Génesis 22:2 - La'aqtaqa Ñim Lo'onatac 'Enauacna 2013

² Nache Ñim Lo'onatac 'Enauacna, 'enapego' somaye, 'eeta': «'Auacona qome ñi Isaac ñim 'oonolec 'aỹa'alec, ñim ỹataqta 'arauotaxat. Nache 'anqo'ona ye 'alhua Moriah. Qaq qom 'avita yemaye, nache 'auavigaxat aca 'arachetaqtaxanaqte da Aỹem 'aỹa'anot, huaña 'anqa'en aca qasoxonaxa maye 'am sachaxana qome.»

Génesis 22:2 Referans Kwoze

Juan 3:16

Cha'aye Ñim Lo'onatac 'Enauacna ỹataqta lta'araic da lauotaxanaqtaic na shiỹaxauapi ana 'alhua, nache ỹan na 'oonolec Llalec. Yaqto' 'enauac nam ỹa'amaqten namaye saishet da ileu, nachaqrata da huo'o da lca'alaxa maye chochaq tatec.

Romanos 8:32

Cha'aye Ñimaye qomi' ỹanema so lalamaxat Llalec co'ollaxa. Qaq da qomi' ỹanema So Llalec, nache nataqa'en qomi' ỹanema 'enauacna.

Hebreos 11:17

So Abraham huo'o da lpi'iỹaxac Ñim Lo'onatac 'Enauacna co'ollaq Ñimaye ỹe'eguen da huo'otaq ỹalaq somaye huo'otaq saishet. Ỹoqo'oye so Abraham ỹauec so Isaac da ỹalauat da yaqto' ỹavigaxat da ỹanot Ñim Lo'onatac 'Enauacna, saishet da ỹectega da 'oonolec llalec. Huo'otaq da 'eetega da nacheso som ỹachaxanapecot co'ollaxa Ñim Lo'onatac 'Enauacna,

Génesis 22:16

nache 'enapega, 'eeta': «Ñim Nataxala' 'enapec: Qaq cha'aye 'auo'ot de'era, qataq saishet da aỹem 'aullapeguem ñi 'oonolec 'aỹa'alec, qaq nagui san da ỹa'aqtac,

Génesis 17:19

Nache Ñim Lo'onatac 'Enauacna ỹasateguet somaye, 'eeta': «Qalaxaye aỹem mashe shenapec da añi 'arhua Sara huo'o qome ca llalec, qaq camaye 'aỹa'anagui qome da le'enaxat Isaac. Qaq camaye, qataq cam chegoxoguetpi, nache chegoqchigui qome dam llapaxañi ñaỹamaxataxac maye chochaq tatec.

2 Reyes 3:27

Huaña, nache somaye ỹaconeua'a so la'auaxanec llalec, som talec taxa da lo'onataxanaxac da nta'a, nache ỹaneuo da lachetaqtaxanaxat qaỹavigaxatta, hualec naqa'en na pa'asheguem so npaqtaxanaxat. Qaq de'era nachera da ỹo'ot da ỹataqta lta'araic lli'iỹaxa so Israel le'ecpi. Nache somayepi jec co'ollaxa, ỹe'eguelaxa ye na'alhua.

Génesis 22:12

Nache so namaxashec piguem le'ec, 'enapega somaye, 'eeta': «Saishet qome da huo'o ca qona'ac na nogotolec, cha'aye mashe saỹaten da 'am ỹataqta huo'o naq 'enec 'anqa'en Ñim Lo'onatac 'Enauacna, cha'aye qaica ca 'ectega da aỹem 'aỹa'anot na 'oonolec 'aỹa'alec.»

2 Crónicas 3:1

So Salomón ỹacoolec co'ollaxa da no'oxoosheguem aso atamnaxaqui maye lalamaqte Ñim Nataxala', ỹanaña añi qasoxonaxa Moria maye naña ye Jerusalén, yem huaña co'ollaxa da Ñim Nataxala' nachaxana so David, maye lta'a somaye, nache ỹaachiguiña yem lchegoxosoxonqa' co'ollaxa da ichegoq na trigo so Ornán, som jebuseo, yem iqataxanai' co'ollaxa so David, da ñichiguiña naqa'en asomaye.

Jueces 11:39

Qaq co'ollaq mashe inoxoorec se'esoua dos ca'agoxoiqa, nache asomaye ñe'eguelaxaua'a ye hueta'a so lta'a. Nache somaye ipacchigui da ỹo'ot so la'aqtac maye ỹanot co'ollaxa Ñim Nataxala'. Qaq asomaye saxanaxa da ỹauana ca ỹale.

Jueces 11:31

nache qom ñe'eguelaq da mashe sauegaxan que'eca alaataxac, nache cam na'autec da chegoqteua'a ñi ima' da aỹem ca'atta'aguet, nacheca qome ca 'am sanot da savigaxat ỹachetaqtaxanaxat.»

Génesis 21:12

Qalaxaye Ñim Lo'onatac 'Enauacna, 'enapego' so Abraham, 'eeta': –«Saishet qome da 'auaquico souaxat ñim nsoqolec qataq añi 'arlata. Qaq 'auo'ot qome da lquiquiaxac añi Sara, cha'aye ca 'am chegoxoguetpi, nache chegoqchigui qome ñi Isaac.

Romanos 5:8

Qalaxaye na'aictaxa da qomi' ñaq souaqtaigui co'ollaxa da qaye'etaxaloxo, qalaxaye Ñim Lo'onatac 'Enauacna ỹachaxan da lta'araic lsoxoyec, nache qomi' namaxalo So Jesucristo da yaqto' qomi' ileualeguete.

Miqueas 6:7

¿Peta'a machiguiñi naqa'en Ñim Nataxala' da sanot ca mil qagueta lhuaraicpi, huo'otaq da sanot ca diez mil la'auaxac na aceite? ¿Huo'otaq da sanot ca ỹalec ỹe souaxat da sa salaq qataq souaxat na ỹasouaxashetpi?

Génesis 8:20

Qaq ime co'ollaxa, nache so Noé ỹo'ot aso lca'atoxonaxalate, da yaqto' ỹo'oxoren Ñim Nataxala', nache ỹaconeua'a so shiguiỹacpi qataq so maỹopi maye qui'itta, ỹacootaua'a ñi 'oonolec se'eso ỹotta'a'tpi, nache ỹavigaxat ỹauo'o lachetaqtaxanaqte da ỹanot Ñim Nataxala'.

Génesis 22:3

Qaq so nte'etom so lỹa na'a'q, nache so Abraham ñesheguem, nache ỹo'oolec so lalo 'ashena, qataq iquesoq so qo'oipaqpi da yaqto' lalonaxat acam lachetaqtaxanaqte, nache jec da nqo'ona so 'alhua maye ỹachaxana Ñim Lo'onatac 'Enauacna, qaq nache lỹatac so Isaac, qataq soua dos lamaxa'she.

Génesis 22:9

Qaq co'ollaq ivitra som 'alhua maye ỹecapiguiña Ñim Lo'onatac 'Enauacna, nache so Abraham, ỹo'ot aso lca'atoxonaxalate, qataq ỹachalec asomaye so qo'oipaqpi. Qaq ime, nache ỹauo'o so lquet da icoñera't naua lhuaxaye qataq naua lapia'ate so llalec Isaac, nache ỹasaxalec aso lca'atoxonaxalate, ỹachalec so qo'oipaqpi.

Génesis 21:3

Qaq so Abraham ỹanagui da le'enaxat Isaac so llalec aso Sara,