Génesis 22:17 - La'aqtaqa Ñim Lo'onatac 'Enauacna 2013

¹⁷ da 'am saalec qome ca ỹataqta lta'araic ichoxonnataxanaxa. Aỹem so'ot qome da ỹataqta qalota ca 'am chegoxoguetpi, 'eeta'am ana huaqaañipi maye neto'ot na piguem, qataq 'eeta'am na lsoche na 'alhua maye hueto'ot na loigue aso auaxai. Qataq camayepi saq ỹet qome da loxonec ca mpa'aguenaxauapi,

Génesis 22:17 Referans Kwoze

Génesis 15:5

Qaq huaña, nache Ñim Nataxala' ỹauegueuga so pa'auec so Abram, nache 'enapega, 'eeta': «Ña 'auamato'ot na piguem, nache 'analoqten ana huaqaañipi, shapegueto' 'aushet da 'analoqten. Cha'aye 'era da 'eetec ye lcata qome ca 'aỹa'alaqpi.»

Jeremías 33:22

Qaq nam chegoxoguetpi som ỹamaxashec David, qataq nam ỹamaxashecpi maye chegoxoguet so Leví, so'ot da ỹataqta qalota qome namayepi, 'eeta'am ana huaqaañi maye hueto'ot na piguem, qataq 'eeta'am na delec maye hueto'ot na loigue aso auaxai, da qaica ca ishet da naloqten.»

Génesis 13:16

Aỹem so'ot qome da ỹataqta qalota camayepi, 'eeta'am na lsoche na 'alhua. Qaq da 'eetec da saishet da qanaloqten na lsoche na 'alhua, qaq nache 'eetec qome da saishet da qanaloqten ca 'am chegoxoguetpi.

Génesis 26:4

Qaq so'ot qome da ỹataqta qalota, ca 'am chegoxoguetpi, 'eeta'am ana huaqaañipi maye neto'ot na piguem, qataq sanem qome camayepi, 'enauac ne'ena 'alhua. Qaq nataqa'en nam ỹotta'a't shiỹaxauapi maye netalec ana 'alhua, huo'o qome da nchoxonnataguec, chegoqchigui cam 'am chegoxoguetpi,

Génesis 24:60

Nache qoỹaalec so no'on na'aqtac aso Rebeca, maye 'eeta': «'Am qarqaỹole, ¡nache'am qome, da 'am late'e ca ỹataqta qalota shiỹaxauapi! ¡Cam 'am chegoxoguetpi qalaq loxonec qome cam huaqta'a't nỹecpi maye lalamaxat ca npa'aguenaxauapi!»

Apocalipsis 11:15

Nache so pa'atec soua siete namaxa'she piguem lashe', ỹashiiyigui aso lasheere, nache na piguem chemqot so ỹataqta lamaxaraic nvilỹaxac, 'eeta': «Ñim Qarta'a maye Lo'onatac 'Enauacna qataq Ñi Lca'aguishec, mashe ilo'ogue 'enauac ana 'alhua. Qaq da lo'onataxanaxac, damaye chochaq tatec.»

Efesios 1:3

Sanqot da qana'achecỹaxac Ñim Lo'onatac 'Enauacna Ñim Lta'a So Qarataxala' Jesucristo, cha'aye nagui da ña'araqtaua'a So Cristo, nache Ñimaye qomi' ỹanema na ỹotta'a't lqouagaxanaqtaiguesat maye chegoqo'ot So Saqcha'a Na'añaxac Qui'itta.

Deuteronómio 1:10

Cha'aye Ñim Nataxala' maye Qanatamnaxala'ai, ỹataqta qalota naqa'en na qoyalquipi, 'eeta'am ye lcata ana huaqaañipi na piguem.

Génesis 32:12

Qaq 'Am, ỹataqtegue co'ollaxa da 'ara'aqtac, da qaica camachaqca 'anqa'en da ỹecỹaxac, qataq cam aỹem chegoxoguetpi, ỹataqta qalota 'eeta'am na lsoche na 'alhua maye huo'ot na loigue aso auaxai, maye saqaivi' da qanaloqten.»

1 Corintios 15:57

Qalaxaye sanaqot da qana'achec Ñim Lo'onatac 'Enauacna da qomi' ỹanema da ishet da sauegaxanaq, chegoqchigui naqa'en So Qarataxala' Jesucristo.

Jeremías 32:22

Nache 'aỹa'anem na Israel le'ecpi ne'ena 'alhua, maye na huaca lche' qataq na dapic lli'i, ipa'axanec 'eeta'am ca 'etaxat, ipacchigui dam 'auachaxanapeguem co'ollaxa som hua'au lta'alpi namayepi.

Miqueas 1:9

Cha'aye da lque'emaxa ye Samaria ỹataqta qaica ca lata' nache ivira'a ye Judá, qataq ivitta'a ye Jerusalén, yem hueta'a nam ỹalamaxat ihuo' le'ecpi.

