Génesis 22:5 - La'aqtaqa Ñim Lo'onatac 'Enauacna 2013

⁵ Qaq huaña nache so Abraham 'enapegalo' soua lamaxa'she, 'eeta': «Qoviỹa'a qome ne'ena, qauachiỹapegue' ñi 'ashena, qaq aỹem qalaq iỹatac da nogotolec da ñeqo'onaxa yi'iye 'alhua. Huaña qome nache sho'oxorenaq Ñim Lo'onatac 'Enauacna. Qaq qom ime nache ñe'eguelaxasoq.»

Génesis 22:5 Referans Kwoze

Hebreos 11:19

So Abraham ỹaỹateeta da Ñim Lo'onatac 'Enauacna da huo'o da la'añaxac da qaltaq nca'alec naqa'en ca mashe ileu. Qaq de'era naquitaxac so Abraham, nachera dam ỹo'ot da saishet da ỹalauat so llalec. Qaq de'era naigui da 'eeta'am da so Isaac qaltaq ỹe'eguelaxalec da nca'alec.

Hebreos 12:1

¡'Enauac se'eso shiỹaxauapi nagui qomi' datataua'alo da qomi' ỹachaxaategalo da lpi'iỹaxac! Qaq ỹoqo'oye naua vi'iye maye souaqtaiguilo iuen da saxanaxañi da so'otaqtac ca qarasouaxashet, nataqa'en ño'onaxataqchigui 'enauac nam saishet da qomi' ỹalemaxa't, nache semataqo'ot Ñim Lo'onatac 'Enauacna da qanaquitaxac. Cha'aye de'era achaalataxac 'eeta'am ca qomitaxac, qaq da ñe'etaxaloxo qalaq 'eeta'am da lpattapiguilo naua qarchel da saishet da qomi' ỹashenema da ñeqalgoxosoq.

Génesis 22:4

Qaq co'ollaq mashe ivi' soua tres na'axa'te, nache so Abraham ila'a som 'alhua maye qaỹachaxanapec co'ollaxa, qalaxaye ñaq qaỹoqta.

Génesis 22:6

Nache so Abraham, ỹacoosop so qo'oipaqpi maye lalonaxat aca lachetaqtaxanaqte, nache ỹachalec na lallac so Isaac, ime nache ỹacona so ỹeelonec qataq so norec, nache je'c, nnaicapega't.

Génesis 22:19

Qaq ime, nache so Abraham ỹe'eguelaxa som huetra'a soua lamaxa'she. Ime, nache 'enauaque nnaictega't da je'c, ỹe'eguelaxara ye Berseba, qaq so Abraham, nache naña co'ollaxa ye Berseba.

Éxodo 24:14

Qaq co'ollaq yaqta'a da jec, nache 'enapega so nqueroxonecpi, 'eeta': ‹Nache qoviita'a qome ne'ena, qomi' qauachiỹa'agueta, nato' qom ñe'eguelaxasoq. Da Aarón qami' no'ona'agueta qataq da Hur, qaq sa iuena'a da huo'o ca 'oonolec da qoñeeta da huo'o ca nqalaata'ai', qaq maiche naua'alo daamaye.›