Génesis 24:35 - La'aqtaqa Ñim Lo'onatac 'Enauacna 2013

³⁵ Ñim Nataxala' ỹataqta qalota da lchoxonnataxanaxa ñi ña'aco', nache ỹo'ot da sallaxanec naqa'en ñimaye, ỹanem ana qaguetapi, huacapi, oro qataq plata, qataq na lamaxashecpi, qataq ana lamaxashepi 'alpi, qataq cameellopi qataq 'ashenapi.

Génesis 24:35 Referans Kwoze

Génesis 24:1

So Abraham, mashe ỹataqta ỹa'axaiquiolec co'ollaxa, qaq Ñim Nataxala', ỹanem co'ollaxa somaye da lta'araic lchoxonnataxanaxa.

Génesis 13:2

Qaq so Abram ỹataqta sallaxanec, cha'aye huo'o so lalamaxat oro, qataq lcat plata qataq so qalota lalopi shiguiỹacpi.

Proverbios 10:22

Da lchoxonnataxanaxa Ñim Nataxala' ỹo'ot da nsallaxa, damaye saishet da ỹo'ot ca naquicoxo.

Salmos 107:38

Ñimaye ỹanem da lchoxonnataxanaxa nache nquictauec namayepi, qataq nquictauec naqa'en ye lcata na na'atetpi.

Mateo 6:33

Qaq ỹoqo'oye ỹactec da 'onaxaic da qauauattoñiita Ñim Lo'onatac 'Enauacna da nachaqñita ỹactec da la'amaqchec da Nta'a, qataq da qauo'oche dam 'eetapeguec Ñimaye. Nache 'enauac na laỹepi maye qaviñiitaique qami' ỹanema Ñimaye da ivita ca laloqo'.

Salmos 18:35

'Am, aỹem mpaxattalec 'anqa'en da 'arca'alaqtaxanaxac, qataq aỹem 'anasoqtañi 'auauota'a na 'arhuaq 'oic, da 'arauotaxanaqtaic ỹo'ot da qaica ca seueetac.

Génesis 25:11

Qaq co'ollaq mashe ileu so Abraham, nache Ñim Lo'onatac 'Enauacna, ỹaalec da lchoxonnataxanaxa so Isaac, maye naña co'ollaxa yem sa qaỹapeque aso nshere maye le'enaxat «Ñim nca'altauec qataq aỹem ila'a.»

Génesis 12:2

Qaq sachegoxotchigui qome cam 'am chegoxoguetpi, da sauo'o ca qalota shiỹaxauapi, 'am sanem qome da ỹoqouagaxanaqtaic, qataq sauo'o qome ca 'ayo'oxoyec, qataq 'am chegoqchigui qome ca nchoxonnataguec na laỹepi shiỹaxauapi.

1 Timoteo 4:8

Cha'aye 'eesa ca shiỹaxaua da ñe'egueeteguela't da sa desalli naqa'en na lo'oc, damaye cara'acolec da huo'o da naigui. Qalaxaye da qanpa'ataxareelec da na'amqaanataxanaxac Ñim Lo'onatac 'Enauacna, damaye ỹataqta lta'araic da naigui. Cha'aye ỹataqta 'onaxaic da qomi' ỹo'otegueta nagui da ñaq souaqtalec ana 'alhua qataq nataqa'en qom seviraxague da piguem. Qaq de'era ỹataqta 'eesa, qaq ỹoqo'oye 'enauac damaye iuen da sa'amaqtenaq.

Salmos 112:3

Naua lma'ate qalaq chochaq huañi da lsallaxa, qaq da lqouagaxanaqtaic nache queta.

Da na'aqtaguec so Job 1:3

qataq siete mil aso lalo qaguetapi, tres mil aso cameellopi, mil so lauegaxanaxala'pi huaca, qataq quinientos so 'ashenapi, qataq ỹataqta qalota so l-latacpi. Qaq somaye nacheso so ỹataqta sallaxanec 'enauac som netaña da nala' lliguisheguem.

Génesis 49:25

¡Sanot da ña'achec Ñim Natamnaxala' na 'arta'a, Ñim 'am itauan qome, Ñim Qaica ca Ỹaqalanapec, maye 'am ỹaalec qome da lchoxonnataxanaxa! ¡Ñim 'am ỹanem qome da 'achecỹaxac maye chegoqo'ot na qaỹoqotcheguemec piguem! ¡dam 'achecỹaxac maye chegaqangui aso qaỹoqchiguingui auaxai! ¡dam 'achecỹaxac da nco'oxoc qataq da qaillepec aca nate'e!

Génesis 12:16

Qaq souaxat aso Saraí, nache so faraón ỹataqta ỹaỹamaxatta so Abram. Ỹachet ỹanem aso lalo qaguetapi, huacapi, l-latacpi, qataq aso l-latapi, 'ashenapi, qataq aso cameellopi.

Proverbios 22:4

Da qaica ca na'amaqchec qataq da huo'o naq 'enec qanqa'en Ñim Nataxala', nachera da chegaqaigui da nsallaxa, ño'oxoyec qataq da nca'alaxa.

Lucas 12:45

Qalaxaye que'eca namaxashec da huo'otaq 'enapec: «Ca ña'aco' ỹataqta qaỹaloqteguet», nache jec da iuaxaatac ca laỹepi namaxashecpi qataq aca namaxashepi, ime, qaq cot da lquia'axac qataq da nỹomaxac qataq da ltaxa.

Génesis 12:3

Aỹem sechoxoren qome ca 'am ichoxorenpi, qaq ca 'am saichoxorenpi, qaq nataqa'en saishet da sechoxoren, qaq chegoqchigui qome 'am da 'enauac na nhuo' le'ecpi ana 'alhua da sasaxalec ca ichoxonnataxanaxa.»

Génesis 25:5

Qaq so Abraham ỹanem co'ollaxa so Isaac, 'enauac som lalamaxatpi somaye.

Génesis 30:43

Qaq 'era da 'eetec so Jacob, da ivira'a da ỹataqta sallaxanec, nache ỹataqta qalota aso lalo qaguetapi, qataq so lamaxashecpi qataq aso lamaxashepi, qataq aso lalo cameellopi, qataq so 'ashenapi.