Génesis 24:53 - La'aqtaqa Ñim Lo'onatac 'Enauacna 2013

⁵³ Qaq ime, nache nqatsheguem so ỹotta'a't nogoxoshetpi, plata, oro, qataq aso npotopi, nache ỹanem aso Rebeca. Qaq nataqa'en ỹauo'o so nme, so lqaỹa qataq aso late'e asomaye.

Génesis 24:53 Referans Kwoze

Génesis 24:22

Qaq co'ollaq ime da nỹomaxa'c soua cameello, nache so namaxashec nqatsheguem aso chiguishaqte maye ivi' seis gramos, nache ỹanagui na lmic asomaye. Qaq nataqa'en ỹanema soua dos nhuaxa'she oro maye napactelec ye cien gramos ye lsallaqa',

Génesis 24:10

Qaq ime, nache ỹaconeua'alo soua diez aso cameellopi maye lalamaqte so na'aco', nache jec, qaq ỹache 'enauac som ỹataqta no'on nachetaqtaxanaxatpi maye chegoqo'ot so na'aco'. Qaq co'ollaq ivita ye Najor, maye huaigui ye 'alhua Mesopotamia,

Éxodo 12:35

Qaq somayepi ipactelec da la'aqtac so Moisés, da iỹaxanot na Egipto le'ecpi, iỹaxanaique na nogoxoshet maye chegaqaigui na lcat oro, plata qataq na nogoxot maye ỹataqta no'on.

Éxodo 11:2

Qalaxaye nagui qonapega na Israel le'ecpi nam ỹalleppi qataq na 'alpi, da iỹaxanot na lauoreuapi ỹalleppi huo'otaq na 'alpi da iỹaxanaique na nogoxoshet maye chegaqaigui na lcat plata qataq oro.»

Éxodo 3:22

Nache añi 'oonole 'alo iỹaxanot aca lauoreua, huo'otaq aca camachaqca 'alo da huo'otaq netaña ca lma', iỹaxanaique ca no'on nogoxoshetpi maye chegaqaigui na lcat plata qataq oro, nataqa'en nam qanapogoñapi, npotopi, nam ishet da napogoña qanqa'eñi na qaỹa'alquipi, qaq ỹataqta qanhuoyeeta qome 'enauac yem Egipto le'ecpi.»

Isaías 39:2

Nache co'ollaq ivildeuo soomaye nache so Ezequías ỹataqta ỹa'amaqchiguiñi nache ỹachaxanalo soomaye so laỹamaqtaxanaxaqui maye huetaigui na lcat plata, oro qataq na no'on coraxatpi qataq na ỹataqta no'on aceite qataq som laỹe' na lo'ogoxonaxatpi qataq 'enauac nam huo'o maye huetaigui som laỹamaqtaxanaxaquipi. Nache qaica ca sa ỹachaxan nam huetaiguipi so lma' lta'araic, qataq 'enauac na lo'onataxanaxacpi somaye.

Cantares 4:13

Qataq qoneta'am ca nañiguishe lma' maye ñaxaalec ana granada maye qaica ca 'ena'am da lamaic ana ala, nañiguishe lma' maye nlaqtelec ana lauoxo ana alheña.

Esdras 1:6

Nache 'enauac so lauoreuapi somayepi itaunec so lcat plata, oro, nogoxoshetpi, 'atetpi qataq so no'on nogoxoshetpi, nataqa'en aso qalota ỹotta'a't nachetaqtaxanaqtepi maye maiche chegoqchigui ñi 'oonolec somayepi da ỹaneuo.

2 Crónicas 21:3

Qaq so lta'a soomaye, ỹauo'o co'ollaxa so nme ñi 'oonolec soomaye chegaqaigui so oro, qataq plata, qataq som ỹataqta no'on nogoxoshetpi. Qataq nataqa'en ỹanem so qanpaxattaua'a huaqta'a't nỹecpi maye ỹotta'a't naua nañalo ye Judá, qalaxaye da lo'onataxanaxac da nta'a, qalaq ỹanem so Jorán, cha'aye nacheso som ỹe llalec.

Cantares 1:10

¡Ỹataqta 'onaxail naua 'aramelque da 'aỹa'aatrañi naua 'arshete! ¡Ỹataqta 'onaxaic na 'arqosot da 'aỹa'aatañi ana 'arqolapi maye chegaqaigui na conec!