Génesis 24:42 - La'aqtaqa Ñim Lo'onatac 'Enauacna 2013

⁴² Qaq quiye can ñevita añi nshere, nache ñeqouagaxaunot Ñim Nataxala', sheeta': 'Am Nataxala', maye 'am Natamnaxala' ñi ña'aco' Abraham, da ỹoqta 'eesa da qaica 'anqa'en camachaqca de'era ỹecỹaxac,

Génesis 24:42 Referans Kwoze

Nehemías 1:11

'Am Nataxala', 'am ñachoxonnot da ñaq 'auqoche'eguet de'era ñatamnaxac, qataq da nachoxonnaxac ne'ena 'aramaxashecpi, cha'aye huo'o da lyaxa da 'am ỹo'oxoren. Qataq 'am seỹaxanot da yaqto' ne'ena 'aramaxashec ỹañoxot ca 'eetapeguec, qataq ivira'a da ñim nta'a ishet da aỹem ilo'oguet qataq aỹem ỹanem ca lqouagaxanaqtaic.» Qaq se'eso na'a'q qalaq nache aỹem da nỹomaxaqui lo'o se'eso nta'a Artajerjes.

Romanos 1:10

qataq nache 'eetai' da seỹaxaatacot Ñimaye da huo'otaq aỹem ỹasheeta, nache huaña qome qaq ishet da qami' ñamaqtegalo.

Salmos 90:17

Qaq da lsoxoyec Ñim Nataxala' maye Qanatamnaxala', qomi' huetaleguete qome. Qataq nache 'eetai' qome da na'attañi naqa'en de'era qaro'onataxanaxac, Aja', nache 'eetai' qome na'attañi naqa'en de'era qaro'onataxanaxac.

Salmos 37:5

Ỹataqta 'aumato'ot qome da 'anachaalataxac Ñim Nataxala', ỹataqta 'aupi'iỹa'a Ñimaye, nache Ñimaye anac qome da 'am itauan.

Esdras 8:21

Qaq so ñaq sonaqtaña so loigue so tala Ahavá, nache samaxalec somayepi da nqouaqcheela't qataq ỹataqta ñemanaqot Ñim Qanatamnaxala', qataq seỹaxanaqot Ñimaye da qomi' nnaictagueto de'era qoyecỹaxac, qataq da ntela'a so qoyalaqpi, qataq 'enauac so qorogoxoshetpi.

Hechos 10:22

Nache soomaye 'ena'apo': –Qomi' lamaxa'she ñi huataxanaq lta'a, le'enaxat Cornelio. Ñimaye no'on da lataxac qataq ỹataqta ỹalaxaguet Ñim Lo'onatac 'Enauacna. Ỹoqo'oye 'enauac na judiopi ỹataqta huo'o naq 'enec naqa'en qataq lauotaxat. Qaq huo'o so chegaqasheguem lamaxashec Ñim Lo'onatac 'Enauacna 'enapega da 'am namaxasoxona, da yaqto' 'anqo'ona ye lma', nache ñimaye ishet da na'axaỹaxana cam 'ara'aqtaxanaxac.

Génesis 39:3

Qaq so na'aco' noma co'ollaxa da Ñim Nataxala' hueta'aguet so José, qaq ỹoqo'oye so José ỹaỹamaqchiguiñi 'enauac nam ỹo'otpi.

Génesis 24:31

nache 'enapega, 'eeta': «'Aỹala, 'auanac, 'am lchoxonnatac Ñim Nataxala'. ¡Ta'ainco' taxa da nache qoueta'a ne'ena pa'auec, ye mashe saqataxanai' ye 'arma', qataq ye lma' naua 'arelo cameello!»

Génesis 24:11

nache nmataxaarec soua cameello, huaña som pa'auec so huaqta'a't nỹecpi, maye saqaỹapeque aso nshere maye huo'o na le'ec 'etaxat. Qaq nacheso som laloqo', da som qa'ampiolec taxaama aso ñi'illoxoqui da ilaique 'etaxat.

Génesis 24:27

nache 'eeta': «¡Ỹataqta qaỹo'oxoren qome Ñim Nataxala', Ñim Natamnaxala' ñi ña'aco' Abraham, cha'aye ipacchigui da la'aqtac, qataq ỹasaxalec da lauotaxanaqtaic ñi ña'aco', qataq aỹem nauecteuga na nqa'aic maye naỹa'a na lma' na lauo' le'ecpi ñimaye!»

1 Samuel 1:13

Cha'aye aso Ana ipa'axaatauo na la'aqtacpi da natameetacot Ñim Nataxala', nache saishet da qaỹa'axaỹa, nache choche datac na alap, nache so Elí ipi'itaxaatega da taxai asomaye.

1 Samuel 9:6

Nache som lamaxashec 'enapeco': Ne'ena huaqta'a't nỹecpi huo'o ñi ỹale maye la'aqtaxanaxanec Ñim Lo'onatac 'Enauacna, qaq ñimaye ỹataqta 'enauac da huo'o naq 'enec qanqa'en, cha'aye 'enauac nam la'aqtaxanaxacpi ỹataqta tachigui. Qaq qolaq ñeqo'onaxaua'a, shapegueto' da qomi' da'aqtaxanema ca saqteuga.