Génesis 25:2 - La'aqtaqa Ñim Lo'onatac 'Enauacna 2013

² Qaq asomaye huo'oi soua llalqa: Zimram, Jocsán, Medán, Madián, Isbac qataq Súaj.

Génesis 25:2 Referans Kwoze

Jeremías 25:25

qataq 'enauac na nta'alpi ye 'alhua Zimri, Elam qataq ye Media,

Da na'aqtaguec so Job 2:11

Qaq se'eso Job, huo'oi soua tres nauochaxau', so 'oonolec le'enaxat, Elifaz, somaye lma' ye Temán, qaq so Bildad lma' ye 'alhua Súah, qaq so Sofar, lma' ye Naamat. Qaq soomaye co'ollaq la'axaỹaxa'c 'enauac da huaigui nque'eenaxac so Job, nache je'c da nqo'oora somaye da ỹa'añaqche't, qataq da itaua'n souaxat da nqui'ic.

Números 31:8

Qaq nataqa'en ỹalaua't soua cinco nta'al ye Madián, Evi, Requén, Sur, Jur qataq Reba, qataq nataqa'en ỹalauat so Balaam, som llalec so Beor.

Números 31:2

«'Apalaique qome ca lvi' na Israel le'ecpi, nache 'analaate' na madianiitapi, qaq qom ime, nache 'am qojec da 'aualegoigui so hua'au 'arhuo' le'ecpi.»

Números 22:4

Nache so Moab le'ecpi, 'enapega co'ollaxa so nqueroxonecpi ye Madián, 'eeta': «Ne'ena shiỹaxauapi nlaxaañi qome 'enauac na huetalec na qana'alhua, 'eeta'am ca nauegaxanaxala' huaca da ỹataqta ỹauta na 'auaqpi na no'onaxa.» Qaq se'eso na'a'q so Balac som llalec so Sipor, nacheso co'ollaxa so nta'a ye Moab,

Génesis 37:36

Qaq so madianiitapi co'ollaq ivita ye Egipto, nache imen so José, imenot so ỹale maye le'enaxat Potifar. Somaye nacheso so ltaua so faraón maye nta'a ye Egipto, qataq lataxala' som nauaatalecpi so nta'a.

Génesis 37:28

Qaq so Madián le'ecpi maye nmenaxaicpi, co'ollaq nateugueye, nache soua lqaỹa't so José nqatyesheguem somaye. Ime, nache imenot so ismaeliitapi, qaq veinte monedas na plata aso lasheue. Qaq 'era da 'eetec so José co'ollaq qaỹauega ye Egipto.

Génesis 36:35

Qaq co'ollaq ileu so Jusán, nache da lo'onataxanaxac da nta'a talec so Hadad, som llalec so Bedad, som loxonec co'ollaxa so Madián le'ecpi, hualec so no'onaxa ye Moab. Qaq som huaqta'a't nỹecpi maye lalamaxat somaye, qalaq le'enaxat da Avit.

Génesis 25:1

Qaq so Abraham, qaltaq huo'o aso dalaxai lhua le'enaxat Cetura.

Génesis 25:3

Qaq so Jocsán, nacheso so lta'a so Sebá qataq Dedán. Qaq som chegoxoguetpi so Dedán, nacheso so asureopi, qataq letuseopi, qataq leumeopi.

1 Reyes 11:18

Qaq somayepi chegoqchiguiña ye Madián, nache ivira'a ye Parán, yem huaña co'ollaxa da huo'oi soua ỹaconeua'alo ỹale't da yaqto' huaxaigueta. Qaq co'ollaq ivita ye Egipto, nache taua'a so faraón maye nta'a ye Egipto, nache se'eso nta'a ỹauo'o so lma', qataq ỹanem so aloq, qataq ỹauo'o so na'alhua.