Génesis 22:4 - La'aqtaqa Ñim Lo'onatac 'Enauacna 2013

⁴ Qaq co'ollaq mashe ivi' soua tres na'axa'te, nache so Abraham ila'a som 'alhua maye qaỹachaxanapec co'ollaxa, qalaxaye ñaq qaỹoqta.

Génesis 22:4 Referans Kwoze

1 Corintios 15:4

Somaye qailareñi. Qaq co'ollaq inoxoore'c soua tres na'axa'te, nache Ñim Lo'onatac 'Enauacna qaltaq nca'alaxatec.

Lucas 13:32

Qalaxaye Somaye 'enapeco': –Qauesomiỹa, qaua'aqtaxañim qome aca'aca huaxaỹaxa, qoñiita': «Nagui na na'a'q, qataq qonte' so'orauec na ne'ecpi leguemaxaicpi, qataq ñataren na sa no'onpi, qaq que'eca lỹa na'a'q, nache seme.»

Mateo 17:23

Nache Aỹem ỹalauat, qalaxaye Aỹem Shiỹaxaua Llalec qom inoxoore'c caua tres na'axa'te, nache qaltaq ñeca'alec.» Qaq co'ollaq hua'aqchigui de'era soua lapaxaguenataqa, nache ỹataqta daquicote'.

Oseas 6:2

Nache sa qaỹaloq qome da qomi' no'oite' naqa'en, qataq sa qaỹaloq qome da qomi' nauaxaỹaxaayeshegue'm da yaqto' ñachaataqto'ot Ñimaye.

Ester 5:1

Qaq co'ollaq inoxoore'c soua tres na'axa'te, nache aso Ester, ỹaayiñi soua alogo da nate'e, nache jec, taua'a so qasoxoc pa'aỹauo se'eso nma' lta'araic, qaq vi'iiguet co'ollaq ivita so nỹec maye hueta'a so nta'a nso'ootañi, nso'ootangui aso nso'onaxaqui maye datateuga so lasom.

2 Reyes 20:5

«Ñaq 'avi'eguelaxauo, nache qonapega ñi Ezequías maye lataxala' ne'ena ỹalamaxat nhuo' le'ecpi, nache qoneta': Ñim Nataxala' maye Natamnaxala' som hua'au 'arta'a David, 'eeta': ‹Aỹem sa'aqchigui so 'anatamnaxac qataq sauaachiguilo naua 'arache'. Qaq nagui 'am ñataren, ỹoqo'oye qom inoxoorec caua tres na'axa'te, nache ishet qome da 'anqo'oneua'a añi atamnaxaqui maye lalamaqte Ñim Nataxala'.

1 Samuel 26:13

Ime, nache so David taitague da le'ego so ca'amegue, nache tasheguemec ana lmilo aso qasoxonaxa nache qaỹoqta so hueta'a somayepi.

Josué 1:11

«Qanqo'oñiỹa qome 'enauac nam lanataqa'pi na nhuo' le'ecpi, nache qauamaqailec de'era, 'eeta': ‹Qauqataxañiitai' 'enauac ca npe'lpi qataq cam qanallecpi. Cha'aye qom ñaq nte'etom ca lỹa na'a'q, nache sa'axasoxonaxalec qome so tala Jordán, da yaqto' sonaqalec yi'iye 'alhua maye qomi' ỹanema Ñim Nataxala' maye Qanatamnaxala' da yaqto' ỹataqta qaralamaxat.›»

Números 31:19

Qataq 'enauac de'era qoñiita da huo'o ca dalaataxan, huo'otaq ỹasheltapigui ca leuaxaic, nache pa'atauga qome qanqa'eñi na pa'auec na qoñiitaña nanataqa' ivittrec caua siete na'axa'te. Qaq ca na'a'q tres, qataq ca na'a'q siete, nache qami' qataq na qoroxoñiqui, qanqui'itaxacheeta qome.

