Génesis 23:17 - La'aqtaqa Ñim Lo'onatac 'Enauacna 2013

¹⁷ Qaq 'era da 'eetec so na'alhua so Efrón, som huaña ye Macpela, maye pa'aigue da nala' lliguisheguem ye na'alhua so Mamre. Qaq damaye naigui, da so 'alhua qataq so auac, qataq 'enauac aso qo'oipaqpi maye netaigui se'eso 'alhua,

Génesis 23:17 Referans Kwoze

Génesis 50:13

Ime, nache somayepi ira'a ye 'alhua Canaán, nache ilayiñi ỹachaigui ñi auac maye naigui ye 'alhuolec ye Macpela, yem desheenaxana co'ollaxa so Abraham, ỹachegoxoto'ot so Efrón som hitiita da ỹauotaique lma' na maiche lalamaxat lqatacpi. Yi'iye 'alhua qataq ñi auac pa'aỹa'ague da nala' lliguisheguem ye lma' so Mamre.

Génesis 25:9

Nache soua llalqa Isaac qataq Ismael, ỹacheraigui so auac maye huachiqui, som naña ye Macpela, maye pa'aigue da nala' lliguisheguem ye na'alhua so Mamre maye huaigui yem na'alhua so Efrón, som llalec so Sojar maye hitiita.

Génesis 23:20

Qaq 'era da 'eetec, da som 'alhua, qataq so auac maye naña yemaye, da saishet da nache queta da lalamaxat som hitiitapi, nacherata da taỹot so Abraham da lalamaxat, da yaqto' lma' na lqatacpi.

Hechos 7:16

Qaq 'enauac somayepi qairo'ogue da Siquén da qailareña som 'alhua maye desheenaxana co'ollaxa so Abraham, ỹachegoxotaigui so llalaqpi so Jamor.

Colosenses 4:5

Qataq ỹataqta qanaỹaanaxanaqchiñi da qautaqaitague' nam saxanaxa da da'amqaanataxan. Ỹataqta qauqopitaxañiỹa'ape naua na'axa'te, da huo'o ca qardaqa'ai.

Efesios 5:15

Qaq ỹoqo'oye ỹataqta qauloitegue qome da qarataxaqui. Saishet da qoñiita'am cam saqca ca ỹaỹaanapec. Nachaqrata da qoñiita'am ca shiỹaxaua maye ỹataqta deuennataxaatelec da huo'o ye ỹo'ot.

Mateo 10:16

De'era no'onataxanaxac maye qami' samaxaleguete da qauo'oche, damaye huo'o da lchec. Damaye 'eeta'am aca qagueta da qaỹamaxa ca hueta'a na qalota shiguiỹacpi maye dequi'iỹapec. Qaq ỹoqo'oye qami' lhuotte' qataq qanloitec qoñiỹa'am ca na'araxanaq qalaxaye nataqa'en qami' huesote' qoñiita'am na qoto'pi.

Salmos 112:5

Ca shiỹaxaua soxoraic ỹataqta ichoxoren da huo'o ca ỹa'aalaxanaxan, qataq nalochiguiñi naqa'en da lataxac da imen ca lmenec.

Génesis 47:30

Qom ivita da ñematec da yaqto' salegoigui so hua'au ita'alpi, nache aỹem 'anqateeguesop qome na Egipto, nache aỹem 'aulayiña yem huaña aye nhuachiquipi yemayepi.» Nache so José ỹasat, 'eeta': «Aja', so'ot qome dam 'ara'aqtac.»

Génesis 25:10

Qaq se'eso 'alhua lalamaxat co'ollaxa so hitiitapi, qalaxaye desheenaxana co'ollaxa so Abraham. Qaq nacheso som qailareña so Abraham, huaqta'ai' qanqa'en aso lhua Sara.

Da na'aqtaguec so Job 38:20

¿Peta'a 'aushet da ivira'a 'anqa'en ca pa'atec loga't ana 'alhua, qaq da ime, nache 'añe'eguelaxata ca chegoqchiguiña lma'?