Génesis 22:14 - La'aqtaqa Ñim Lo'onatac 'Enauacna 2013

¹⁴ Nache so Abraham ỹauo'o da le'enaxat se'eso 'alhua, 'eeta': «Ñim Nataxala' ỹan cam qaiuen.» Qaq ỹoqo'oye ñaq 'eetalec nagui de'era na'aqtac naxa maye, 'eeta': «Aca qaỹoqotcheguemec 'alhua, huaña da Ñim Nataxala' ỹan cam qaiuen.»

Génesis 22:14 Referans Kwoze

Génesis 22:13

Nache so Abraham, namatasheguem nache ila'a so qagueta lhuaraic, ỹemaqtaiguilo soua lcoue so nshe'ela. Qaq huaña nache nqo'ona da ỹaconeua'a somaye, nache ỹavigaxat da ỹauo'o lachetaqtaxanaqte, nmeneguet naqa'en so llalec.

Éxodo 17:15

Nache so Moisés nauaxaỹaxaasheguem aso lca'atoxonaxalate, nache ỹanagui da le'enaxat: «Ñim Nataxala' 'eeta'am aca ỹa'ana maye seca'attalec.»

Jueces 6:24

Huaña nache so Gedeón ỹanaña yemaye da nauaxaỹaxaasheguem aso nca'atoxonaxalate maye lalamaqte Ñim Nataxala', nache ỹamata'ac da le'enaxat «Ñim Nataxala' nacheñi Ñim nlagaxayec.» Qaq nache ivitta'a nagui da ñaq netaña ye Ofrá, yem lma' so lalamaxat lauo' le'ecpi so Abiezer.

Génesis 22:8

Nache so Abraham, 'enapeco': «Qomye Ñim Lo'onatac 'Enauacna maiche ỹauo'o ca qagueta llalec da yaqto' qarachetaqtaxanaxat, 'am ỹalcolec.» Qaq soomaye nache quete', nnaictega't.

1 Samuel 7:12

Qaq co'ollaq ime, nache so Samuel ỹacono' so 'oonolec coma' nache ỹananguilo yeua Mispá qataq ye Sen, nache ỹanagui da le'enaxat Ebenezer, cha'aye 'enapeco': «Choche ivitta'a nagui da Ñim Nataxala' ña qomi' itauaata'ape.»

Génesis 28:19

Qaq se'eso 'alhua, huo'o co'ollaxa so huaqta'a't nỹecpi maye le'enaxat Luz, qalaxaye so Jacob naralaxat da le'enaxat, nache ỹanagui Betel.

1 Timoteo 3:16

Qaq saishet da qaiqoleguet de'era 'eesa lataxac da qara'amqaanataxanaxac, cha'aye ỹataqta lta'araic da naigui llo'oxoyec: So Cristo nachaxan co'ollaxa, qalaxaye ỹacona da lataxac ca yo'oqchigui shiỹaxaua; qaq So Saqcha'a Na'añaxac ỹa'axat da saqca ca lasouaxashet Somaye, qaq ỹauaachigui Somaye 'enauac na chegaqasheguem lamaxashecpi Ñim Lo'onatac 'Enauacna. Qataq qaỹa'axatem 'enauac na ỹotta'a't shiỹaxauapi, qaq na shiỹaxauapi maye huetalec ana 'alhua ỹa'amaqten Somaye. Ime, qaq qaỹaueegue da piguem, nache Ñim Lo'onatac 'Enauacna ỹataqta nlaxatchigui da 'enec Somaye.

Ezequiel 48:35

Qaq cam mpaqtaxanaxat da ima'a't qome nache ivi' nueve mil metros ye lalogaxa, qaq dam le'enaxat qome que'eca huaqta'a't nỹecpi qalaq, 'eeta': «Ñim Nataxala' hueta'a ne'ena.»

Deuteronómio 32:36

Ñim Nataxala' deloclec qome na lalamaxat nhuo' le'ecpi, da ila'a da mashe qaica ca la'añaxac, nache Ñim Nataxala' choche ichoxoren qome ne'ena lamaxashecpi, qom ila'a da mashe imeuo, cam huo'o da la'añaxac.

Génesis 32:30

Qaq so Jacob, nache ỹanagui da le'enaxat «Peniel» yi'iye 'alhua, cha'aye 'enapeco': «Aỹem ñema'ai' da ñauane' Ñim Lo'onatac 'Enauacna, qalaq ñaq 'eetalec da ñeca'altauec.»

Juan 1:14

Qaq se'eso Na'aqtac qomi' hueta'agueta, 'eeta'am ca 'oonolec da shenaqta. Qataq qomi' sauanaqchigui da la'añaxac maye maiche lalamaxat som 'oonolec Llalec Ñim Lo'onatac 'Enauacna, cha'aye qomi' ỹachaxanalo 'enauac da lsoxoyec qataq da 'eesa lataxac.

Miqueas 4:10

Qaq 'am huaqta'a't nỹecpi na Sión, 'ancogañi qome, qataq 'ana'alaxañe, qoneta'am 'aca 'alo da deco'otapigui', cha'aye nache 'am chegaqaigui qome na shiỹaxauapi, da tauga na no'onaxa da yaqto' nalec, nache ivitta'a ye Babilonia. Qalaxaye nache huaña qome yemaye da Ñim Nataxala', isouec na lalamaxat nhuo' le'ecpi, qataq nca'alaxateeguesop da lhuaqỹaxac na npa'aguenaxauapi.

Génesis 22:15

Nache so lamaxashec Ñim Nataxala' chemqot na piguem, da qaltaq iỹaxana so Abraham,

1 Samuel 29:10

Ỹoqo'oye 'ano'ottasheguem qonte' nte'etom, nache 'am qataq na 'analleppi qavi'iguelaqai qome.

1 Reyes 17:8

Qaq huaña, nache Ñim Nataxala' 'enapega so Elías, 'eeta':