Génesis 24:27 - La'aqtaqa Ñim Lo'onatac 'Enauacna 2013

²⁷ nache 'eeta': «¡Ỹataqta qaỹo'oxoren qome Ñim Nataxala', Ñim Natamnaxala' ñi ña'aco' Abraham, cha'aye ipacchigui da la'aqtac, qataq ỹasaxalec da lauotaxanaqtaic ñi ña'aco', qataq aỹem nauecteuga na nqa'aic maye naỹa'a na lma' na lauo' le'ecpi ñimaye!»

Génesis 24:27 Referans Kwoze

Génesis 24:48

qaq ime, nache sa'aroto naua illecte Ñim Nataxala' da ñeqouagaxauen, sho'oxoren Ñim Nataxala', Ñim Natamnaxala' ñi ña'aco' Abraham, cha'aye souaxat da aỹem nauecteuga na nqa'aic, maye nalemaqchigui na 'arma', da yaqto' saconeua'a añim llale ñi maiche lauo' le'ec ñimaye, da yaqto' lhua ñim llalec.

Salmos 98:3

cha'aye sa icoua'ai da lauotaxanaqtaic, qataq da 'eesa la'aqtac maye ỹanem co'ollaxa na Israel le'ecpi. Nache 'enauac na hueta'alo naua loga'te ana 'alhua ỹauaachigui co'ollaxa da lca'alaqtaxanaxac Ñim Qanatamnaxala'.

Génesis 32:10

qaq aỹem, ỹataqta saq saiguet da 'arauotaxanaqtaic qataq 'artelaxa da sheeta, cha'aye co'ollaq sa'axasoxoolec aso tala Jordán, nache qaica ca lỹa sachetac, nachaqanata ana ỹashelte. Qaq nagui qalaq sevira'a da dos naua lma'ate na ñenaictague'pi.

Génesis 24:12

Qaq huaña yemaye, nache so namaxashec nqouagaxauen, 'eeta': «'Am Nataxala', maye 'Am Natamnaxala' ñi ña'aco' Abraham, aỹem 'aỹa'anem na na'a'q, da no'oitegue da ỹecỹaxac, qataq 'auachaxana da 'arauotaxanaqtaic ñi ña'aco'.

1 Samuel 25:32

Nache so David 'enapego' asomaye, 'eeta': Ỹataqta soxoraic Ñim Nataxala', Ñim Natamnaxala' na Israel le'ecpi, maye 'am namaq da yaqto' aỹem 'auqata'aguet,

Rut 4:14

Qaq huaña nache so 'alpi 'eetego' aso Noemí, 'eeta': Ỹataqta qaỹo'oxoren qome Ñim Nataxala', cha'aye 'am ỹanem nagui ye 'arhual da yaqto' 'am ilo'ogue qome, qaq da le'enaxat yemaye ỹataqta ỹo'oxoraq qome ne'ena Israel.

Éxodo 18:10

Nache 'enapeco' da la'aqtac: «Ỹataqta qaỹo'oxoren qome Ñim Nataxala', maye nca'alaxateeguesop na Israel le'ecpi, da la'añaxac ñi faraón qataq na Egipto le'ecpi maye qami' ipataqtrañi co'ollaxa,

Lucas 1:68

«¡Ỹataqta sho'oxorenaq qome Ñim Lo'onatac 'Enauacna maye Lataxala' na Israel le'ecpi, cha'aye Ñimaye qomi' naỹalo da qomi' nca'alaxatre'c!

Proverbios 3:6

'Auacho'ot Ñim Nataxala' 'enauac nam 'auo'otpi, yaqto' Ñimaye ỹo'ot da no'oitegue da 'icỹaxac.

Salmos 100:5

Cha'aye Ñim Nataxala' ỹataqta soxoraic, da lta'araic lauotaxanaqtaic chochaq tatec, qataq chochaq tatec da saishet da nquic da lataxac.

2 Samuel 18:28

Qaq co'ollaq nvireuo so Ajimaz, nache ỹa'aldoto naua l-llecte so nta'a nache, 'eeta': Ỹataqta choxonnataxanaxaic Ñim Nataxala' maye Atamnaxala', 'am nta'a, cha'aye Ñimaye qomi' ỹanema da qoroxonec nam 'am ipa'agueetacpi, 'am nta'a.

1 Timoteo 1:17

Ỹoqo'oye nagui sanaxam da qayo'oxonnataxanaxa qataq da qaryacnataxanaxac Ñim Lta'a 'enauac nam shiỹaxauapi maye choche tatec, Ñim qaica ca loga't qataq saishet da qaila'a. Ñimaye nacheñi Ñim Lo'onatac 'Enauacna maye qaica ca lỹa 'ena'am, qataq ỹaanaxanaxaic. Aja', nache 'eetec de'era.

Efesios 1:3

Sanqot da qana'achecỹaxac Ñim Lo'onatac 'Enauacna Ñim Lta'a So Qarataxala' Jesucristo, cha'aye nagui da ña'araqtaua'a So Cristo, nache Ñimaye qomi' ỹanema na ỹotta'a't lqouagaxanaqtaiguesat maye chegoqo'ot So Saqcha'a Na'añaxac Qui'itta.

