Biblia Todo Logo
Bib sou entènèt

- Piblisite -




Génesis 22:15 - La'aqtaqa Ñim Lo'onatac 'Enauacna 2013

15 Nache so lamaxashec Ñim Nataxala' chemqot na piguem, da qaltaq iỹaxana so Abraham,

Gade chapit la Kopi




Génesis 22:15
15 Referans Kwoze  

Qalaxaye som lamaxashec Ñim Nataxala', natenalec asomaye co'ollaq huaña so toolec 'alhua, hueta'a so loigue aso npaxaatasheguem na 'etaxat, maye naña na loigue so nqa'aic maye taỹa'a ye Shur.


Qaq nataqa'en so lamaxashec Ñim Nataxala', 'enapega, 'eeta': «Ỹataqta qalota qome ñaqa'en ca 'am chegoxoguetpi, nache qaica qome ca ishet da naloqten.


Nache so Abraham ỹauo'o da le'enaxat se'eso 'alhua, 'eeta': «Ñim Nataxala' ỹan cam qaiuen.» Qaq ỹoqo'oye ñaq 'eetalec nagui de'era na'aqtac naxa maye, 'eeta': «Aca qaỹoqotcheguemec 'alhua, huaña da Ñim Nataxala' ỹan cam qaiuen.»


nache 'enapega, 'eeta': «Ñim Nataxala' 'enapec: Qaq cha'aye 'auo'ot de'era, qataq saishet da aỹem 'aullapeguem ñi 'oonolec 'aỹa'alec, qaq nagui san da ỹa'aqtac,


Qaq huaigui se'eso ichoxonaxac da so lamaxashec Ñim Lo'onatac 'Enauacna, iỹaxana da ỹe'enaxat, nache aỹem sasat, sheeta': ‹Aỹem sootai' ne'ena.›


so namaxashec maye aỹem nca'alaxateeguesop nam qauemsat, ỹanema qome ca lchoxonnataxanaxa ne'enaua nogotolqa. Da yaqto' chegoqchiguilo naamaye da saishet da qaicoua'ai da ỹe'enaxat, qataq da le'enaxat soua ita'al Abraham qataq so Isaac. Qataq ỹataqta qalota qome ca llalaqpi naamaye ana'ana 'alhua.»


Qaq huaña, nache Ñim Lo'onatac 'Enauacna nachaxana so Moisés, huetaigui so le'eraxa so norec maye huetaigui asotai' qo'oipaqole maye huo'o ana le. Nache so Moisés ichemaxata asomaye. Huaña, nache nanoma da 'ettaigui asomaye qalaxaye saishet da ỹavic.


Huaña, nache tachigui iuel qome da ñaỹamaxate' co'ollaxa so Jacob, Isaac qataq so Abraham, qataq seuennate yi'iye 'alhua maye sachaxanapeguema co'ollaxa soomaye,


Nache so 'oonolec soomaye 'enapeco': «Na lỹa vi'i, nache qaltaq ñe'eguelaq qome da 'am ñamaqtega, qalaq nache huetoigui qome da añi 'arhua Sara huo'o ca llalec.» Qaq aso Sara na'axaỹaxaatega 'enauac na ntaxaỹaxacpi, hueta'ague na l-laq so Abraham, asomaye huetaigui so lasom so npe'l.


Aỹem, maiche aỹem san da ỹa'aqtac, sachaxanapec co'ollaxa da ỹauegaxanaxac, qaq de'era sachaxanapec ipacchigui qome, qaq 'enauac qome nam shiỹaxauapi da aỹem ỹa'aroto naua l-llectel, qataq Aỹem ỹanot qome da la'aqtac


Ime, nache so lamaxashec Ñim Nataxala' 'enapega so Josué, 'eeta':


Aỹem Nataxala', ñepaxattalec qome na hueta'a na Jerusalén. Qaq nam ỹataqta qaica ca la'añaxac namayepi, qalaq 'eeta'am qome so David da la'añaxac, qaq nam chegoxoguetpi so David, qalaq 'eeta'am qome Ñim Lo'onatac 'Enauacna, qataq 'eeta'am ca lamaxashec Ñim Nataxala' da hua'auta'ague da tata'ague namayepi.


Qaq co'ollaq inoxoore'c soua cuarenta vi'iye, qaq so Moisés hueta'a ye toolec 'alhua maye saqaỹapeque añi qaỹoqotcheguemec 'alhua le'enaxat Sinaí. Huaña, nache nachaxana somaye so namaxashec piguem le'ec huetaigui aso qo'oipaq 'ettaigui.


Ñim Lo'onatac 'Enauacna ỹauo'o co'ollaxa de'era ỹachaxanapecot so Abraham, 'eeta': «Aỹem sauo'o qome ca 'anqouagaxa qataq 'am sami' ca ỹataqta qalota 'aỹa'alaqpi.» Co'ollaq Ñim Lo'onatac 'Enauacna da ỹami' de'era la'aqtac so Abraham da ipaqueelec, nache ỹan da la'aqtac chegoqchigui da maiche la'añaxac, cha'aye qaica ca lỹa 'amaqtaqaic da huo'otaq ỹachegoxoto'ot da la'añaxac.


Qaq som namaxashec piguem le'ec maye selota'a petalec na 'etaxat qataq na 'alhua, somaye ỹachaxanot na piguem na lhuaq aloic.


Swiv nou:

Piblisite


Piblisite