Génesis 24:49 - La'aqtaqa Ñim Lo'onatac 'Enauacna 2013

⁴⁹ Qaq ỹoqo'oye nagui, ishet da aỹem qaua'aqtaxañim da qauchoxoyiñi, qataq da qami' 'eesora da qauchoxoyiñi ñi ña'aco'. Qaq da saishet, nache aỹem qaua'aqtaxañim nataqa'en, yaqto' aỹem saỹaten negue't cam so'ot.»

Génesis 24:49 Referans Kwoze

Génesis 47:29

Qaq huo'o so na'a'q, nache so Israel nomteguet da mashe sa qaỹaloq da ileu. Nache damaxasoxoneua'a so llalec José da yaqto' 'enapega, 'eeta': «Da ỹoqta 'eesa da aỹem 'anqouaguec, nache 'auacho'ot na 'arhuaq na itele'eta, nache 'aỹa'an ca 'ara'aqtac da 'aupacchigui qome dam seỹaxaneua'a. ¡Aỹem 'anqouaguec qome, saishet da aỹem 'aulayiña na Egipto!

Josué 2:14

Nache soua nmeenaxanaxanaqa 'ena'apo': «Qomi' sanaq qome da qanachaalataxac da yaqto' saishet da qami' qaỹalaua't, qalaxaye 'am saishet qome da 'aua'axatec de'era qara'aqtac. Nache Ñim Nataxala' qom qomi' ỹanema ne'ena 'alhua, nache ỹataqta qami' sechoxorena'q qataq qami' saỹamaxataqte'.»

Proverbios 3:3

Saisheto' qome da 'aỹa'axanec da nsoxoyec, qataq da 'eesa lataxac, qataq 'auachetac qome 'eeta'am 'anqa'en aca 'arqola. Qataq 'oxotoigui da 'antoonaxac.

Génesis 32:10

qaq aỹem, ỹataqta saq saiguet da 'arauotaxanaqtaic qataq 'artelaxa da sheeta, cha'aye co'ollaq sa'axasoxoolec aso tala Jordán, nache qaica ca lỹa sachetac, nachaqanata ana ỹashelte. Qaq nagui qalaq sevira'a da dos naua lma'ate na ñenaictague'pi.

Deuteronómio 2:27

‹Sauotaique da sa'axasoxoolec na 'ana'alhua, nache sashectec da shectegue so ñec, qataq saishet da huo'otaq saỹoxouec qome.

Números 20:17

Nache 'am ñachoxonnaqot da qomi' 'auasheetema qome da sa'asoxonaxalec na 'ana'alhua, qalaxaye saishet da sa'axasoxonaxalec na lma' na nañiguishecpi, qataq na lma' ana uva qataq saishet da ñiỹomaxagui na 'etaxat maye le'ec ana nsherepi. Nacherata da qolaqtegue so ỹataqta nqa'aic, saishet da saỹoxosoxouec, choche ivitta'a qome da ime, da sa'axasoxonaxalec na 'ana'alhua.»