qataq nataqa'en Aỹem 'aỹa'anem da ỹa'añaxac da yaqto' sanem da lca'alaxa maye chochaq tatec 'enauac nam Aỹem 'aỹa'anem da Aỹem ca'ategue.

Génesis 24:35

Ñim Nataxala' ỹataqta qalota da lchoxonnataxanaxa ñi ña'aco', nache ỹo'ot da sallaxanec naqa'en ñimaye, ỹanem ana qaguetapi, huacapi, oro qataq plata, qataq na lamaxashecpi, qataq ana lamaxashepi 'alpi, qataq cameellopi qataq 'ashenapi.

Génesis 25:4

Qaq soua llalqa so Madián: Efa, Efer, Janoc, Abidá qataq Eldá. Qaq 'enauac se'esopi da chegoxoguet aso Cetura.

Génesis 26:14

Ỹataqta qalota aso lalo qaguetapi, qataq huacapi, qataq so lamaxashecpi, qaq ỹoqo'oye so filisteopi, huo'o da lquiỹaxa co'ollaxa somaye.