Génesis 24:44 - La'aqtaqa Ñim Lo'onatac 'Enauacna 2013

⁴⁴ qaq acamaye da aỹem ỹasateguet qome da 'eeta': Aja' 'anỹom, qataq nataqa'en ñaqatsheguem qome ca 'etaxat da yaqto' nỹo'm naua 'arelo cameello, qaq nachaca qome aca 'arca'aguishe, 'am Nataxala', da yaqto' lhua ñi llalec ñi ña'aco'.

Génesis 24:44 Referans Kwoze

Génesis 24:14

Qaq 'onaxaic qome da aỹem 'auasheetem aca qa'añole, acam shenapega, sheeta': ‹Ñaq aỹem 'arqouaguec, 'anqaañi ana 'araco'oña 'alhua da yaqto' ñeỹomgui,› qataq aỹem ỹasateguet qome acamaye, 'eeta': ‹Aja', 'anỹom, qataq nataqa'en sanem ca laquip 'etaxat naua 'arelo cameello,› qaq no'on da nachaca qome aca 'arca'aguishe da yaqto' lhua ñi 'aramaxashec Isaac. Qaq huaña qome, nache ỹataqta 'eesa ñaqa'en da talec da 'arauotaxanaqtaic ñi ña'aco'.»

1 Pedro 3:8

Qaq da pa'atec, qami' iuen da qoviitaigui da 'oonolec da qarhuennataqai, qataq ñi 'oonolec ỹataqta ỹauotec ca lỹa qataq qanaỹaañeta't, yaqto' nache 'eetai' da qana'ayeeta'a't. Qataq ỹataqta qami' soxoraiqa, qataq huesota da qarataxaqui.

Hebreos 13:2

Qataq saishet da qaucoviỹa'ai da ỹataqta qauloỹeeguet na shiỹaxauapi maye nvireua'a ca qarmaye. Cha'aye damaye nachera da chegoqchigui da huo'o co'ollaxa so shiỹaxauapi saq noma da ỹaconeguet so namaxashec piguem le'ecpi.

1 Timoteo 2:10

Nachaqrata da na shiỹaxauapi ỹa'aalac souaxat nam no'on maye ỹo'ottac acamaye, dam lataxac aca 'alo maye ỹauotec qataq huo'o naq 'enec naqa'en Ñim Lo'onatac 'Enauacna.

Isaías 32:8

Qaq cam no'on da lataxac qalaq ipacchigui da iuennatega da ỹo'ot ca no'on, qaq cam lapaxañi lataxac qalaq nache 'eetai' da quetalec.

Proverbios 19:14

Caua nta'al chegoqchiguilo da qaỹaconeguet ca nỹec qataq da nsallaxa, Qaq Ñim Nataxala' qalaq chegoqo'ot aca 'alo sanqalat.

Proverbios 18:22

Ca ỹanata aca lhua qalaq ỹanata da lamaicỹaxac, qataq ỹaconeguet da lqouagaxanaqtaic Ñim Lo'onatac 'Enauacna.

Proverbios 16:33

Ca ỹale maiche ỹo'ot ca nalletaxac da yaqto' huo'o ca na'achecỹaxac, qalaxaye Ñim Nataxala' nacheñi ñi ỹan ca pa'atec la'aqtac.

Génesis 2:22

Nache Ñim Nataxala' ỹachegoxotchigui se'eso ncheshet da ỹo'ot aso 'alo. Ime, qaq ỹauegueua'a som ỹale.

Génesis 24:43

qaq 'am ñachoxonnot nagui da soota'a ana'ana nshere, da ipacchigui qome de'era: Da aca qa'añole maye ñe'eguenaxaama na 'etaxat, acam shenapega, sheeta': Ñaq aỹem 'arqouaguec qome da aỹem 'auasheetem da ñeỹomgui ca laỹe na 'etaxat maye huetagui ana 'araco'oña 'alhua,

Génesis 24:45

Qaq so saxanaxa da semat da ñeqouagaxaunaxac, nache sela'aguet añi Rebeca ỹachetalec na lallac aso laco'oña 'alhua. Nache so huenongui añi nshere da nqatsheguem so 'etaxat, nache shenapega, sheeta': Ñaq aỹem 'arqouaguec qome da 'auauo'o ca ỹaquip.