Génesis 24:31 - La'aqtaqa Ñim Lo'onatac 'Enauacna 2013

³¹ nache 'enapega, 'eeta': «'Aỹala, 'auanac, 'am lchoxonnatac Ñim Nataxala'. ¡Ta'ainco' taxa da nache qoueta'a ne'ena pa'auec, ye mashe saqataxanai' ye 'arma', qataq ye lma' naua 'arelo cameello!»

Génesis 24:31 Referans Kwoze

Rut 3:10

Nache so Booz, 'enapeco': ¡'Am ỹalole, Ñim Nataxala', 'am talec naqa'en qome da lchoxonnataxanaxa! Cha'aye de'era dalaxaic 'arauotaxanaqtaic, damaye napacalec so hua'auñi, qaq cha'aye saishet da 'anmittaique ca ña nsoqolec, choxoraq huo'otaq sallaxanec.

Génesis 26:29

'Am qome, saishet da qomi' 'auo'oteque ca saỹaỹamaxañi, cha'aye qomi' saishet co'ollaxa da 'am sa salemaxataq. Maye nacherata da 'am saỹamaxataqta, qataq co'ollaq 'am ñiquinaqtague' qalaq 'auachetec da 'al-lagaxayec, qaq nagui Ñim Nataxala' 'am ỹanem da lchoxonnataxanaxa.»

Salmos 115:15

Qami' ỹanema qome da lchoxonnataxanaxa, Ñim Nataxala' maye lo'onatac na piguem qataq ana 'alhua.

Jueces 17:2

Somaye da'aqtaxanem co'ollaxa aso late'e, 'eeta': «Sa'aqchigui so qauem 'ara'aqtac maye 'auasaxalec so decachiỹa aso 'om maye ivi' mil cien lcatpi plata. Qaq nachaỹem maye 'am secachiỹot, qalaxaye nagui 'am she'eguelaxatot ayemaye.»

Proverbios 18:16

Ca nachetaqtaxanaxat ỹo'ot da qaỹauatec 'enauac na lasompi, qataq ỹo'ot da ishet da qaiviraua'a ca shiỹaxaua maye 'amaqtaqaic.

Proverbios 17:8

Ca choche isheeten ca lỹa camaye ipi'itaxaatega da saqalaq da huo'o ca ỹo'ot, cha'aye 'enauac na ỹacoolec da ỹo'ot camaye qalaq 'enauac da ỹañoxot.

Génesis 18:3

nache 'eeta': «'Am Ỹataxala', 'am ñachoxonnot da aỹem 'arqouaguec, saishet qome da sa 'anaỹaloxon da qojec.

Génesis 19:2

nache 'enapegalo, 'eeta': «Qami' Ỹataxala'ate, aỹem qarqouaquic qome da qoviỹa'a ne'ena pe, ye lma' ne'ena qarlataqui. Qaq yaqto' huaña yemaye da qauỹoi' naua qarapia'achilli', qaq qonte' nte'etom, nache qaltaq qoqui qome.» Qalaxaye soomaye 'ena'apo': «'A'i, qana'achec. Ne'ena pe nache souaqta'a na nqa'aic.»

Génesis 19:3

Qalaxaye so Lot ye ỹataqta ỹe'eguelaqto'oto soomaye, nache ivira'a da ỹañoxo't soomaye da lỹatrac so Lot da nqo'ooreua'a so lma' somaye. Qaq co'ollaq ivildeuo, nache so Lot ỹo'ot so nallec, qataq aso nauole maye sa qaỹauo'o ca lalegue, nache se'esoua maxasoxoiqa deque'e'.

Génesis 24:30

cha'aye souaxat da ila'a aso chiguishaqte, qataq soua nhuaxa'she maye netaguilo naua lhua'q aso lqaỹa, qataq hua'aqtega co'ollaq asomaye ỹa'axattac da la'aqtac se'eso ỹale. Nache so Labán nqo'onaxaama so lamaxashec so Abraham, cha'aye somaye qataq soua lalo cameello, ñaq huetraxaama aso nshere,

Génesis 29:13

Qaq so Labán co'ollaq hua'aqchigui da qaỹa'axat so Jacob som llalec aso lqaỹa Rebeca, nache nqalgoqta da ca'ateuga, nache nqapale' qataq napigoxoi', nache ỹauegueua'a so lma'. Qaq huaña, nache so Jacob da'aqtaxaatapeguem so Labán 'enauac da huaigui somaye.