Génesis 24:15 - La'aqtaqa Ñim Lo'onatac 'Enauacna 2013

¹⁵ Qaq ñaq saxanaxa co'ollaxa da imat da nqouagaxaunaxac, nache ila'aguet aso qaño'ole, ỹaatalec na lallac aso laco'oña 'alhua. Qaq asomaye nachaso aso Rebeca maye llale so Betuel, qaq so Betuel nacheso so llalec aso Milca qataq so Najor maye lqaỹa so Abraham.

Génesis 24:15 Referans Kwoze

Génesis 11:29

Qaq so Abram, huaroneguet co'ollaxa aso Saraí, qaq so Najor, huaroneguet aso llale so Jarán, asom le'enaxat Milca, maye lqaỹa aso Isca.

Isaías 65:24

Namayepi qom saxanaxa da aỹem iỹaxana, nache Aỹem sasateguet qome, qom saxanaxa da ivirec ca ltaxaỹaxac, nache Aỹem mashe sa'axaỹa qome.

Génesis 24:45

Qaq so saxanaxa da semat da ñeqouagaxaunaxac, nache sela'aguet añi Rebeca ỹachetalec na lallac aso laco'oña 'alhua. Nache so huenongui añi nshere da nqatsheguem so 'etaxat, nache shenapega, sheeta': Ñaq aỹem 'arqouaguec qome da 'auauo'o ca ỹaquip.

Isaías 58:9

Qaq huaña nache da Aỹem 'aỹaxana nache 'am sasateguet qome, Qataq da 'aua'alaq da 'auỹaxanaique ca 'antaunaguec, nache Aỹem shenapec, qome: ‹Aja', Aỹem soota'a ne'ena.› Da 'am 'aỹa'axaañi da 'aupataqta'a't ca 'arỹa, qataq saishet da 'aunogoqchettac ca 'arỹa qataq saishet da 'anqañoxotta'a da 'auasaqteguelec cam saq 'en,

Salmos 65:2

cha'aye 'aua'axaỹa da qouagaxaunaxac. 'Enauac na huetalec ana 'alhua 'am natapegueua'a.

Salmos 34:15

Ñim Nataxala' ntela'a na shiỹaxauapi maye no'on da lataxac, qataq hua'axaỹa na natamnaxacpi.

Éxodo 2:16

Qaq se'eso na'a'q nache soua siete llale so Reuel maye ntaxaỹaxanaxanec ye Madián, soomaye naraxaama aso ñi'illoxoqui da yaqto' nỹoxosheguem so 'etaxat da nỹomaxan aso lalo qaguetapi so lta'a.

Rut 2:17

Nache aso Rut, huetalec so lanaxanaqa' so Booz da datoxootac, choche ivitta'a so mashe napalchiguiñi. Qaq co'ollaq nasola so latoc asomaye, nache somaye napactelec so veinte kilos.

Rut 2:2

Qaq huo'o so na'a'q nache aso Rut, maye Moab lashe, 'enapego' aso Noemí, 'eeta': «Aỹem 'auasheetec qome da sauga ye nanaxanaqa', shapegueto' da huo'o ca aỹem ỹasheetem da choche seca'attaueegue da yaqto' ñatota'aguet na naañi ala na nañiguishec maye qanqattac.» Nache asomaye 'enapeco': «Aja', 'aue, 'am ỹalole.»

Génesis 29:9

Qaq so Jacob co'ollaq ñaq detaqtague' somayepi, nache aso Raquel nviraxasom, no'ottalec aso qaguetapi maye lalo so lta'a, cha'aye asomaye nachaso aso ilotague' asomayepi.

Génesis 24:24

Nache asomaye ỹasat, 'eeta': «Aỹem llale ñi Betuel, ñim llalec aso Milca qataq so Najor.

Génesis 11:27

Qaq 'ana ana le'enaxat lmalate som chegoxoguetpi som Téraj, som lta'a so Abram, Najor qataq so Jarán. Qaq so Jarán, nacheso so lta'a so Lot.

Proverbios 31:27

Ỹataqta ilotegue da llecỹaxac ca lma', qataq sa ỹe'egueeta'a da chec ca saq chegaqaigui da la'añaxac.

Génesis 21:14

Qaq so lỹa na'a'q, nache no'ottasheguem so Abraham, nache ỹanem aso Agar aso nauole, qataq aso lo'oc maye lỹoxoso huetagui so 'etaxat, nache ỹacheleguete naua lallaco, qataq ỹanem asomaye so nogotolec Ismael, qaq ime nache 'enapega da jec. Qaq asomaye jec, qalaq saỹaỹaten ca dataigue, nache chochaq coleetapeguelec ye toolec 'alhua ye Berseba.

Génesis 24:14

Qaq 'onaxaic qome da aỹem 'auasheetem aca qa'añole, acam shenapega, sheeta': ‹Ñaq aỹem 'arqouaguec, 'anqaañi ana 'araco'oña 'alhua da yaqto' ñeỹomgui,› qataq aỹem ỹasateguet qome acamaye, 'eeta': ‹Aja', 'anỹom, qataq nataqa'en sanem ca laquip 'etaxat naua 'arelo cameello,› qaq no'on da nachaca qome aca 'arca'aguishe da yaqto' lhua ñi 'aramaxashec Isaac. Qaq huaña qome, nache ỹataqta 'eesa ñaqa'en da talec da 'arauotaxanaqtaic ñi ña'aco'.»

Génesis 25:20

Qaq so Isaac mashe ivi' co'ollaxa soua cuarenta vi'iye, co'ollaq huaroneguet aso Rebeca, asom llale so Betuel, qataq lqaỹa so Labán som arameo maye netaña co'ollaxa ye Padán Aram.

1 Samuel 9:11

Qaq co'ollaq mashe quetegueto som ñiguisheguem maye taỹasheguema som huaqta'a't nỹecpi, nache nateera'aguet so qa'ampi maye ñi'iguenaxaama na 'etaxat, nache inattraco' asomayepi, 'eeta': ¿Peta'a nachena ne'ena nam naña cam huo'oi naua l-loxoco?

Génesis 29:5

Nache somaye qaltaq ỹe'eguelaxalec da denataxan, 'eeta': «¿Qauauattoñi peta'a ca Labán, cam llalec so Najor?» «Nache somayepi 'enapeco': Aja', sauattonaq.»