Génesis 22:20 - La'aqtaqa Ñim Lo'onatac 'Enauacna 2013

²⁰ Qaq co'ollaq mashe qaỹoqtegue de'era, nache so Abraham, la'axaỹaxac co'ollaxa da aso Milca nataqa'en huo'oi soua llalqa da deco'oiguet so Najor.

Génesis 22:20 Referans Kwoze

Génesis 11:29

Qaq so Abram, huaroneguet co'ollaxa aso Saraí, qaq so Najor, huaroneguet aso llale so Jarán, asom le'enaxat Milca, maye lqaỹa aso Isca.

Génesis 24:24

Nache asomaye ỹasat, 'eeta': «Aỹem llale ñi Betuel, ñim llalec aso Milca qataq so Najor.

Proverbios 25:25

Qataq 'eeta'am da qanỹomigui na 'etaxat atom da qailem na naquip, da 'eetec da nvi' ca no'on na'axaỹaxac maye chegaqa'a ca qaỹoqta 'alhua.

Génesis 31:53

Qaq maiche qomi' nmi't qome Ñim Natamnaxala' so 'arapi' Abraham, qataq som ỹapi' Najor. Qaq huaña, nache so Jacob ỹanot so la'aqtac Ñim Lo'onatac 'Enauacna maye natameetacot co'ollaxa so lta'a Isaac.

Génesis 24:15

Qaq ñaq saxanaxa co'ollaxa da imat da nqouagaxaunaxac, nache ila'aguet aso qaño'ole, ỹaatalec na lallac aso laco'oña 'alhua. Qaq asomaye nachaso aso Rebeca maye llale so Betuel, qaq so Betuel nacheso so llalec aso Milca qataq so Najor maye lqaỹa so Abraham.

Génesis 24:10

Qaq ime, nache ỹaconeua'alo soua diez aso cameellopi maye lalamaqte so na'aco', nache jec, qaq ỹache 'enauac som ỹataqta no'on nachetaqtaxanaxatpi maye chegoqo'ot so na'aco'. Qaq co'ollaq ivita ye Najor, maye huaigui ye 'alhua Mesopotamia,

Génesis 11:26

Qaq so Téraj mashe ivi' co'ollaxa soua setenta vi'iye da nachaalataxac, co'ollaq huo'oi soua llalqa: Abram, Najor qataq so Jarán.

Génesis 22:21

Qaq so hua'auchiguiñi da ñiguiñi le'enaxat Uz, ime, qaltaq ñiguiyiñi soua lqaỹa't Buz, qataq so Kemuel, som lta'a so Aram.

Génesis 11:27

Qaq 'ana ana le'enaxat lmalate som chegoxoguetpi som Téraj, som lta'a so Abram, Najor qataq so Jarán. Qaq so Jarán, nacheso so lta'a so Lot.

Génesis 15:1

Qaq co'ollaq ime de'era, nache Ñim Nataxala' detaxaỹot so Abram, huaigui naqa'en so lauanaqchec, 'eeta': «Abram, saishet da 'añi'i, cha'aye aỹem 'arpaqtaxanaxat. Ca 'ansheetenaguec ỹataqta lta'araic qome.»