1 Reyes 9:26

Qaq so nta'a Salomón nataqa'en ỹo'ot co'ollaxa aso notaxaquipi da qanayiguingui na 'etaxat, huaña ye Ezión Guéber, maye huaqta'ai' ye Elat, yem loigue aso Auaxai Togaxarai, ye 'alhua Edom.

Deuteronómio 21:19

nache ca lta'a qataq aca late'e camaye, ỹauegueua'alo ca nqueroxonecpi maye netaña ca ñegueuo ca huaqta'a't nỹecpi,

Génesis 28:3

Qaq Ñim Lo'onatac 'Enauacna maye Qaica ca Ỹaqalanapec, 'am ỹasaxalec qome ca lchoxonnataxanaxa, qataq 'am ỹanem cam qalota maye 'am chegoxoguetpi, yaqto' nache 'am chegoqchigui qome ca qalota ỹotta'a't shiỹaxauapi.

Génesis 17:6

Aỹem so'ot qome da ỹataqta qalota ca 'am chegoxoguetpi, qataq nache 'am chegoqchigui ca nta'alpi, qataq ca ỹotta'a't shiỹaxauapi.

Génesis 12:2

Qaq sachegoxotchigui qome cam 'am chegoxoguetpi, da sauo'o ca qalota shiỹaxauapi, 'am sanem qome da ỹoqouagaxanaqtaic, qataq sauo'o qome ca 'ayo'oxoyec, qataq 'am chegoqchigui qome ca nchoxonnataguec na laỹepi shiỹaxauapi.

Romanos 4:13

Ñim Lo'onatac 'Enauacna ỹachaxanapecot so Abraham qataq na llalaqpi da ỹami' 'enauac ana 'alhua. Qalaxaye de'era ỹachaxanapec saishet da chegoqchigui da souaxat da ỹalaxalec nam namaxasoxonaxacpi so Abraham. Maye souaxat da somaye huo'o da lpi'iỹaxac Ñim Lo'onatac 'Enauacna. Nache Ñimaye ỹaỹamaxareeta somaye, nache ỹamata'ac da no'on shiỹaxaua.

Romanos 9:27

Nataqa'en so na'aqtaxanaxanec Isaías co'ollaq detaxaỹa na Israel le'ecpi qalaq 'eeta': «Na'aictaxa da ỹataqta qalota na Israel le'ecpi da 'eeta'am na lsoche na delec maye hueto'ot na loigue aso auaxai, qalaxaye saq 'amaqtaq cam qanca'alaxatec.

Hebreos 11:12

Qaq ỹoqo'oye so Abraham, na'aictaxa da mashe yaqta'a da ivita ca laloqo' da nachaalataxac, qaq nache 'ena'am ivira'a da qalota so llalaqpi, 'eeta'am ana huaqaañipi maye neto'ot na pa'asheguem, qataq 'ena'am na delec maye hueto'ot na loigue aso auaxai. ¡Qaica ca ishet da naloqten!

Génesis 25:11

Qaq co'ollaq mashe ileu so Abraham, nache Ñim Lo'onatac 'Enauacna, ỹaalec da lchoxonnataxanaxa so Isaac, maye naña co'ollaxa yem sa qaỹapeque aso nshere maye le'enaxat «Ñim nca'altauec qataq aỹem ila'a.»

Génesis 26:24

Qaq nacheso, se'eso pe da Ñim Nataxala', nachaxana somaye, nache 'enapega, 'eeta': «Aỹem, nachaỹem Natamnaxala' so 'arta'a Abraham. Saishet qome da 'añi'i, aỹem 'am soota'aguet. Qaq souaxat so ỹamaxashec Abraham, nache 'am saalec qome da ichoxonnataxanaxa, qataq qalota ñaqa'en ca 'am chegoxoguetpi.»

Génesis 28:4

Qataq 'am ỹanem qome, qataq nataqa'en ca 'am chegoxoguetpi da lchoxonnataxanaxa maye ỹachaxanapeguem co'ollaxa so Abraham, da yaqto' lalamaxat ne'ena 'alhua maye souaqta'a nagui, da 'eeta'am da sachegoxosoqauec, cha'aye Ñimaye ỹachaxanapeguem co'ollaxa so Abraham.»

Deuteronómio 10:22

Qaq so hua'au qarta'ailpi co'ollaq nvita ye Egipto, nache somayepi ivi' setenta ye lcata, qaq nagui Ñim Nataxala' ỹataqta nquicapeguec naqa'en ye lcata namayepi, 'eeta'am ana huaqaañipi maye neto'ot na piguem.