Juan 1:17

Na namaxasoxonaxacpi co'ollaq ỹan Ñim Lo'onatac 'Enauacna, qalaq chegoqchigui naqa'en so Moisés, qalaxaye dam lqouagaxanaqtaic qataq dam 'eesa lataxac, damaye chegoqchigui So Jesucristo.

Miqueas 7:20

'Am Nataxala', nache 'eetai' qome da 'aupacchigui da 'ara'aqtac qataq da 'arauotaxanaqtaic, maye soua hua'au' vi'iye 'auachaxanapeguema co'ollaxa soua hua'au' qarta'al Abraham, qataq so Jacob.

Proverbios 8:20

Aỹem shectegue so nalochiguiñi nqa'aic, qataq da llec naua no'o'n lataxaco.

Salmos 68:19

Qaỹo'oxoren qome Ñim Nataxala', Ñim Qanatamnaxala' qataq qarca'alaxaqui, maye 'enauaque naua na'axa'te da ỹachetac na qaya'acpi.

1 Samuel 25:39

Qaq so David co'ollaq la'axaỹaxac da ileu so Nabal, nache 'enapeco': ¡Ỹataqta soxoraic Ñim Nataxala', cha'aye ỹe'eguelaxateguet da qauem maye aỹem ỹo'otec co'ollaxa ye Nabal! ¡Ñimaye aỹem ỹeltaxaneguet da so'ot ca qauem, qalaxaye ỹo'ot da maiche talec naqa'en da qauem ye Nabal! Ime, nache so David ỹamaxa so la'aqtac aso Abigaíl da ỹauotaique da lhua.

Éxodo 2:13

Qaq so lỹa na'a'q qaltaq ỹe'eguelaxauec, nache ilaleguete soua dos hebreo lashe' da maiche nhuaxaatega't. Nache inattaco' som iuaxaatac so lỹa, 'eeta': «¿Ta'ainco' ye 'auaxaatac da maiche 'aralamaxat 'arhuo' le'ec?»

Éxodo 2:11

Qaq huo'o so na'a'q co'ollaq so Moisés ivita da mashe ỹe, nache nqo'ona ye netaña so lalamaxat lqaỹañecpi, huaña nache ilalec da ỹataqta qaica ca nyacnataguec souaxat da nlataguec. Ime qataq ỹauaachigui so Egipto le'ec da iuaxaatac so hebreo le'ec maye lauo' le'ec somaye.

Génesis 24:42

Qaq quiye can ñevita añi nshere, nache ñeqouagaxaunot Ñim Nataxala', sheeta': 'Am Nataxala', maye 'am Natamnaxala' ñi ña'aco' Abraham, da ỹoqta 'eesa da qaica 'anqa'en camachaqca de'era ỹecỹaxac,

Génesis 24:21

Qaq so namaxashec nache ilotagui asomaye, qalaxaye qaica ca la'aqtac, cha'aye somaye ỹauotaique da ỹaỹaten da 'eesa da nacheñi Ñim Nataxala' da ỹanem da no'on da llecỹaxac.

Génesis 24:4

nacherata da 'anqo'ona qome yem ña'alhua, nache 'alca'aique aca lhua ñimaye, 'auachegoxotaigui yem 'alpi maye maiche ihuo' lashepi.»

Génesis 14:20

qataq qaỹo'oxoren qome Ñim Lo'onatac 'Enauacna, maye Nataỹaña 'enauacna ñim 'am ỹanem co'ollaxa da 'oxonec so 'ampa'aguenaxauapi.» Qaq huaña nache so Abram, ỹanem so Melquisedec, añi 'oonole ana diez 'enauac som lhuotaxanaxatpi.

Génesis 13:8

Qaq ỹoqo'oye huo'o so na'a'q, nache so Abram 'enapega so Lot, 'eeta': «'Am qataq aỹem, maiche qomi' nhuo' lashe'. Qaq ỹoqo'oye qomi' saỹaỹamaxañi da ñecotaqtega't, qataq da ncotatega't nam ilotague' ana 'arelopi, qataq nam ilotague' ana ilopi.

Génesis 9:26

Qaq ime qaltaq 'enapec: «Qaỹo'oxoren qome Ñim Nataxala', maye natamnaxala' ñi Sem, qaq ñi Canaán qalaq choche l-latac qome ñi Sem.

Génesis 32:11

¡Qaq ñaq aỹem 'arqouaguec qome, da aỹem 'anca'alaxateeguesop da lhuaqỹaxac na ỹaqaỹa Esaú! Cha'aye huo'o da icolanaxa da anac da aỹem iloquiaxan, nache ỹalauat na 'alpi, qataq na ñaqpiolec.

Éxodo 34:6

Ime, nache nlectelec so Moisés, na'axanneque naua la'aqtaqa, da detaqtac, 'eeta': «¡Nam Nataxala'! ¡Nam Nataxala'! ¡Nam Lo'onatac 'Enauacna maye soxoraic qataq choxonnataxanaxaic! ¡Namaye qaỹoqchiguinguit da lalemataic, qataq lta'araic da lsoxoyec, qataq ỹataqta 'eesa!