Génesis 23:18 - La'aqtaqa Ñim Lo'onatac 'Enauacna 2013

¹⁸ somaye taỹot so Abraham da yaqto' lalamaxat. Qaq de'era ỹauaachigui 'enauac so hitiitapi, qataq som natapeuga so lasom se'eso huaqta'a't nỹecpi.

Génesis 23:18 Referans Kwoze

Jeremías 32:12

nache sanem so Baruc, som llalec so Nerías maye laual so Maseías, ỹauaachigui ñaqa'en so ihuo' le'ec Janamel, qataq soua lỹa't ỹauaatrauo maye nataqa'en nanettralec aso nere, qataq 'enauac som Judiopi maye hueta'a so nqasoxoc aso ncoñetaxanaxaqui.

Rut 4:1

Qaq co'ollaq ime de'era, nache so Booz taua'a so ñegueuo so huaqta'a't nỹecpi, nache nso'ooñi, qaq co'ollaq mashe nso'ootañi, nache nateugueye som lauo' le'ec maye ỹectega co'ollaxa somaye, nache iỹaxanapegue', 'eeta': Iỹa, ña 'auanaicna'a, 'anso'ooñi. Nache somaye anac, nache nso'ooñi.

Génesis 34:20

nache somaye jec, nnaicapegue' so lta'a Jamor, tareuga so ñegueuo so huaqta'a't nỹecpi, som huaña naxa da qaitaxaỹapigui da menaxac. Qaq huaña yemaye, nache da'aqtaxaarem so shiỹaxauapi, maye lma' yi'iye 'alhua, 'eetra':

Génesis 10:15

Qaq so Canaán, nacheso so lta'a so Sidón som hua'auchiguiñi llalec, qataq so Jet.

Génesis 23:10

Qaq so Efrón som hitiita, ye ỹalectaigui somayepi, nache ỹasateguet so Abraham, hua'aqchigui naqa'en so lauo' le'ecpi, qataq som natapeuga so lasom som huaqta'a't nỹecpi, nache 'eeta':

Génesis 23:19

Qaq co'ollaq ime de'era, nache so Abraham ilayiñi aso lhua Sara, ỹachaigui so auac maye naña ye 'alhua Macpela, maye pa'aỹa'ague da nala' lliguisheguem ye lma' so Mamre. Qaq yemaye, nataqa'en qaỹaỹaten da le'enaxat lỹa da Hebrón, maye huaigui ye 'alhua Canaán.

Génesis 25:9

Nache soua llalqa Isaac qataq Ismael, ỹacheraigui so auac maye huachiqui, som naña ye Macpela, maye pa'aigue da nala' lliguisheguem ye na'alhua so Mamre maye huaigui yem na'alhua so Efrón, som llalec so Sojar maye hitiita.

Génesis 34:24

Qaq 'enauac se'eso lapoota'a't maye hueta'a so ñegueuo so huaqta'a't nỹecpi, ỹaỹamaxareeta dam 'eetapeguec so Jamor, qataq som llalec Siquén, qaq huaña nache 'enauac so ỹalleppi da qaỹauo'o na na'anaxat na lo'oc.