Génesis 22:23 - La'aqtaqa Ñim Lo'onatac 'Enauacna 2013

²³ Qaq so Betuel, nacheso so lta'a aso Rebeca. Qaq 'esoua soua ocho llalqa aso Milca, co'ollaq deco'oiguet so Najor som lqaỹa so Abraham.

Génesis 22:23 Referans Kwoze

Génesis 24:15

Qaq ñaq saxanaxa co'ollaxa da imat da nqouagaxaunaxac, nache ila'aguet aso qaño'ole, ỹaatalec na lallac aso laco'oña 'alhua. Qaq asomaye nachaso aso Rebeca maye llale so Betuel, qaq so Betuel nacheso so llalec aso Milca qataq so Najor maye lqaỹa so Abraham.

Romanos 9:10

Qaq damaye saishet da nachaqrata, cha'aye nataqa'en soua dos llalqa aso Rebeca, soomaye lta'a' som hua'au qarta'a Isaac. Qaq Ñim Lo'onatac 'Enauacna lca'aguishec so 'oonolec da ỹauotaique da ỹachegoxotchigui na lalamaxatpi. Cha'aye co'ollaq soomaye da saxanaxa da ñiyiñi, nache saxanaxa da huo'o ca 'oonolec soomaye da huo'o ca ỹo'ot da no'on huo'otaq ca qauem. Qalaxaye Ñim Lo'onatac 'Enauacna, mashe da'aqtaxanem aso Rebeca da som ỹe do'onataxanot qome so na'asa. Qaq de'era ỹachaxan da Ñimaye, maicheye ca taalec da lca'aguishec cam nateeteguet dam 'eetapeguec. Qaq ỹoqo'oye da huo'o ca lca'aguishec Ñim Lo'onatac 'Enauacna, qaq saishet da ilotagui ca 'eetec ca ỹo'ottac.

Génesis 28:5

Qaq 'era da 'eetec so Isaac, da ỹamaxa co'ollaxa so Jacob ye Padán Aram, yem lma' so Labán som llalec so Betuel, som arameo maye lqaỹa aso Rebeca asom late'e so Jacob qataq so Esaú.

Génesis 28:2

Qojec qome, 'anqo'ona ye Padán Aram yem lma' ca 'arapi' Betuel, qaq huaña qome yemaye nache 'auaroneguet aca 'oonole llale ca 'antesoqo' Labán.

Génesis 25:20

Qaq so Isaac mashe ivi' co'ollaxa soua cuarenta vi'iye, co'ollaq huaroneguet aso Rebeca, asom llale so Betuel, qataq lqaỹa so Labán som arameo maye netaña co'ollaxa ye Padán Aram.

Génesis 24:67

Qaq ime, nache so Isaac, ỹauegueua'a aso Rebeca, so lpe'l aso late'e Sara, qaq nache huaroneguet asomaye. Qaq so Isaac ỹataqta ỹauotec aso Rebeca. Qaq huaña, nache huesogui da laquicoxo so Isaac, souaxato' da l-leuaxa aso late'e.

Génesis 24:60

Nache qoỹaalec so no'on na'aqtac aso Rebeca, maye 'eeta': «'Am qarqaỹole, ¡nache'am qome, da 'am late'e ca ỹataqta qalota shiỹaxauapi! ¡Cam 'am chegoxoguetpi qalaq loxonec qome cam huaqta'a't nỹecpi maye lalamaxat ca npa'aguenaxauapi!»

Génesis 24:51

Qaq 'ara, aram Rebeca, 'auauec qome aramaye. Qaq nachara qome ara lhua ca llalec cam 'ana'aco', qaq nache ipacchigui qome da la'aqtac Ñim Nataxala'.»

Génesis 24:47

Qaq ime, nache senat añimaye, sheeta': ¿Chaq negue't ca 'am llale? Nache añimaye aỹem ỹasateguet, 'eeta': Qomye aỹem llale so Betuel, som llalec so Najor qataq aso Milca. Qaq huaña, nache sanagui na lmic añimaye aso chiguishaqte, qataq sanaguilo naua lhua'q soua dos nhuaxa'she,

Génesis 24:24

Nache asomaye ỹasat, 'eeta': «Aỹem llale ñi Betuel, ñim llalec aso Milca qataq so Najor.

Génesis 11:29

Qaq so Abram, huaroneguet co'ollaxa aso Saraí, qaq so Najor, huaroneguet aso llale so Jarán, asom le'enaxat Milca, maye lqaỹa aso Isca.

Génesis 22:22

Ime co'ollaxa, nache qaltaq ñiguiyiñi soua Quesed, Jazó, Pildas, Yidlaf, qataq so Betuel.

Génesis 22:24

Qaq so Najor, nataqa'en huo'oi soua llalqa maye late'e' aso Reúma, asom ỹaqauga lhua somaye. Qaq soomaye le'enaxa't da Teba, Gaján, Tajás qataq Macá.