Génesis 24:26 - La'aqtaqa Ñim Lo'onatac 'Enauacna 2013

²⁶ Nache so namaxashec ỹa'alyiñi naua l-llecte da ỹo'oxoren Ñim Nataxala',

Génesis 24:26 Referans Kwoze

Génesis 24:48

qaq ime, nache sa'aroto naua illecte Ñim Nataxala' da ñeqouagaxauen, sho'oxoren Ñim Nataxala', Ñim Natamnaxala' ñi ña'aco' Abraham, cha'aye souaxat da aỹem nauecteuga na nqa'aic, maye nalemaqchigui na 'arma', da yaqto' saconeua'a añim llale ñi maiche lauo' le'ec ñimaye, da yaqto' lhua ñim llalec.

Éxodo 4:31

Huaña, nache so shiỹaxauapi ỹataqta ỹa'amaqten de'era na'aqtaxanaxac, cha'aye ỹaỹaten da Ñim Nataxala' maiche huapegue' somayepi, qataq da sogote da ỹaỹateeta da nque'eenaxac, huaña nache ỹa'alyiñi naua l-llecte da natamnot Ñimaye.

Génesis 24:52

Qaq so lamaxashec so Abraham, co'ollaq hua'axaỹa de'era na'aqtac, nache ỹa'aroto naua l-llecte Ñim Nataxala', nache iviraxata'aguet na latap na 'alhua.

Éxodo 12:27

Nache qami' qoñiita' qome: Ñi'iñi shiguiỹac maye qaỹalauat da qanallec naigui da qaỹo'oxoren Ñim Nataxala'. Cha'aye Ñimaye co'ollaq ỹalauat so Egipto le'ecpi, nache napactaleguete naua lma'ate so Israel le'ecpi maye netaña ye Egipto, qaq 'era da 'eetec co'ollaq nca'alaxatec na qoyalaqpi.» Nache na Israel le'ecpi ỹa'alyiñi co'ollaxa naua l-llecte da yo'oxonnataxan.

Filipenses 2:10

yaqto' 'enauac qome ishet da ỹa'alyiñi naua l-llectel, nam hueto'ot na piguem, qataq nam huetalec ana 'alhua, qataq nam huetaueegue da laỹe na 'alhua,

Miqueas 6:6

¿Negue'tom ca sachetauo qom ñeqo'oneua'a Ñim Nataxala', qataq da sho'oxoren Ñim Lo'onatac 'Enauacna maye neto'ot na piguem? ¿Peta'a sachetauo ca huaca llalec maye mashe ivi' 'oonolec vi'i, da yaqto' sanot da ỹachetaqtaxanaxat qaỹavigaxatta?

Salmos 95:6

Qauanaqui qome, sa'araxayiñi naua qarllecte da sho'oxorenaq, sa'araqoto naua qarllecte Ñim Nataxala' maye qomi' lo'onataqa.

Salmos 72:9

Qataq nañanot qome camaye na mpa'aguenaxauapi, maye netalec ye toolec 'alhua.

Salmos 66:4

Qataq 'enauac na netalec ana 'alhua 'am natamnot, qataq ỹo'ootac na no'onecpi da ỹo'oxoren da 'are'enaxat.»

Salmos 22:29

Qaq ỹa'aroto naua l-llecte qataq natamnot Ñimaye 'enauac na qaica ca iuena'a, qataq 'enauac na taỹa'a da ỹe'eguelaxaigui ana 'alhua, cha'aye namayepi saishet da maiche ỹo'ot da qaỹoqtec da lca'alaxa.

Nehemías 8:6

Huaña nache so Esdras, ỹanot da llo'oxonnataxanaxac Ñim Lo'onatac 'Enauacna maye Qaica ca Ỹaqalanapec, qaq 'enauac somayepi ỹachaxaashegue'm naua lhuaxaye, ime nache 'enapec: «¡Aja', nache 'eetec, aja' nache, 'eetec!» Ime, nache 'enauac somayepi da ỹa'alyiñi naua l-llecte, nache iviraxata'aguet na latap na 'alhua, nache ỹo'oxoren Ñim Nataxala'.

2 Crónicas 29:30

Ime nache so nta'a Ezequías, qataq so nataxala'pi, ỹamaxalec so leviitapi da ỹo'oxoren Ñim Nataxala', ỹo'on so no'onecpi maye lo'onecpi so David, qataq so na'aqtaxanaxanec Asaf. Nache som leviitapi ỹataqta machiguiñi da do'onaxan, nache nataqa'en ỹa'alyiñi naua l-llectel da ỹo'ot da llo'oxonnataxanaxac.

2 Crónicas 20:18

Nache so Josafat, qataq 'enauac so shiỹaxauapi maye lma' ye Judá, qataq ye Jerusalén, ỹa'alyiñi naua l-llecte, nache ivira'aguet naqa'en na latap na 'alhua, da ỹo'oxoren Ñim Nataxala'.

1 Crónicas 29:20

Qaq co'ollaq ime, nache so David detaxaigui se'eso laỹoota'a't shiỹaxauapi, 'eeta': «Nagui, qavio'oxoreñi Ñim Nataxala' maye Qanatamnaxala'ai». Huaña, nache 'enauac se'eso laỹoota'a't shiỹaxauapi ỹo'oxoren Ñim Nataxala', maye Natamnaxala' soua hua'au' lta'al, nache nqollemñi da ỹa'aldoto naua l-llecte Ñim Nataxala' qataq so nta'a.

Éxodo 34:8

Nache so Moisés sa naỹaloxon da ỹa'alyiñi naua l-llecte da nqapaxaneguet na 'alhua da natamen.

Génesis 22:5

Qaq huaña nache so Abraham 'enapegalo' soua lamaxa'she, 'eeta': «Qoviỹa'a qome ne'ena, qauachiỹapegue' ñi 'ashena, qaq aỹem qalaq iỹatac da nogotolec da ñeqo'onaxa yi'iye 'alhua. Huaña qome nache sho'oxorenaq Ñim Lo'onatac 'Enauacna. Qaq qom ime nache ñe'eguelaxasoq.»

Génesis 24:25

Ye qarma' huo'o ye ndaqa', qaq 'am ishet da 'anmataqa' na pe, nataqa'en huo'o na 'auaqpi, qataq na aloq naua cameello.»

1 Samuel 1:28

Qaq aỹem ñanac cha'aye maiche iuennataxa co'ollaxa da sanot namaye Ñim Nataxala', da yaqto' nache 'eetai' naua na'axa'te da do'onataxaatacot Ñimaye.» Nache so Elí ỹa'alyiñi naua l-llecte da nqouagaxaunot Ñim Nataxala'.

Jueces 7:15

Nache so Gedeón co'ollaq hua'aqchigui se'eso nchoxonaxac qataq da naigui, nache somaye ỹataqta ỹanot Ñim Nataxala' da llo'oxonnataxanaxac. Huaña, nache ỹe'eguelaxa so lanataqa' so Israel le'ecpi, nache 'enapega, 'eeta': «¡Qoñiisheguem, qolaq cha'aye Ñim Nataxala' mashe qomi' ỹanema da qoroxonec ye madianiitapi.»