Génesis 24:40 - La'aqtaqa Ñim Lo'onatac 'Enauacna 2013

⁴⁰ Qaq somaye aỹem ỹasateguet, 'eeta': Aỹem shectague' da nqa'aicỹaxac Ñim Nataxala', qaq Ñimaye ỹamaq qome ca lamaxashec piguem le'ec da 'am nnaictague', yaqto' qaica ca da dam 'icỹaxac, nache 'auachegoxotaigui qome aca lhua ñi ỹalec, yem ihuo' lashepi maye llalpi so ita'a.

Génesis 24:40 Referans Kwoze

Éxodo 23:20

«Qaq aỹem samaq qome so ñale, da hua'auta'ague na qanqa'aiqui da yaqto' qami' ntela'alo na nqa'aic, qataq qami' ỹauegalo yem 'alhua maye seqataxaatai'.

Salmos 16:8

Qaq aỹem qalaq nache 'eetai' naxa da sa seỹotaique Ñim Nataxala', Ñimaye nache huetaua'a ñaqa'en na aỹoic, nache qaica ca ishet da souañi naqa'en.

Éxodo 33:2

Qaq Aỹem qome, samaq ca ñale da 'am ỹaueca'aguet, qataq samaqauec da ca'ai ye na'alhuapi ye cananeopi, amorreopi, hitiitapi, ferezeopi, heveopi qataq ye jebuseopi.

Génesis 17:1

Qaq so Abram mashe ivi' co'ollaxa soua noventa y nueve vi'iye da nachaalataxac, co'ollaq Ñim Nataxala' nachaxana somaye, nache 'enapega, 'eeta': «Aỹem, nachaỹem Ỹo'onatac 'Enauacna, maye Qaica ca Seqalanapec, saisheto' qome da 'aushepaxanaqchet da 'anachaalataxac da aỹem qoueto'ot,

Génesis 5:24

Qaq cha'aye so Enoc, ỹataqta queteleguete naua 'eetapegueeque Ñim Lo'onatac 'Enauacna, nache huo'o so na'a'q da choche qaiqattac, cha'aye Ñim Lo'onatac 'Enauacna, ỹauec somaye.

Apocalipsis 22:16

«Aỹem samaq so ỹamaxashec piguem le'ec, da yaqto' da'aqtaxanem 'enauac de'era nam Aỹem ỹa'amaqteetac. Qaq Nachaỹem maye sachegoxoguet so nta'a David. Qataq nache Aỹem huaqaañi yo'oxoñi lashe maye ỹataqta 'eroigui da yo'oxoñitai'.»

Hebreos 1:14

Cha'aye na namaxashecpi piguem le'ecpi, namayepi choche saqcha'a na'añaxacpi maye do'onataxaatacot Ñim Lo'onatac 'Enauacna. Qataq Ñimaye ỹamaxa namayepi da itauan 'enauac nam shiỹaxauapi maye taỹa'a da nca'alaxatec Ñimaye.

Daniel 3:28

Qaq huaña nache so Nabucodonosor na'axannec da nqaqaañi, 'eeta': «¡Qaỹo'oxoren qome Ñim Natamnaxala' da Sadrac, Mesac qataq da Abednego, cha'aye namaq so lamaxashec piguem le'ec da yaqto' nca'alaxatrec daua lamaxa'she maye ỹataqta laxaraiqa, cha'aye daamaye saishet da ỹalaxareguet da lamaxasoxonaxac na nta'a, nacherata da lca'aua'alo da ileu', qaq saishet da ỹa'aroto naua l-llectel ca lỹa atamnaxala', da saishet da nacheñi Ñim Natamnaxala'!

Salmos 91:11

cha'aye Ñimaye 'am namaxa qome ca lamaxashecpi piguem le'ecpi, da yaqto' ntela'a 'enauac da 'icỹaxac.

Salmos 1:3

Qaq camaye 'eeta'am aca qo'oipaq maye ñaxattalec na loigue ca tala, da ipacchiguilo naua laloqo'ote da huo'o ana ala, qataq saishet da deqaqa ana laue. ¡Nache 'enauac na ỹo'otpi camaye ỹataqta ỹaỹamaqchiguiñi!

2 Reyes 20:3

«'Am Nataxala', 'am ñachoxonnot, da 'antoueeta'ac qome da ỹataqta 'am salaxaguet co'ollaxa, qataq ỹataqta imauec da iquiyaqteỹaxac da so'ot nam 'auaỹamaxareeta.» Nache so Ezequías ỹataqta lta'araic da nnoinaxac souaxat da laquicoxo.