Deuteronómio 13:17

Qataq saishet qome da huo'o ca qauacoñiỹa ca mashe qoỹan da qanlaxaañi. Yaqto' Ñim Nataxala' saishet da qami' taleguete da layeloxo, nacherata da qami' ichoxore'n, nache qalota naqa'en ca qaỹa'alquipi, cha'aye nachera co'ollaxa da la'aqtac Ñimaye, maye ỹanem co'ollaxa so hua'au qarta'ailpi.

1 Crónicas 27:23

Qaq so David, saishet co'ollaxa da ỹo'ot aso le'enaxat lmalate som saxanaxa da ivi' naua veinte vi'iye da nachaalataxac, cha'aye Ñim Nataxala', ỹan co'ollaxa da la'aqtac da nquigaxatec na Israel le'ecpi, 'eeta'am naqa'en ye lcata ana huaqaañipi na piguem.

2 Crónicas 1:9

Qaq nagui, 'Am Nataxala' maye 'Aro'onatac 'Enauacna, ña 'aupacchigui qome na 'ara'aqtacpi maye 'aỹa'anem co'ollaxa so ita'a David, cha'aye 'am, aỹem 'aỹa'anem da nta'a, da selo'ogue na ỹataqta qalota nhuo' le'ecpi maye 'eeta'am na lsoche ana 'alhua.

Oseas 1:10

Qalaxaye ñaqaiyeta ne'ena Israel le'ecpi ỹataqta qalota qome, nache 'eeta'am na coma' lsoche maye auaxai le'ec, nache qaica ca ishet da naloqten ca tachiguiña qataq ye lcata namayepi. Qaq qom qoỹeeta': «Qami' saishet da qami' ỹalamaxatpi», qalaxaye Ñim Lo'onatac 'Enauacna qami' 'enapegalo, 'eeta': «Qami', nache qami' llalaqpi Ñim Lo'onatac 'Enauacna maye nca'altauec.»

Génesis 32:13

Qaq so Jacob, nache lo'ochaqa' yemaye se'eso pe, nache som hueto'otpi somaye, iỹotauga so nme naqa'en so lqaỹa Esaú,

Éxodo 32:13

Qataq 'antoueeta'ac qome so 'ara'aqtac maye 'aỹa'anema co'ollaxa soua 'aramaxa'she Abraham, Isaac qataq so Israel, co'ollaq qoneta': Aỹem qome ỹataqta qalota ñaqa'en ca qaỹa'alquipi, 'eeta'am ye lcata ana huaqaañipi maye hueto'ot na piguem. Qataq qami' sanema 'enauac ne'ena 'alhua maye qami' sachaxanapeguema, da yaqto' nache 'eetai' da qaralamaxachi.»

Deuteronómio 1:11

¡Qaq Ñim Nataxala' maye Natamnaxala' so hua'au qarta'ailpi, ivi' ye mil ye lcata da qami' nquigaxatrec. Qataq qami' ichoxore'n, qaq nache ipacchigui da ỹan la'aqtac co'ollaxa!

Deuteronómio 13:18

Qaq 'era da 'eetec qome da ỹataqta qauo'oche' naua ỹaỹamaqchiyiñi qataq qaualaqaigueta naua lamaxasoxonaxaco Ñim Nataxala' maye qami' samaxaleguete nagui.

2 Samuel 17:11

Qaq ỹoqo'oye nagui, 'am shenapega da 'onaxaictaxa da 'alaỹona't 'enauac ye Israel le'ecpi, maye netaña ye Dan qataq ye Berseba, maye ỹataqta qalota 'eeta'am na coma' lsoche, maye hueto'ot na loigue aso auaxai, qataq nache 'am qome da 'am datalec yemayepi que'eca alaataxac.

1 Reyes 4:20

Qaq so Judá le'ecpi qataq so Israel le'ecpi ỹataqta qalota co'ollaxa, 'eeta'am na coma' lsoche maye hueto'ot na loigue aso auaxai. Qaq 'enauac da deque'etac, nỹomtac qataq ỹataqta machiguiñi.

Nehemías 9:23

Qataq 'aỹa'anem da ỹataqta qalota so llalaqpi somayepi, 'eeta'am ana huaqaañipi maye neto'ot na piguem, qataq 'aunoxonaqcheteua'a ye 'alhua maye 'auachaxanapeguem co'ollaxa da 'aỹa'anem so hua'au lta'alpi.

Isaías 48:19

Qataq nam 'am chegoxoguetpi ỹataqta qalota taxa, 'eeta'am na 'alhua lsoche maye huetangui aso auaxai qataq Aỹem saishet taxa da 'am selaxachigui qataq saishet taxa da 'am ñeloguiisop.»

Oseas 2:1

Huaña qome nache qoñiỹapega na qarqaỹaipi, qoñeeta': «Nhuo' le'ecpi maye lalamaxat Ñim Lo'onatac 'Enauacna», qataq ana qarqaỹaipi: «Nchoxonnatapi.»