Números 19:19

Qataq que'eca shiỹaxaua maye qui'itta da lataxac, camaye ichegoxolec nataqa'en ca shiỹaxaua maye saishet da qui'itta da lataxac, ca na'a'q tres qataq ca na'a'q siete. Qaq ca na'a'q siete nache mashe qui'itta naqa'en que'eca shiỹaxaua, qalaxaye que'eca shiỹaxaua maye saishet da qui'itta da lataxac iuen da iỹoi' caua alogo qataq nachel, qalaxaye saxanaxa da qui'itta ivitta'a da pe.

Números 19:12

Nache camaye nqui'itaxaala't ca na'a'q tres, nachelgui que'eca 'etaxat, qaq ca na'a'q siete nache qui'itta. Qaq da huo'otaq saishet da nỹo que'eca na'a'q tres, nache camaye saishet da qui'itta da lataxac ca na'a'q siete.

Números 10:33

Huaña co'ollaxa, nache so Israel le'ecpi, ca'ai añi qasoxonaxa maye lalamaqte Ñim Nataxala', nache tres na'axa'te soua lqueuoxoqui'. Qataq qaica'attaueegue aso arca maye laỹe' da naỹamaxataxac Ñim Nataxala', nache qanmittaique ca huaña da qanayeua'a.

Levítico 7:17

Qalaxaye da ivirauga ca na'a'q tres, da ñaq huo'o ca no'onañi lapat aca nachetaqtaxanaqte, nache camaye iuen da qaỹalat qataq qaỹavigaxat.

Éxodo 19:15

Nache so Moisés 'enapeco': «Qanaỹamaxacheetai' qome, yaqto' qami' lhuotte' qonte', qataq ca lỹa na'a'q, qataq saishet qome da huo'o ca hue'eguet aca 'alo».

Éxodo 19:11

qataq naỹamaxatta'aguet ca lỹa na'a'q, cha'aye nache huaigui da Aỹem Nataxala' senotec qome, sachiguiña añi qasoxonaxa Sinaí, qaq Nachaỹem ỹauaachigui qome 'enauac ye shiỹaxauapi.

Éxodo 15:22

Nache so Moisés ca'ai naqa'en so Israel le'ecpi aso Auaxai Togaxarai, nache somayepi nqo'ona ye toolec 'alhua Shur, nache ivi' soua tres na'axa'te da quetalec so toolec 'alhua, qalaq saishet da ỹanata ca 'etaxat.

Éxodo 5:3

Nache soomaye 'ena'apo': «Ñim Lo'onatac 'Enauacna maye Natamnaxala' na hebreopi, anac da qomi' itaua'n. Qaq ỹoqo'oye qomi' ñeqo'onaxa ye toolec 'alhua, qaq yemaye ivi' caua tres na'axa'te da qarqueuoxoc, qaq da sevitaxa nache savigaxataq aca qarachetaqtaxanaqte da sanqot Ñimaye, cha'aye da sa so'otaq damaye, nache saiueno'o' da qomi' iuaxaneque na nalolaxasat da qomi' ỹalaua't, huo'otaq souaqaigui ca alaataxac.»

Génesis 22:3

Qaq so nte'etom so lỹa na'a'q, nache so Abraham ñesheguem, nache ỹo'oolec so lalo 'ashena, qataq iquesoq so qo'oipaqpi da yaqto' lalonaxat acam lachetaqtaxanaqte, nache jec da nqo'ona so 'alhua maye ỹachaxana Ñim Lo'onatac 'Enauacna, qaq nache lỹatac so Isaac, qataq soua dos lamaxa'she.

Génesis 22:5

Qaq huaña nache so Abraham 'enapegalo' soua lamaxa'she, 'eeta': «Qoviỹa'a qome ne'ena, qauachiỹapegue' ñi 'ashena, qaq aỹem qalaq iỹatac da nogotolec da ñeqo'onaxa yi'iye 'alhua. Huaña qome nache sho'oxorenaq Ñim Lo'onatac 'Enauacna. Qaq qom ime nache ñe'eguelaxasoq.»