1 Reyes 8:23

nache 'enapeco': «'Am Nataxala' maye Natamnaxala' na Israel le'ecpi, na pa'asheguem na piguem qataq na huetalec ana 'alhua, qaica ca Atamnaxala' da 'eeta'am 'am, da 'aupacchiguilo naua 'anaỹamaxataxaco, qataq da 'archoxonnataxanaxa cam ỹataqta lquiyaqteỹaxac da 'am do'onataxanot,

Génesis 48:15

Qaq huaña nache ỹanem da no'on la'aqtac so José, 'eeta': «Ñim Lo'onatac 'Enauacna ñim lalaxaret soua ita'al Abraham qataq so Isaac; Ñim aỹem nteltega chegoqchiguiña so na'a'q co'ollaq sañiguiñi,

Génesis 24:7

Cha'aye, Ñim Nataxala' maye neto'ot na piguem, ñim aỹem nqateeguesop co'ollaxa ye lma' so ita'a, qataq ye na'alhua yem ihuo' le'ecpi, qataq aỹem ỹachaxanapeguem ne'ena 'alhua da lma' naqa'en ca aỹem chegoxoguetpi, Ñimaye nataqa'en ỹamaq qome, da ỹa'auaxanegue da 'ata'ague ca lamaxashec piguem le'ec, da yaqto' 'auachegoxota'a yemaye da 'anauec aca lhua ñi ỹalec.

Génesis 6:9

Qaq 'era da na'aqtaguec so Noé. So Noé ỹataqta no'on da lataxac, qataq ỹataqta ỹalaxaleguet Ñim Lo'onatac 'Enauacna. Co'ollaq ỹalectaigui so shiỹaxauapi, qaq nachesota somaye da ỹo'ottac nam 'eetapeguec Ñim Lo'onatac 'Enauacna.

Génesis 5:22

Qaq so Enoc, qalaq ỹataqta queteleguete co'ollaxa naua 'eetapegueeque Ñim Lo'onatac 'Enauacna. Qaq co'ollaq ime da ñiguiñi so llalec Matusalén, nache somaye qaltaq queuoiguilo soua trescientos vi'iye da nachaalataxac, nache huo'o so dalaxaicpi llalaqpi, ỹalleppi qataq 'alpi.

Apocalipsis 22:8

Qaq aỹem Juan sa'aqchigui qataq sauaachigui 'enauac ne'enapi. Qaq can ime da sa'aqchigui qataq sauaachigui, nache aỹem sa'aroto naua illecte so namaxashec piguem le'ec maye aỹem ỹachaxaatega 'enauac ne'ena da sauotaique da ñatamnot.

1 Reyes 2:3

Ñaq 'aualaxagueto' qome naua lamaxasoxonaxaco Ñim Nataxala' maye 'Anatamnaxala', qataq 'auo'ot nam 'eetapeguecpi Ñimaye, qataq 'aupacchiguilo naua lqataxaco, lamaxasoxonaxaco, qataq naua lapaxayiñi lataxaco maye ỹelyiñi co'ollaxa so Moisés. Yaqto' maicheye cam qoueta'ague, qalaq nquictasheguem qome da ỹaỹamaqchiguiñi 'enauac nam 'auacoolec da 'auo'ot.

Génesis 24:56

Qalaxaye so namaxashec, 'enapeco': «'A'i, saishet qome da aỹem qanlliitañi. Ñim Lo'onatac 'Enauacna, mashe aỹem ỹanem da qaica camachaqca da ỹecỹaxac, qaq ỹoqo'oye no'on da aỹem qauashiñiitem da she'eguelaxague da lma' ca ña'aco'.»

1 Reyes 3:6

Nache so Salomón 'enapeco': «'Am, ỹataqta 'arauotaxat co'ollaxa so 'aramaxashec David, maye ita'a, cha'aye somaye ỹataqta 'eesa da 'am ỹalaxaguet, qataq ỹaỹamaqchiguiñi da lataxac, qataq nalochiguiñi da lquiyaqteỹaxac. Qaq ỹoqo'oye ỹataqta 'auauotec somaye, nache 'aỹa'anem ne'ena 'oonolec nam llalaqpi somaye, da talec 'anqa'en añi nso'onaxaqui da nta'a.