Génesis 22:3 - La'aqtaqa Ñim Lo'onatac 'Enauacna 2013

³ Qaq so nte'etom so lỹa na'a'q, nache so Abraham ñesheguem, nache ỹo'oolec so lalo 'ashena, qataq iquesoq so qo'oipaqpi da yaqto' lalonaxat acam lachetaqtaxanaqte, nache jec da nqo'ona so 'alhua maye ỹachaxana Ñim Lo'onatac 'Enauacna, qaq nache lỹatac so Isaac, qataq soua dos lamaxa'she.

Génesis 22:3 Referans Kwoze

Salmos 119:60

Nache ỹataqta seỹalapigui', saishet da ñaỹaloxon, da yaqto' sepacchiguilo naua 'aramaxasoxonaxaco.

Mateo 10:37

Ca ỹactec da ỹauotec ca lta'a, huo'otaq aca late'e, da saq 'ena'am naqa'en Aỹem da lauoche, huo'otaq cam ỹactec da ỹauotec ca llalec, huo'otaq aca llale, da saq 'ena'am naqa'en Aỹem da lauoche, nache camaye saishet da ỹalamaxat.

Lucas 14:26

–Saishet da ỹapaxaguenatac ca Aỹem naua'a, da huo'otaq ỹapagaqnauec da ỹauotec ca lta'a, huo'otaq aca late'e, lhua, qataq ca llalaqpi, lqaỹañecpi ỹalleppi qataq 'alpi. Nachaqcata ca ỹactec da Aỹem ỹauotec, saq 'ena'am da maiche nachaalataxac, qaq nacheca ca ỹapaxaguenatac.

Eclesiastés 9:10

Qataq 'enauac nam ishet da 'auo'ot, qalaq ỹataqta 'anasapattelec qome da 'auo'ot, cha'aye añi huachiqui maye 'aỹa'a, qaica ca no'onataxanaxac, qataq qaica ca qaiuennatega da qaỹo'ot, qataq qaica ca nauattonaxanaxac qataq ca naỹaanec.

Génesis 21:14

Qaq so lỹa na'a'q, nache no'ottasheguem so Abraham, nache ỹanem aso Agar aso nauole, qataq aso lo'oc maye lỹoxoso huetagui so 'etaxat, nache ỹacheleguete naua lallaco, qataq ỹanem asomaye so nogotolec Ismael, qaq ime nache 'enapega da jec. Qaq asomaye jec, qalaq saỹaỹaten ca dataigue, nache chochaq coleetapeguelec ye toolec 'alhua ye Berseba.

Génesis 17:23

Qaq nacheso se'eso na'a'q, da so Abraham ỹauo'o so na'anaxat na lo'oc so llalec Ismael, qaq nataqa'en ỹauo'o so na'anaxat na lo'oc 'enauac so l-latacpi maye lañoqo' so lma', qataq som lsheenaxanaxatpi somaye. Qataq 'enauac so ỹalleppi maye netaña so lma' qataq do'onataxaatacot, nataqa'en ỹauo'o so la'anaxat na lo'oc, nache ipacchigui dam ỹamaxalec co'ollaxa Ñim Lo'onatac 'Enauacna.

Hebreos 11:8

So Abraham huo'o da lpi'iỹaxac Ñim Lo'onatac 'Enauacna, ỹoqo'oye ỹalaxaguet Ñimaye co'ollaq 'enapega da ca'ai ye na'alhua da taỹa ca lỹa 'alhua maye ỹami' Ñimaye, nache so Abraham ỹalaq na'aictaxa da saishet da ỹoqta ỹaỹateeta cam taỹa'ague.

Génesis 22:2

Nache Ñim Lo'onatac 'Enauacna, 'enapego' somaye, 'eeta': «'Auacona qome ñi Isaac ñim 'oonolec 'aỹa'alec, ñim ỹataqta 'arauotaxat. Nache 'anqo'ona ye 'alhua Moriah. Qaq qom 'avita yemaye, nache 'auavigaxat aca 'arachetaqtaxanaqte da Aỹem 'aỹa'anot, huaña 'anqa'en aca qasoxonaxa maye 'am sachaxana qome.»

Génesis 22:4

Qaq co'ollaq mashe ivi' soua tres na'axa'te, nache so Abraham ila'a som 'alhua maye qaỹachaxanapec co'ollaxa, qalaxaye ñaq qaỹoqta.

Génesis 22:18

qaq 'enauac na ỹotta'a't shiỹaxauapi maye huetalec ana 'alhua, huo'o qome da nchoxonnataguec chegoqchigui camayepi, souaxat da aỹem 'aualaxaguet.»

Josué 8:10

Qaq so lỹa na'a'q, nache so Josué no'ottasheguem, nache naloqchiiñi so nalleppi. Huaña nache somaye hua'autec da yaqto' qaỹatalec, nnaictague' so nqueroxonecpi lataxala'pi so Israel le'ecpi, nache nqo'ona ye Ai da iloquiaxan.

Josué 3:1

Qaq co'ollaq ñaq nte'etom so lỹa na'a'q, nache so Josué qataq 'enauac so Israel le'ecpi ca'ai ye Sitín, nache co'ollaq ivita so tala Jordán, qaq saishet da nache ỹa'axasoxoolec, nacherata da hua'a da nmataqa' so loigue.