Génesis 24:45 - La'aqtaqa Ñim Lo'onatac 'Enauacna 2013

⁴⁵ Qaq so saxanaxa da semat da ñeqouagaxaunaxac, nache sela'aguet añi Rebeca ỹachetalec na lallac aso laco'oña 'alhua. Nache so huenongui añi nshere da nqatsheguem so 'etaxat, nache shenapega, sheeta': Ñaq aỹem 'arqouaguec qome da 'auauo'o ca ỹaquip.

Génesis 24:45 Referans Kwoze

Hechos 10:30

Nache so Cornelio 'enapeco': –Nagui mashe ivi' naua cuatro na'axa'te da 'eeta'am nagui ye ñichiguiña añi nala' co'ollaq aỹem soota'a na ima', ñeqouaqchettac qataq ñeqouagaxaueetac. Nache aỹem nachaxana so ỹale soua alogo ỹataqta qashelectrapiguiñi da lapagaqa'.

Mateo 7:7

Qauỹaxañiỹot Ñim Lo'onatac 'Enauacna, qaq Ñimaye qami' ỹanema ca qauỹaxañiỹaique; qautaqỹapegue' Ñimaye, yaqto' qauanachiỹa ca qanmichiitaique; qataq qauaxañiỹa't naua qarhuaxayilli', yaqto' qami' ilo'ogueta.

Daniel 9:23

Cha'aye co'ollaq choche 'anatamen, nache Ñim Lo'onatac 'Enauacna 'am ỹasateguet. Qaq aỹem ñanac da 'am sa'axatem dam lasataxac Ñimaye, cha'aye Ñim Lo'onatac 'Enauacna ỹataqta 'am ỹauotec. Qaq nagui, ỹataqta 'ana'axaỹaxaachigui de'era, yaqto' 'auaỹateeta da naigui som 'arauanaqchec:

Isaías 65:24

Namayepi qom saxanaxa da aỹem iỹaxana, nache Aỹem sasateguet qome, qom saxanaxa da ivirec ca ltaxaỹaxac, nache Aỹem mashe sa'axaỹa qome.

Romanos 8:26

Qaq nache 'eetec de'era, qataq ye da qanaquitaxac Ñim Lo'onatac 'Enauacna qaica ca la'añaxac, nache So Saqcha'a Na'añaxac Qui'itta qomi' itaua'n. Cha'aye saishet da saỹatenaq ca lataxac da seỹaxanaqot Ñim Lo'onatac 'Enauacna, qalaxaye nacheso So Saqcha'a La'añaxac da qomi' ñachoxoreeleguete, qalaxaye naua nachoxonnaxaco somaye ỹataqta saishet da qaivi' da qaỹa'axateguelo ca naigui.

Daniel 9:19

¡'Am Nataxala', 'Am Nataxala'! ¡Ñaq qomi' 'aua'axaỹalo, qataq qomi' 'auchoxore'n! ¡Ña qomi' 'auqocha'alo 'Am Nataxala', nache 'auanac da qomi' 'autaua'n! ¡Qaq souaxat da 'arauotaxanaqtaic da qoneta 'Am Ñatamnaxala', qataq souaxat nam huaqta'a't nỹecpi, qataq souaxat na 'aralamaxat nhuo' le'ecpi, maye iỹaxaatega da 'are'enaxat, nache sa 'anaỹaloxon qome da 'auanac!

Isaías 58:9

Qaq huaña nache da Aỹem 'aỹaxana nache 'am sasateguet qome, Qataq da 'aua'alaq da 'auỹaxanaique ca 'antaunaguec, nache Aỹem shenapec, qome: ‹Aja', Aỹem soota'a ne'ena.› Da 'am 'aỹa'axaañi da 'aupataqta'a't ca 'arỹa, qataq saishet da 'aunogoqchettac ca 'arỹa qataq saishet da 'anqañoxotta'a da 'auasaqteguelec cam saq 'en,

Nehemías 2:4

Nache se'eso nta'a, 'enapec: ¿Qaq chaq negue't ca 'anshetaique da 'am setaunec? Huaña nache ỹataqta seỹaxanot Ñim Nataxala' da aỹem itauan.

2 Samuel 7:27

Cha'aye 'Am Nataxala' maye Qaica ca 'Auqalanapec, ye mashe aỹem 'auaỹaanaxanaxanec da nache 'eetai' qome 'anqa'en da ỹo'onataxanaxac da aỹem nta'a, qataq na ỹalaqpi, qaq ỹoqo'oye nagui ne'ena 'aramaxashec, 'am ỹanot da nachoxonnaxac.

Génesis 24:44

qaq acamaye da aỹem ỹasateguet qome da 'eeta': Aja' 'anỹom, qataq nataqa'en ñaqatsheguem qome ca 'etaxat da yaqto' nỹo'm naua 'arelo cameello, qaq nachaca qome aca 'arca'aguishe, 'am Nataxala', da yaqto' lhua ñi llalec ñi ña'aco'.